O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
Kooh hotta in ci a ƴut haɓiɗ jen, ca baahha lool. Niin raakka, ɓaaɓ raakka, wa nikka mbeha yasna-yino’ɗoh.
Waaye waasi, wa in hooliɗ wuu Kooh, nakoh nu nik nga ɗah, wa in hooliɗ wuu Kooh, wa yurhiɗ te wa baahiɗ.
Kinaat taambiɗ ɓi adinaanii po ɗu mand na ɓa, faɗaat Kooh a on ɗu liiɓohaaɗ as ne wa ɓoƴsoh ɗu, ɗu min inhisoh waaɗ-waaɗiŋ ɗe. Waaɗ-waaɗiŋ ɗe weɗ baah, wa neɓpa ɗe te wa mitta.
Ali ɗu amb ne inii baahiɗ nga ɗu, wa kinaat tah po ɓo' wiiriis kee raaka woyaah nga ɗu.
Mbaa ini uup raak njiriñ, weɗ mi na hee woye paaɗ : Mi na ñaahohe ne ɓi Janguuni nik ŋ kiim Kooh, ɓa kiimee keeh-keeh wuu ɓooɓi jen, wa hun na corkiɗ Kooh. Ɓa kiimɗee buur ci na kilifaaciŋ kur ci jen ne ɓoo min raak kipes yeeɓkiɗ huniɗ na jam, ɓoo haɓɗee in yurhiɗ ŋ fiki Kooh, na mandohaaɗ baahiɗ keeh-keeh. Ineem weɗ moɗ te weɗ neɓ Kooh Mucɗohiŋ ɓoo,
In ci Kooh fer jen baahiɗ, ali sangaah raakɗi nga waaye ɗu njirñiɗkohee ca ɗah, corkiɗaat ɗe nga. Laam in ci Kooh fer jen, ca hooliɗ, ne ca njirñiɗkohu findi a woyoha, te wa hun na kiim Kooh ɗah.
in baahiɗ nu ɗu rahas na in mitiɗ nu ɗu eɗu ɗah, wa puloh ɗafki. Wa ruhsoh ŋ Baabi leer ci puloh nga ɗe, yi na leerɗeeɗi woti, kim a ñuusiɗ ; a na ɓoƴsukoheeɗi.
Meɗa, wa in baahiɗ, waaye meɗa kaɗ po wa jemisɗi ɗah, wa min jemɗohissu na ye ? Raakaat meɗa ŋ ɗooƴ ɗu te ɗu pesohee jam ŋ harmban ɗu. »