31 Chineke legharịrị anya nʼihe o kere, hụ na ọ dị ezi mma. Uhuruchi dị, ụtụtụ dịkwa. Ọ bụrụ ụbọchị nke isii.

8 Onye dị mma na onye ezi omume ka Onyenwe anyị bụ;

ọ bụ ya mere ọ na-ezi ndị mmehie ụzọ ya.

28 Ma nye mụ onwe m, ọ dị mma ịnọ Chineke nso.

Emeela m Onye kachasị ihe niile elu, bụ Onyenwe anyị ebe mgbaba m.

Aga m akọ banyere ọrụ gị niile dị iche iche.

1 Ọ bụ ihe ziri ezi ito Onyenwe anyị,

na iti egwu nye aha gị, gị Onye kachasị ihe niile elu,

2 ikwupụta ịhụnanya gị nʼụtụtụ,

na ikwesi ntụkwasị obi gị nʼabalị,

3 jiri ihe iti egwu ụbọ akwara

na une bụọrọ gị abụ dị ụtọ.

5 Nʼihi na Onyenwe anyị dị mma, ịhụnanya ya na-adịgide ruo mgbe ebighị ebi.

Ruo ọgbọ niile ka ikwesi ntụkwasị obi ya na-adịgidekwa.

1 Lee ka o si bụrụ ihe dị mma

na ihe ọṅụ mgbe ụmụnne na-ebikọ nʼotu!*

2 Ṅaanụ ntị, nwee uche, nʼihi na ọ bụ ezi ozizi ka m na-ezi unu;

ya mere, unu ahapụkwala iwu m.

23 Ọṅụ na-adị mgbe mmadụ natara ọsịsa dị mma,

okwu e kwuru nʼoge o kwesiri dị mma.

13 Nwa m nwoke, rachaa mmanụ aṅụ nʼihi na ọ dị mma.

Mmanụ aṅụ nke si nʼugbugbo mmanụ aṅụ na-adị gị ụtọ nʼọnụ.

14 Marakwa na otu a ka amamihe kwesiri isi tọọ obi gị ụtọ.

Ọ bụrụ na i chọta ya

i nwere olileanya nke ga-adịgide.

11 Amamihe dịka ihe nketa, bụ ihe dị mma.

Ọ na-abara uru nye ndị na-ahụ anyanwụ anya.

25 Onyenwe anyị dị mma nʼebe ndị olileanya ha dị nʼime ya,

e, nʼebe obi ahụ dị, nke na-achọsi ya ike.

26 Ọ bụ ihe dị mma iji nwayọọ

chere nzọpụta nke Onyenwe anyị.

8 Nʼihi na o gosila gị, gị mmadụ, ihe dị mma.

Gịnịkwa bụ ihe ahụ Onyenwe anyị na-achọ nʼaka gị,

Ọ bụ na ọ bụghị ikpe ziri ezi, na ịhụ ime ebere nʼanya,

na iji obi dị umeala soro Chineke gị na-eje ije?

12 Nʼezie, iwu ahụ dị nsọ, ihe e nyere nʼiwu dị nsọ, bụrụkwa ezi omume na ihe dị mma.

2 Unu eyila ụwa nke a, kama bụrụnụ ndị enwoghara site nʼịgbanwe uche unu. Mgbe ahụ, unu ga-enwe ike nwapụta ihe bụ uche Chineke na ihe ọ na-achọ, nke bụ ezi ihe, nke na-atọ ya ụtọ na nke zukwara oke.

16 Ekwela ka ihe ọma gị bụrụ nke a ga-akpọ ajọọ ihe.

1 Na mbụ, ana m arịọ ka e kpee ekpere, kwuchite ọnụ ndị ọzọ nʼekpere, ma nye ekele nʼisi mmadụ niile, 2 kpee ekpere maka ndị eze niile, na ndị niile nọ nʼọnọdụ ọchịchị, ka anyị nwee ike bie ndụ udo na nke nsogbu na-adịghị, nʼime ịsọpụrụ Chineke dị ka ọ chọrọ. 3 Nke a bụkwa ihe dị mma na ihe na-atọ Chineke Onye nzọpụta anyị ezi ụtọ.

4 Ihe niile Chineke kere dị mma, ọ dịkwaghị ihe ọbụla a ga-ajụ ma ọ bụrụ na e jiri ekele nara ya, 5 nʼihi na-esitere nʼokwu Chineke na ekpere doo ya nsọ.

17 Onyinye ọbụla dị mma, na nke zuruoke na-esite nʼeluigwe abịa. Ọ na-esite nʼebe Nna nke ìhè niile onye na-adịghị agbanwe agbanwe, ọ naghị ezonarị ụmụ mmadụ ihu ya.

50 "Nnu dị mma, ma ọ bụrụ na ọ dịghị atọkwa ụtọ, olee ka ị ga-esi mee ka ọ tọọ ụtọ ọzọ? Ya mere, nweenụ nnu nʼime onwe unu. Unu na ibe unu biri nʼudo."