8 Nao from we fasin blong Hae God i stret,

mo hem i stap mekem i gud long man,

hem i stap tijim ol man nogud

blong oli folem rod blong hem.

27,28 Hae God, yu yu God blong mi,

mo yu yu Masta* blong mi.

Ol man we oli lego yu,

mi mi savegud se bambae oli lus.

Olgeta ya we oli no moa holem promes

we oli mekem wetem yu,

yu bambae yu spolem olgeta.

Taem we mi mi kam stap klosap long yu,

mi harem se i gud tumas long mi.

Yu yu sefples blong mi,

yu yu stap blokem mi,

mo oltaem

bambae mi mi stap talemaot

olgeta samting we yu yu mekem.

1 Hae God.

Yu yu God we yu hae we yu hae.

I gud tumas blong talem tangkiu long yu,

mo blong sing blong leftemap nem blong yu.

2 I gud tumas blong talemaot evri moning

we oltaem yu yu lavem man tumas,

mo blong talemaot evri naet

we yu stap holem ol promes blong yu.

3 I gud tumas blong singsing wetem gita

mo yukalele mo mandolin

blong talemaot ol fasin ya blong yu.

5 ✝Hae God, hem i gud tumas.

Fasin blong hem,

we hem i stap lavem man tumas,

bambae i stap oltaem nomo.

Hem bambae i holem ol promes blong hem oltaem,

gogo i no save finis.

1 !Olgeta!

I gud tumas

taem ol man blong God oli stap wanples,

we oli gat wan tingting nomo.

Fasin ya i gud tumas.

2 Ol samting ya we mi stap talem long yu, oli gud tumas, mo yu no mas tanem baksaed long olgeta.* pikinini blong mi. Mi mi papa blong yufala, mo yufala i mas lesin gud long ol samting ya we mi stap tijim yufala long hem. Sipos yufala i lesin gud olsem, bambae yufala i save gat waes. 2 Ol samting ya we mi stap talem long yufala, oli gud tumas, mo yufala i no mas tanem baksaed long olgeta.

23 Sipos man i save givim gudfala tok long stret taem blong hem, bambae hem i save harem gud.

13 Pikinini blong mi. Eg* blong sugabag,* hem i wan gudfala samting blong kakae. Mo yu save, taem we yu jes tekemaot long bed blong hem, hem i gud tumas, i swit we i swit. 14 Mo long sem fasin, yu mas save we waes tu, hem i gud tumas, mo i save holem tingting blong yu. Sipos yu save kasem waes, bambae laef blong yu i save kam gud moa.

11 "Waes i wan samting we i gud yumi evriwan i kasem. Sipos yu kasem waes, hemia i olsem we yu kasem graon blong papa blong yu wetem olgeta samting we i stap long hem, we hem i promes finis, se bambae i blong yu.

25 Hae God i gud tumas long olgeta

we oli stap trastem hem,

mo we oli wantem tumas blong savegud hem.

26 Taswe yumi mas gat longfala tingting,

yumi mas stap kwaet,

mo yumi wet long hem

blong hem i sevem yumi.

8 Ol samting we i gud blong mekem, Hae God i talemaot finis long yumi. Hem i God blong yumi, mo hem i wantem blong yumi stap mekem ol fasin we i stret gud, mo blong yumi stap soemaot we yumi lavem ol man tumas, mo blong yumi stap fren gud wetem hem long evri haf blong laef blong yumi, we tingting blong yumi i stap daon."

12 Loa blong God i wan samting we hem nomo i putum, mo ol tok blong hem i tabu, i stret mo i gud nomo.

2 Yufala i no mas letem fasin blong yufala i kam olsem fasin blong ol man long wol. Yufala i mas letem God i jenisim tingting blong yufala, blong mekem tingting blong yufala i niuwan olgeta. Nao bambae yufala i save jusumaot ol fasin we God i wantem, wanem i gud, mo wanem hem i glad long hem, mo wanem i stret gud blong mekem.

16 Ol samting we yufala i luk se i stret nomo, be bambae yufala i no mekem we ol man oli save tok nogud long yufala from.

1 Fas samting we mi wantem talem i olsem. Mi mi talemstrong long yufala, se yufala i mas prea long God from olgeta man, mo yufala i mas askem long hem blong i givhan long olgeta, mo i givim ol samting long olgeta we oli sot long hem. Mo yufala i mas talem tangkiu long hem tu from olgeta. 2 Mo oltaem yufala i mas prea from ol king, mo from ol narafala haeman blong yumi. Long fasin ya, bambae yumi stap gud, yumi gat pis, mo yumi stap ona gud long God, mo yumi save folem ol stret fasin. 3 Fasin blong prea olsem i gud tumas, mo i save mekem God ya we i sevem yumi i harem gud.

4 Olgeta samting we God i mekem oli gud nomo. I no gat sam samting we yumi no save kakae. Yumi save kakae evri samting, sipos yumi prea blong talem tangkiu long God from. 5 Tok blong God mo prea olsem, i save mekem evri samting i stret long fes blong God.

17 Evri samting we oli gud mo evri presen we oli nambawan we yumi kasem, oli kamaot long heven nomo. God i mekem olgeta laet blong skae, mo hem i stap givim ol gudgudfala samting ya long yumi. Fasin blong hem i no save jenis, mo hem i no save tanem baksaed long yumi blong livim yumi long tudak.

50 ✝Sol i wan gudfala samting, be sipos i no moa konkon, bambae yumi no save mekem wan samting long hem blong mekem i konkon bakegen. Laef blong yufala i mas kam olsem sol, blong yufala i save gat pis oltaem wetem yufala."