Bom ânimo
Tende bom ânimo! Jesus repetiu estas palavras aos seus discípulos em meio às tempestades. No mundo tereis aflições, mas Ele já venceu o mundo — e nos dá coragem para enfrentar tudo.
Ya kadég yeiy, piglong da ku kamayu pada awun kalinaw mayu asuntu na nyangintu-u kamu kanak. Asini tas na lupaꞌ, magti-is kamu sa madég na kalugan. Manang diliꞌ magkalumay ya ginawa mayu, kay pigdeg da ku ya kadég na malatay asini tas na lupaꞌ na nyatu sa Tyumanem."
Kay ya Ispiritu Santo na pigpa-eyaꞌ adti seled tadun, walaꞌ pag-imoꞌ kanaten matalaw. Manang pig-atag nan baling kanaten ya kabagseg na anenganeng aw ya pagginawa sa manga utaw aw ya katadeng magtagen sa pagkaliman na pagka-utawun tadun.
Mabatug ku ya kadakulaꞌ magi sa tabang ni Kristu kay yan ya magpakabagseg kanakeꞌ.
Manang maksay si Jisus migtawag kanilan, "Diliꞌ kamu magkallek! Aku saba ya ini! Pakabagsega ya kamayu ginawa."
kay alag nilan pigkitaꞌ aw to-o silan nyallek. Manang maksay si Jisus migtawag kanilan, "Diliꞌ kamu magkallek! Aku saba ya ini! Pakabagsega ya ginawa mayu."
Aw miglong si Jisus kanan, "Kay Déꞌ, asuntu sa pagpangintu-u mu kanak, yan ya nyakaguliꞌ kanmu. Uliꞌ kaw na awun da kalinaw na kanmu anenganeng."
Yanagaw gayed kitadun syumalig na tumanen na Tyumanem ya manga pigpakang nan kanaten, pangkay nyeyaꞌ pa kitadun asini tas na lupaꞌ aw mawat pa kitadun adti eya-anan na Matas na Pangulu.
Maynan ya pigpa-edeꞌ kanak na Tyumanem. Yanagaw, pakabagsega ya ginawa mayu, kay dakulaꞌ ya pagsalig ku sa Tyumanem na tumanen nan ya kanan piglong kanak!
Aw walaꞌ aku pagduwaduwa na padelegen pa na Tyumanem ya madyaw na pigpalekat da nan dun ni kadég mayu aw un nan saba lingeben dun ni allaw na dumateng da si Kristu Jisus.
Aw yeiy ya du-an na dakulaꞌ ya pagleya mayu pangkay pigti-isan mayu ya madég na pagtandaꞌ, manang oloꞌ yeiy magpaka-agi.
kay kaliman ku na kumitaꞌ kamayu pada ka-atagan kamu sa grasya na lekat adti Tyumanem na yan ya makapasalig sa kamayu pagpangintu-u. Ya pyalabet ku na ya tagsambuksambuk kanaten magpakabagsegay kitadun sa kanaten ginawa dun ni pagpangintu-u tadun kan Kristu Jisus.
Yanagaw walaꞌ pagkalumay ya kanami ginawa sa imo-unun yeiy. Pangkay ya kabagseg na kanami lawas maya-mayaꞌ nyalagak, manang kada allaw pigbagu na Tyumanem ya kanami anenganeng.
Yanagaw padelega mayu ya pagpakabaseg sa ginawa na tagsambuksambuk kamayu aw ya pagpakasalig sa pagpangintu-u na kadég mayu, kasiling na pig-imoꞌ da mayu adun.
Yanagaw, kay manga inulug, pangkay dakulaꞌ to-o ya kalugan aw pagti-is nami, manang migkaga͡an ya kanami ginawa kay pig-ubatan da kami sa kamayu pagpangintu-u.