Bom ânimo
Tende bom ânimo! Jesus repetiu estas palavras aos seus discípulos em meio às tempestades. No mundo tereis aflições, mas Ele já venceu o mundo — e nos dá coragem para enfrentar tudo.
Ama’ina nanekema Nagra neramasmuana, Nagripinti tamarimpa fru erigahaze. Ama mopafina hazenke zane, tamasuzamo egahianagi, oti hanavetiho. Na’ankure Nagra ama mopafi hanavea azeri haviza hu’na hago agatere’noe.
Hagi Nagra ko' huhankaveti’na hugante’nogu korora osunka oti hanaveti’nenka, kamanogura hunka kahirahikura osuo. Na’ankure Ra Anumzana kagri Anumzamo’na maka kazigama vanantega kagrane vugahue.
Hanki Josua’a Israeli vahe’mokizmia amanage huno zamasami’ne, Tamagra korora huge, antahintahi hakarea osiho. Na’ankure Ra Anumzamo’a amama hiaza huno maka ha' vahetamima ha’ma huzmante’nazana anahu zanke hugahie.
E’ina hu’negu korora osiho, na’ankure nagra tamagrane mani’noe. Nagra tamagri Anumza mani’noanki, antahintahi hakarea osiho. Nagra tamazeri hankaveneti’na, tamaza hugahue. Nagra tamagerfa hu’na hankavenentake tamaga nazampi tamazerigahue.
Na’ankure Anumzamo’a kore huno fraki Avamura ontami’ne. Hianagi hanave’ane, avesi’ene, avufga antermino kentahi avamu tami’ne.
Kraisi’a hanavea nenamigena, Agri hanavefi maka’zana amne hugahue.
Ra Anumzamofonte’ma amuha’ma nehaza vahe’mota korora osu hankavetita maniho.
Nagrama nunamuma nehugenka nagri nunamuntera nona nehunka, naza hunka nazeri hankavetinke’na hankaveti’na mani’noe.
Ra Anumzamofoma humuse hunte nunamu zagame Deviti asunte’nea zagamere
Ra Anumzamo’a nagri tavi mani’neno, nagu’vazi ne' mani’neankina, nagra na’anku korora hugahue? Ra Anumzamo’a nagrira hankave vihuni’a mani’neanki’na, na’anku nagra nahirahikura hugahue?
Hianagi ame huno Jisasi’a anage huno zamasmi’ne, Korora osuta akoheta maniho, ama Nagre, huno higeno,
Na’ankure makamo’za nege’za zmagogogu hu’naze. Hianagi hantaka huno anage huno zamasami’ne, Nagragi oti hanavenetita, korora osiho.
Anante Jisasi’a anage huno ana ara asami’ne, Mofamoke, kamentintimo kazeri so’e hianki krimpa frune vuo.
E’ina hu’negu tagra hakare zupa hanavenetita, ama tavufgare’ma mani’neta zahufa Ramo’enena omani’none huta nentahune.
Hagi seveni ikamofona 23knazupa, Solomoni’a ana maka vahetmina huzamantege’za kumazmirega muse nehu’za vu’za eza hu’naze. Na’ankure Ra Anumzamo’a, Devitine, Solomonine, Israeli vahe’ama knare’zama huzmante’nea zanku anara hu’naze.
korora osuta hankavetita otiho. Asiria kini ne’ene rama’a sondia vahe’araminkura korora huta tamahirahikura osiho. Na’ankure tagri kazigama mani’nea ne’mofo hankavemo’a, agri kazigama mani’naza vahe’mofo hankavea razampi agatere’ne.
Knazampima unefrenka hanavema otisankeno’a, hanaveka’a omanegosie.
E’inage hu’negu ama vene’nezaga korera osiho. Na’ankure nagra Anumzamofonku namentinti nehuankino nasami’nea kante anteno fatgo huno taza hugahie.
Na’ankure nagra antahi’noe, Anumzamo’a tamagripi knare eri’zama erigafa hu’nea eri’zana erime nevanigeno, Krais Jisasima esania knare eri vagaregahie.
Anazama erisaza zankura muse nehazanagi, ama atupa knafina ruzahu ruzahu knazama e’nerisageno,
Hianagi Ra Anumzamo’a Agri’ma amage’ma nentaza vahera zamagu’nevazino hazenke knafina kegava hunezmante.
Na’ankure tamagri’ma eme neramage’na, Avamumofo musezama nagripi me’neazama nerami’nugeno, tamazeri hanavetisia zankura tusiza huno navenesie. E’i ana zana, tamagri tamentintima azeri hankaveti ke neramasami’nena, nagri’enena ana zanke huta nazeri hanaveti kea nenasamisageta tamentintifina oti hanavetita manigahune.
Ana hu’negu tavresra nosie. Tamage tavufgamo’a frino negasrianagi, knane knanena avamutimofona erikasefa nehie.
E’ina hu’negu mago magomotma, ozeri hanaveti azeri hanaveti nehutma, menima nehazaza hutma mago magomofona zamazeri hanavetita maniho.
Ama’na agafare, nenfugta vahe’mo’zama knazama tamiza tatazampima unefronkeno’a, tamagrama tamentintima hu’naza zamo maka knazantifina tazeri hanavenetie.
Anante ana maka vea kevumo’za kenona’a amanage hu’naze, tagra tamagerafa huta Ra Anumzana atreta mago’a havi anumzantera monora huozmantegahune. Na’ankure Agra Ra Anumzana tagri Anumzamo Agra’a, tafahe’ine tagri’enena Isipi vahe kazokzo eri’zama erinezmantompintira tavreno etirami’ne. Ana huteno tavufinti negonkeno, ana maka kaguvazana eri fore nehuno, kama e’nompina hakare’a kuma vahe mani’nazanagi Anumzamo’a kva hurantegeta amu’nozmifina e’none.
Na’ankure nazano Nagrama huramante’naku’ma hu’noa antahintahizana ko retro hunte’noe. E’ina antahi’zama retro’ma hu’noana, tamazeri haviza hu antahintahizana retro osu’noanki, henkama knare’ma huta nemanisageno muhama nehaza zamo’ma knare’ma hania antahintahi retro hu’noe, huno Ra Anumzamo’a hu’ne.