Bom ânimo
Tende bom ânimo! Jesus repetiu estas palavras aos seus discípulos em meio às tempestades. No mundo tereis aflições, mas Ele já venceu o mundo — e nos dá coragem para enfrentar tudo.
हाव आहयी कळी मे तमने दुख झेलवा पड़हे। ते बी हीम्मत राखजो, मे आहयी कळी ने जीक लेदलो से। मे आहयी आखी वात आनीन करते केदलो से, के आव्वा वाळा दाड़ा मे तमु दुख झेलता जाय्न बी मारी मे सांती हात कर लेवो तेम।
ह़ु मे तने हुकम नी आप्यो? हीम्मत राखीन टणको हय जा; बीहे ना, अने तारु मन काचु ना करे; काहाके जां-जां तु जही तां-तां तारो भगवान यहोवा तारी ह़ाते रेहे।"
ता यहोसु तीमने केदो, "बीहो ना, अने तमारु मन काचु ना करो; हीम्मत राखीन वातड़ा रेवो; काहाके यहोवा तमारा आखा वेरी ह़ाते जीमनी ह़ाते तमु झुमायवा वाळा से आसमेत करहे।"
काहाके भगवान आपणु ने बीक नी आत्मा नी, पण ताखत, अने मोंग, अने गम नी आत्मा आपलो से।
जे मने सक्ती आपे, तीनी मे मे आखु कंय कर सकत्लो से।
ईसु तत्यारुत तीमने केदो, हीम्मत राखो! मेत से, बीहो ना।
आखान-आखा तीने देखीन बीहीन घबराय ज्या। तत्यारुत ईसु तीमने केदो, "मे से हीम्मत राखो, बीहो ना।"
ईसु तीने केदो, "बेटी, तु भरहो करी, एतरे तु वारु हय जेली से, अने हाव सांतीन जीवे जत रे।"
आहयी धरती पोर रीन आपणु हीम्मत राखया अने आहयु जाणया के जत्यार लग आपणा घोर ह़रका आहया डील मे रीया तां तक आपणु मालीक ईसु ना रेवा ना जागा गेथा नाम्बे से।
एतरे ए माणहु, हीम्मत राखो; काहाके मे भगवान पोर आहयो भरहो करु, के जीसम तीहयो केदलो से तेम हयहे।
मने आहयी वात नो भरहो से, के जे बी तमारी मे वारला काम चालु करलो से, तीहयोत तीने ईसु मसी ना आव्वा ना दाड़े लग पुरु करहे।
आनीन करते तमु खुस हयो, जरुड़ी से के हाव थोड़ाक दाड़ा लेदे कंय भाती नी पारख नी लेदे दुख मे से।
काहाके मे तमने भेटवा नी हेर करु के मे तमने एक आत्मा नो वाटो आप सकु, जीनी सी तमु टणका हय जावो; मतलब आहयु, के जत्यार मे तमारी वच मे आवु ता आपणु तीहया भरहा ना लारे जे मारी मे अने तमारी मे से, तीनी सी मने अने तमने मदत जड़े।
एतरुत नी करते आमु हीम्मत नी सोड़या। भले अमारा डील मे नो जोर कमतो हयतो जाय र्यो हय ते बी अमारी आत्मा दाड़ी-दाड़ीक नवली हयतीत जाय री।
एम करीन एक-बीजा ने सांती आपो, अने एक-बीजा नी लेदे फायदा नो कारण बणो, जेम तमु करी बी र्या।
एतरे ए भायु, अने बेन्या, आमने अमारा आखा दुख अने वेला मे तमारा भरहा सी सांती जड़ी।
ता माणहु जपाप आप्या, "यहोवा ने छोड़ीन बीजा देवताम नी सेवा करवा अमारी गेथु सेटु रेय; काहाके अमारो भगवान यहोवा तीहयोत से जे आमु ने अने अमारा आड़ा-बुड़ाम ने गुलामी ना घोर, मतलब मीस्र देस मे गेथो नीकाळ लायो, अने अमारा देखणते-देखणते मोट्ला-मोट्ला वहराड़न्या काम कर्यो, अने जे वाटे अने जेतरी जाती नी वचमे आमु चालीन आवता हता तीमनी सी अमारी रखवाळी कर्यो;