Bom ânimo
Tende bom ânimo! Jesus repetiu estas palavras aos seus discípulos em meio às tempestades. No mundo tereis aflições, mas Ele já venceu o mundo — e nos dá coragem para enfrentar tudo.
Na ka erme di teiga i, mudu ene na mina si dakagl moglsre, deno muduno wida di inaiglkwa pre diga. Ene makandigle moraiglmara i, yoba yubun kane kane tenaiglkwa ba ene gun yeio! Na makandigle yoba yobuglo ere te kodiwe di, Jisas yegl dugwa.
Te, ene God kogonmo eratnga i, kudugl goglkro! I siragl pre God ye Murubuglomo norukwa suna moglkwa i, nono kudugl goraiglmedi erekrukwa. Ye erukwa i, yobuglo norsre, nono deno muduno ikne ikne tenaiglmedi ersre, nomane wakai norukwa.
Na ege ege pra iedi prisre, gun yei pai moraglka i, siragl pre Krais yene yobuglo bogl narukwa pre na ege ege yegl eraglka i, kuno erukwa.
Yegl digwa ba Jisas oglade yegl di togwa, Ene kiede mogl, kudugl goglkrio! Na wiwe dugwa.
Ede okna enagledi erukwa ba ye duglo beglkwa yagl mudu kandre, kudugl podo gogl, grigle di, Yoba goglkwa ta kiamo umiwe digwa. Yegl digwa ba Jisas oglade yegl di togwa, Ene kiede mogl, kudugl goglkrio! Na wiwe dugwa.
Di nogugl edugo, Jisas ye di te, yegl dugwa, Abra yo, ene na pre mediglnga pre kidenen bu yomiwa. Ene den mudun wida dinan, ede enatniwe dugwa.
Ana no taragl yegl mere okuo plau dinabedi pre gi dumga pre oglka erekre, ege ege yobuglo i munga. Te, no ama prumga i, ogono nagino erme paugwa i bogl munga pre no Yagl Kade moglmara ta moglkrumga.
Yegl di narukwa pre ene erme kudugl goglkrio! God kamo angelo u di narukwa i, na kaima pai inabedi pre mediluwe dugwa.
Te, na pre kan erika i, God, ye ene deno muduno mina kogon wakai mabuno bogl erukwa i, ere kodinabedi prika. Ye ene deno muduno mina kogon ere pai mogl enan, Krais Jisas ede ikne unabiwe di, na yegl pre kan ersre, ene pre gun keme yeiga.
Ana okuo God taragl wakai wakai nono noragle dugwa i, ene poglo di prisre, gun podo yeigwa. Erme ene ege sugunagle yubun kane kane idre, kide praiglkwa paugwa ba ene ama taragl tau okuo plau dinabuka i poglo di prisre, gun podo yei meglkwa.
I siragl pre ene ka kaima kanagledi prika. U ene kandre, kiano mina ake ple di tebo, yobuglo inaiglmedi prika. Na prika i, na pre mediglka i, kandre, yobuglo ibi, te ene pre mediglkwa i na ama kandre, yobuglo ibo, ikne ikne deno muduno si gigle dinamnedi prika.
No yubun yumnara i mina taragl wakai yegl mere plau dugwa pre no oglka erekre, kogon ere pai munga. Kaima, no ogono nagino mina ede ime ime ogwa ba no kiano ege ege u kor kor ogwa.
Ana nono mudu Yaglno Kade bogl aimadi kamin kor moramga ka i, ene poglo di prisre, ikne ikne deno muduno si gigledi tedre, agroma abaroma yakenaiglmedi erio. Na prika, ene erme mabuno i ere meglmedi prika ba ene ege ege ere pai moglsre, mabuno i mina yake pai moraiglkwa pre diga.
Timoti ka wakai yegl di norukwa pre no ye bogl akie gun yomga. No kogon erumnara i, yoba ege mere ere kide ere noriko, no yubun podo imga pre kide pramga ba ene Yaglno Kade pre mediglmara adigl gigledi meglkwa i pre no deno muduno aragan eruko, no aglke kor gun yedre, erme wakai kaima muniwedi prumga.