Bom ânimo
Tende bom ânimo! Jesus repetiu estas palavras aos seus discípulos em meio às tempestades. No mundo tereis aflições, mas Ele já venceu o mundo — e nos dá coragem para enfrentar tudo.
"ईंयां गल्ला बोली मंऐं तम्हां का तै कि तम्हां मुंह दी शांती भेटे, संसारै हआ तम्हां भारी कष्ट, पर हैअ डाहै, मंऐं हेरअ संसार ज़िती।"
इहअ डाहै आद कि ताल्है आसा मंऐं हुकम किअ द, तूह डाहै हैअ! तूह निं डरी आथी अर नां हैअ चोल़ी। किल्हैकि ज़िधी-ज़िधी तूह डेओए, तिधी-तिधी रहणअ हुंह तेरअ परमेशर बिधाता ताह संघै आप्पै।"
तेखअ बोलअ ज़ैहसू आपणैं तिन्नां सैनापति लै, "डरी निं आथी नां हैअ चोल़ी, हिम्मत करनी अर दिलै डाहणअ पाक्कअ भरोस्सअ, किल्हैकि ज़ेतरै बी थारै दुशमण होए तिन्नां संघै करनअ बिधाता इहअ ई।"
तम्हैं निं डरी आथी, तम्हां संघै आसा हुंह!
हुंह आसा थारअ परमेशर, तम्हां निं कोही का डरने ज़रुरत आथी!
तम्हां लै बल दैणअ मुंह अर थारी मज़त बी करनी मुंह।
तम्हैं नढैऊणैं मुंह हाथै ढाकी संघा डाहणैं बच़ाऊई।
परमेशरै निं हाम्हैं डरैल्हू आथी बणाऐं दै। पर तेऊए आत्मां करा म्हारै दिला पाक्कै, सह करा म्हारी होरी लै झ़ूरी करने मज़त अर सह दैआ हाम्हां लै सबर।
मसीहा ज़ुंण मुल्है शगती दैआ तेऊ दी सका हुंह सोभ किछ़ करी।
ओ लोगो, ज़ुंण बिधाता दी आशा डाहा,
तम्हैं डाहा हैअ अर तम्हैं लोल़ी पाक्कै रहै।
तंऐं शूणीं मेरी पकार ज़ेभै मंऐं ताखा अरज़ किई,
तंऐं पाऐ हैअ दैई मुंह दी तराण।
बिधाता आसा मेरअ प्रैश्शअ ज़ुंण मुंह बच़ाऊआ।
हुंह निं कोही का डरदअ।
बिधाता करा मेरी फाज़त आप्पै अर
हुंह निं कधि फिकर करदअ।
तेखअ किई तेभी ईशू तिन्नां संघै गल्ला, "डरा निं आथी, अह आसा हुंह तम्हैं निं हैअ चोल़ा।"
तिंयां सोभै ज़ण्हैं डरै तेऊ भाल़ी करै। पर ईशू किई तेभी तिन्नां संघै गल्ला संघा बोलअ तिन्नां लै, "हैअ डाहा, डरा निं आथी हुंह आसा।"
ईशू बोलअ तैहा लै, "बेटीऐ, तंऐं किअ विश्वास कि हुंह सका ताह नरोगै करी अर मंऐं हेरी तूह एऊ रोगा का नरोगी करी। ऐबै डेऊ शांती दी आपणैं घअरा लै तूह गई एऊ रोगा का छ़ुटी।"
हाम्हैं डाहा सदा हिम्मत बान्हीं, अर हाम्हां का आसा थोघ कि ज़ेभै तैणीं हाम्हैं एऊ संसारे देही दी रहा, तेभै तैणीं निं हाम्हैं तेऊ घअरा लै डेऊई सकदै ज़िधी परमेशर रहा।
त्रेई शऊजै मुक्की तिन्नें जाचा अर तैहा ई धैल़ी छ़ाडै राज़ै सुलैमानै सोभ आपणैं-आपणैं घअरा लै। सोभ लोग डेऊऐ खुशी-खुशी आपणैं-आपणैं घअरा लै किल्हैकि बिधाता दैनी आपणैं दास दाबेद अर इज़राईली परज़ा लै खास्सी बर्गत।
"हिम्मत डाहा, पिछ़ू निं हटी! अश्शूरी राज़ै सनहेरीब अर तेऊए सैना का निं डरदै लागी, तिन्नां का कई गुणा खास्सअ बल आसा हाम्हां संघै।
ज़ै तम्हैं आफ़ते पलका हैअ चोल़े,
तै आसा तम्हैं भितरा का खास्सै दुबल़ै।
तैही बोला हुंह ओ साथीओ, हैअ डाहा, किल्हैकि हुंह करा परमेशरा दी भरोस्सअ, कि ज़िहअ मुखा खोज़अ द आसा, तिहअ ई हणअ।
मुंह आसा ऐहा गल्लो भरोस्सअ कि ज़ुंणी परमेशरै तम्हां दी बधिया काम करनअ शुरू किअ, तेऊ ई करनअ सह ईशू मसीहे फिरी एछणें धैल़ी तैणीं पूरअ।
इना सोभी गल्ले बारै लागा तम्हां खुश हणअ च़ाऐ एभै थोल़ी घल़ी कई रंगे तकलिफी तम्हां दुखी किल्है निं करे।
धर्मीं मणछा बच़ाऊआ बिधाता आप्पै,
खरीए पलका हआ सह तिन्नां लै पाक्कै गहल़ा ज़िहअ।
किल्हैकि मेरअ दिल आसा तम्हां सेटा एछणा लै चाछल़दअ लागअ द, कि हुंह तम्हां लै आत्मिक बरदान दैई सकूं ताकि तम्हैं परमेशरे झींण अर विश्वासा दी पाक्कै होए। मेरअ बोल़णैंओ मतलब आसा इहअ कि हुंह च़ाहा इहअ कि हाम्हैं एकी-दुजै लै आपणैं मसीहा दी विश्वास करने बारै खोज़ी करै हैअ दैई सके।
म्हारअ मन्न निं धिठअ हंदअ, ज़ेभै म्हारी देही बागा का हर धैल़ै पराणीं लागा हंदी, परमेशर बणाआं हाम्हां भितरा का म्हारी आत्मां दी हर धैल़ै नऊंऐं।
एते तैणीं दैआ एकी-दुजै लै हैअ अर एकी-दुजै लै करा परमेशरा दी विश्वास पाक्कै हणां लै मज़त, ज़िहअ तम्हैं करा बी।
भाईओ, तैही हुई हाम्हां आपणैं सारै दुख-सांगटा दी थारै विश्वासा दी टेक्की रहणें गल्ला शूणीं खास्सी शांती।
तेखअ दैनअ सारी परज़ा ज़बाब, "बिधाता छ़ाडी होरी देअआ-देबीए पूज़ा निं हाम्हैं कधि लोल़ी किई! अह परमेशर आसा म्हारअ सह ई बिधाता ज़ुंणी म्हारै दाद-बाब मिसर देशे गलामी का आणै काढी, हाम्हैं आसा तेऊए बडै-बडै नुआहरै च़मत्कार आपणीं आछी भाल़ै दै। ज़हा-ज़हा देशा जैंदरा बाती हाम्हैं आऐ: तेऊ किई तेथ हर ज़ैगा म्हारी फाज़त।
ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्नी करने आथी। मेरी सोठ हणीं एही ज़ेथ आजू तम्हां आशा रहे।