O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
Anumzamo’a mika’za trohuteno keana knare huno hentofa zanke fore higeno keteno, muse hu’ne. Hagi haninkino masa higeno, nampa 6si kna emente’ne.
Ra Anumzamo’a knare hu’neno fatgo hu’neankino, kumi’ma nehaza vahera rempi huzamige’za, agri avesi’zana amage nentaze.
Hianagi nagrama Anumzamofo tvaonte’ma nemanua zamo’a knare nehie. Ra Anumzamo’a nagri Anumza mani’neno, nagu vazi kuma mani’neankina, knare’ma huno mareri agatere avu’ava zama’agura huama hugahue.
Mani fruhu kna Sabati knare’ma hanaza zagamere
Ra Anumzamoka susu huno humusema hugante zamo’a knare’zantfa hu’neanki’na, Marerisa Anumzamoka zagame hu’na kagi’a ahentesga hugahue. Anumzamoka maka zupama tagri’ma kavesirantenka knare’ma hunerantana zankura nanterana huama nehu’na, maka zupama kage’ma kaninorantana zankura kinaga huama nehu’na, Laeriema nehaza zavenareti’ene, hapureti’ene zavena nehe’na, zagamera hu’na kagia ahentesga hugahue.
Na’ankure Ra Anumzamo’a knare hu’negu agri vagaore avesizamo’a mevava huno vugahie. Hagi hugahuema huno hu’nea ke’are oti’neno, fore hu anante anante’ma hu’za knane knanema mani’za aza vahera zamaza nehia Anumza mani’ne.
Ra Anumzamofo ra mono nontega marenerino hu' zagame Deviti asunte’nea zagamere
Hagi koganamo’zama mago zamarimpa hu’za magopima mani avu’ava zamo’a knare zantfa hu’ne.
Nagra knare antahiza negamuanki, rempi hugamisua kea kamefira huonto.
Fatgo huno’ma kenonama hanimo’a, muse hugahie. Hagi kna fatgore’ma huga kema hania kemo’a, knare’zantfa hugahie.
Mofavre’nimoka tume rima’a no, na’ankure knare hu’neankino, kagitera haga hugahie. E’i anahukna huno, ama' antahi’zamo’a kagu’afina haga hugahie. Hagi hakenkama erifore’ma hanankeno’a, henkama erigahue hunka amuha’ma nehana zamo’a, amnezanknara osugahie.
Knare antahi’zanteti’ma erisanti’ma hare’zamo’a knare hu’neankino, nomani’zama maninka vanampina knare huno kaza hugahie.
Ra Anumzamo’a agrite’ma amuha’ma nehu’za, zamagu’areti’ma hu’za agriku’ma nehakaza vahera zamazeri knare nehie. Akoheno avega anteno mani’nenigeno Ra Anumzamo’ma ete agu’vazino avre avu’ava zamo’a knare hu’ne.
Ra Anumzamo’a knare avu’ava zama hanaza zana ko tamasami’neankino, Agri’ma ave’nesiana, fatgo avu’ava zanke nehuta, vahe’ma asunkuma hunte avu’avazanku tamavenesita, tamagri Anumzamofo avugama tamavufgama anteramita mani avu’ava zanku ave’nesie.
Hianagi kasegemo’a ruotge higeno, kasegema hunte’neana ruotage huno fatgo huno knare hu’ne.
Hagi ama mopafi avu’avazanena tagrora oteho. Hianagi tamagra atrenkeno antahintahitamia Anumzamo tamazeri kasefa nehanigeno, tamavutamava zamo’a ruzahe hino. Anama hanuta, tamage Anumzamofo avesizamo’a, knare huno haviza osuno, fatgo hu’ne huta eriama hugahaze.
Ana nehuta atrenke’za knare hune huta tamentinti nehanaza zankura, havizane hu’za osiho.
Maka veaku nunamu huzmantesuna naneke
Anumzamofo agihanta vazi’zana pusaza me’ne. Nunamu huta agihanta nevazita, tagri’ma tavesinia zanku antahinegeta, muse hunenteta, maka vahe zamagi erita zamaza hanigu antahigesanune. Kini vaheku’ene maka kva krinerantaza vaheku’ene nunamuna huzmantesune, ana nehanunke’za kva huso’e nehanageta, agazone huta fruzampi Anumzamofo avu’avate’ene fatgo mani’zampi so’e huta magokepi manigahune. E’inahu zamo’a Anumzana Tazahu ne’mofo (Savior) avufina knare nehigeno musena nehie.
Na’ankure hakare’zama Anumzamo’ma tro hunte’nea zamo’a, knare hu’negu mago’zana otreta tamagra susu hunentetma amne erigahaze. Na’ankure Anumzamofo ke’mo’ene, nunamumo azeri agru hu’ne.
Mika knare huno fatgo hu’nea, musezana anagamuti eneramie, monafinkati masazamofo Nefantegati ne-ea, avu’avazama’amo zahe osuno turunamo hiankna huno zaza huteno, atupa huteno osugahie.
Hagemo’a knare hu’neanagi, haga’ama atresigenka, inankna hunka ete kagra eri haga hugahane? Tamagra hagegna huta amuno tamifina ovesinte avesinte hutma tamarimpa frune maniho.