Bom ânimo
Tende bom ânimo! Jesus repetiu estas palavras aos seus discípulos em meio às tempestades. No mundo tereis aflições, mas Ele já venceu o mundo — e nos dá coragem para enfrentar tudo.
Ta hayssa inttes yootizay intte tanan de7iin inttes saroteththi daana mala gaada yootays. Intte ha alamen dishin inttes waayey dees; gido attiin aykkoy baa; ta alame xoonadis» gides.
Neni bizason ubbaan GODAA ne Xoossay nenara diza gishshas aykkoy baa, minna, yayyofa, dagammofa gaada ta nena azazabeekkinaa!» gides.
Iyaasoykka isttas, «Babofte; dagammofte; minnitenne xalite; inttenara olettiza intte morkketa ubbata bolla GODAY hayssaththo ooththana» gides.
Tani nenara diza gishshas yayyofa;
tani ne Xoossa gidida gishshas
dagammofa.
Tani nena
minththananne maaddana.
Ta xilloteththa ushachcha kushen
zemppisa oykkana.
Xoossi nuus nuni nu hu7e haaranaas Xoossa wolqqa eranaassinne siiqettana Ayana immides attiin babo ayana immibeenna.
Taas wolqqa immiza Kirstoosan tani ubba miish ooththanaas dandayays.
Intte hidota
GODAAN ooththidaytoo!
Beeggitenne minnite.
Tani xeygida gallas taas koyadasa;
ne minoteththan
tana minththeththa.
GODAY taas poo7onne
tana ashshizayssa;
histtiin tani oonas yayyanee?
GODAY ta shemppoys
attiza miixa;
histtiin tani oonas babbanee?
Yesusi heerakka, «Aykkoy baa! Tanakko; babbofte!» gides.
Wurikka iza be7idi dagammida; izikka heerakka istta yoochchidi, «Aykkoy baa; tanakko dagammofte!» gides.
Izikka, «Ta nayee! Ne ammanoy nena paththides; saron ba!» gides.
Nuni ashon diza wode Godaappe haakki dizayssa erikkoka izan ammanettidi doos.
Hessafe guye Solomooney laappunththa aginan nam7u tammanne heedzdzanththo gallas asaa moyzides; GODAY Dawites, Solomoonessinne ba asaa Isra7eeles ooththida kiyateththan asay ufayettishenne wozinappe pashki giidi ba soo ba soo bides.
«Hayyana minnite! Xala gidite! Nunara dizayssi isttara dizayssafe aadhdhees; hessa gishshas Asoore kawossinne iza olanchchatas babofte; dagammofte.
Neni meto gallas laafikko,
ne wolqqay ay mala guuththee?
Hessa gishshas intteno ha asatoo aykkoy baa; Xoossi taas hayssa yootidayssa polanayssa ta ammanays.
Inttenan lo7o ooso doommidayssi izi Yesus Kirstoosi wurseththa pirdas yaana gakkanaas inttena dandayssanayssa ta ammanays.
Ha7i guuththa wodes dumma dumma paacetti inttena waayisikkoka intte hessan ufayettite.
Xillotas atoteththi GODAAPPE yees;
meto wode izi isttas geemmizaso.
Intte minnana mala maaddiza Ayana imota ta intte gishshassinne inttena ayfera beyanaas laamotays. Hessika intteninne tani issoy issaara ammanon minettanaassa.
Hessa gishshas nu hidota qanxxoko; nuus kare bagga asateththay dhayi dhayi biikkoka nuus gaaththa bagga asateththay gallas gallas ooraxi ooraxi bees.
Hessa gishshas tumappe intte ha7i ooththizayssa malakka issoy issaara minettitenne minththeththite.
Hessa gishshas nu ishatoo! Nu dizay waayeninne meto garsan gidikkoka intte ammano gaason inttenan ha7i nu minettoos.
Histtiin asay zaaridi, «GODAA aggidi hara eeqa xoossatas goynoy nuuppe haakko! Gibxe aylleteththa biittafe, nunanne nu aawata kessidi ehiday, he gita malaatata nu sinththan ooththiday, nu biza oge ubbaaninne nu kanththida kawoteththata ubbaa giddon nuna naagiday GODAA nu Xoossaa.
Ta inttes halchchida halchcho erays; he halchchozas poloy lo7onne hidota immizaaza, inttena go7izaaza attiin qohizaaz gidenna.