O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
फेर परमेसवर नै जो किमे बणाया था, सारा किमे देख्या, तो के देख्या, के वो घणाए आच्छा सै। अर साँझ होई फेर सबेरा होया। इस तरियां छठा दिन होग्या।
यहोवा भला अर सीध्धा सै;
इस करकै वो पापियाँ नै अपणी राह दिखावैगा।
पर परमेसवर के धोरै रहणा, योए मेरे खात्तर भला सै;
मन्नै प्रभु यहोवा ताहीं अपणा शरणस्थान मान्या सै,
जिसतै मै तेरे सारे काम्मां का जिक्र करुँ।
यहोवा का धन्यवाद करणा भला सै,
हे परमप्रधान, तेरे नाम का भजन गाणा;
सबेरै कै बखत तेरी करुणा
अर रोज रात तेरी सच्चाई का प्रचार करणा,
दस तारआळे बाजे अर सारंगी पै,
अर वीणा पै गम्भीर स्वर तै गाणा भला सै।
क्यूँके यहोवा भला सै, उसकी दया हमेशा खात्तर सै,
अर उसकी सच्चाई पीढ़ी तै पीढ़ी ताहीं बणी रहवै सै।
देक्खो, या कितनी भली अर मनभावणी बात सै
के भाई लोग आप्पस मै मिलै रहवै।
क्यूँके मन्नै थारे ताहीं खरी शिक्षा दी सै;
मेरी शिक्षा नै ना छोड़ो।
भला माणस जवाब देण तै राज्जी होवै सै,
अर मौक्कै पै कह्या होया वचन ए भला हो सै!
हे मेरे बेट्टे तू शहद खा, क्यूँके वो आच्छा सै,
अर शहद का छत्ता भी क्यूँके वो तेरे मुँह म्ह मिठ्ठा लाग्गैगा।
इसे तरियां बुद्धि भी तन्नै उसीए मिठ्ठी लाग्गैगी;
जै तू उसनै पा लेवै तो आखर म्ह उसका फळ भी मिलैगा, अर तेरी आस न्ही टूट्टैगी।
बुद्धि विरासत कै गैल आच्छी होवै सै,
बल्के जगत मै जिन्दा रहण आळयां कै खात्तर फायदेमन्द सै।
जो यहोवा की बाट देक्खै अर उसकै धोरै जावै सै, उनकै खात्तर यहोवा भला सै।
यहोवा तै उद्धार पाण की आस राखकै चुपचाप रहणा भला सै।
हे माणस, वो तेरे ताहीं बता चुक्या सै के आच्छा के सै; अर यहोवा तेरै तै इस्से नै छोड़ और के चाहवै सै, के तू न्याय तै काम करै, अर कृपा तै प्यार राक्खै, अर अपणे परमेसवर कै गैल नम्रता तै चाल्लै?
ज्यांतै हम यो नतिज्जा लिकाड़ा सां, के नियम-कायदे पवित्र सै, अर हुकम पवित्र, धर्मी अर खरया सै।
इस दुनिया के माणसां बरगे ना बणो, पर परमेसवर थारी सोच नै बदलै, अर थारा चाल-चलण भी बदलता जावै, जिसतै थम परमेसवर की भली, अर आच्छी लागण आळी, अर सिध्द इच्छा अनुभव तै बेरा पाड़ सको।
इस करकै जै तू अपणी नजर म्ह बढ़िया काम करै सै, पर दूसरा उसनै बुरा मान्नै सै तो उसनै ना करै।
इब मै सारया तै पैहल्या यो आग्रह करुँ सूं, के बिनती, प्रार्थना, निवेदन, अर धन्यवाद सारे माणसां कै खात्तर करे जावै। राजयां अर सारे ऊँच्चे ओद्या आळा कै खात्तर ज्यांतै ताके वो हमनै आराम अर चैन कै गेल्या सारी भगति अर गम्भीरता तै जीवन बिताण देवै। इसी प्रार्थना सही सै अर म्हारै परमेसवर उद्धारकर्ता नै आच्छी लाग्गै सै।
ये झूठ्ठे लोग सिखावै सै, के ब्याह करणा अर कई चीज जो खाण-पीण की सै, वे गलत सै, पर परमेसवर नै इन खाण-पीण की चिज्जां ताहीं बिश्वासियाँ खात्तर बणाया सै, जो सच्ची शिक्षा नै जाणै सै के परमेसवर की बणाई हरेक चीज आच्छी सै, कोए भी चीज नकारन की कोनी, जै उस ताहीं धन्यवाद देकै खावै। क्यूँके परमेसवर के वचन अर प्रार्थना कै जरिये सब कबूल हो जावै सै।
क्यूँके हरेक आच्छा वरदान अर हरेक उत्तम दान परमेसवर की ओड़ तै ए सै, जो सिध्द सै, जिसनै आसमान की ज्योतियाँ बणाई सै, अर वो इनकी छाया की तरियां कदे बदलता कोनी।
"नूण एक जरूरत की चीज सै, पर जै नूण का सुवाद जान्दा रहवै तो उसनै किस तरियां नमकीन करोगे? अपणे म्ह नूण जिसा गुण राक्खो, अर आप्पस म्ह मेळ-मिलाप तै रहो।"