O que é bom

31 Me par Got nge guy urngin e n’en ke ngongliy ma rib fel’ u wan’. Me chuw e binem e nep’, me ni kadbul — ni aram e bin nel’ e rran.

8 SOMOL e mmat’aw ma bfel’;

mma fil ngak e pi tadenen e kanawo’ ni ngar leked.

28 Machane gag e kari felan’ug, ya gu be par u to’oben Got!

U charen SOMOL Nib Th’abi Tolang e kug par riy ndabi buch ban’en rog,

ma bay ug weliy urngin e tin ke rin’ ngan nang.

Ba tang ko sorok

1 SOMOL, rib manigil ni ngan pining e magaer ngom,

mi ni tang ni yibe pi’ fithingam ngalang, gur Got nib Th’abi Tolang,

2 gubin e kadbul mi ni weliy rogon e t’ufeg rom ni dabimus

nge fanam yul’yul’ ni yibe weliy ni gubin e nep’,

3 ko talin e musik ni bay e seng riy

nge harp ni yibe chubeg ni bfel’ lingan.

5 I SOMOL e bfel’;

t’ufeg rok e dariy n’umngin nap’an,

ma feni yul’yul’ e bayi par ni kargon ni manemus.

Par u ta’bang nib Gapas

1 Rib fel’ ma ba manigil,

ni ngi i par e girdi’ rok Got u ta’bang nib ta’reb lungrad!

2 N’en ni gu be machibnag ngomed e ba manigil, ere nge par uwan’med ni gubin.

23 Ri dakriy ba felfelan’ ngay, ni ga ra pir’eg e re bbugithin nib mat’aw ni nganog ko ngiyal’ ni ngamog.

26

13 Fakag, mu koy e honey; yab manigil. Rribod feni athibthib e honey ni kabay u tafen u daken blothem, 14 ere nge mich u wun’um ni erfeni fel’ e gonop nga lanin’uy. Mu yagnag e gonop ngom me par e yafos rom ni bfel’ rogon iyan.

11 Gubin e pi’in kabfos ma ri dabisiy ni ngar gonopgad; ya bod feni fel’ ni kan thum’nag e gayog ngom

25 I SOMOL e ba gol ko pi’in ni karted e pagan’ rorad nga daken,

26 Ere rib fel’ ngodad ni ngu’ud son gad u fithik’ e gumaen’, ni ngad son niged ni nge mat’aw nagdad ngak.

8 Dangay, I SOMOL e keyog ngodad e n’en ni bfel’. Ba’aray e n’en ni be yog ni ngan rin’: mu rin’ed e n’en nib yal’uw, um pired nib t’uf Got romed nge girdi’, mu um folgad rok Got u fithik’ e sobut’an’.

12 Re Motochiyel nem ni polo’ e ba Thothup, mra reb e pi motochiyel nem ma ba Thothup, ma bmat’aw, ma bfel’.

2 Dab mu folgad ko ngongol ni yibe rin’ u roy u fayleng, machane mpi’ed gimed ngak Got nge piliyegmed, ni aram e kari piliyeg lanin’med ni polo’. Ma aram e rayag ni ngam nanged e tin nib m’agan’ Got ngay — ni tin ni bfel’, ni bfel’ u wan’ Got ma rib yal’uw.

16 Dab mpaged e tin gimed be finey ni bfel’ nge kireb murung’agen.

Rogon e meybil ni nge tay girdi’en e galesiya rok Got ngak

1 Ere bin som’on e gu be wenignag ngak girdi’en e galesiya ni ngu’ur meybilgad ngak Got ni fan ngak urngin e girdi’, ma yad be wenig ngak ni nge runguyrad, miyad pining e magaer ngak ni fan e tin ni bayi rin’ ni fan ngorad, 2 aray rogon ni ngar meybilgad ni fan ngak e pi pilung nge urngin e girdi’ ni yad be tay murung’agen e girdi’, ni bochan e nge yag nda pired u fithik’ e mocha’ nge gapas, ni gadad be liyor ngak Got ma bfel’ pangidad. 3 Ren’ey e bfel’ ma ba felan’ Got ngay ni ir e ma thapegdad ngak,

4 Urngin ban’en nike sunumiy Got e bfel’; ndariy ban’en riy ni nge dab ni kay, machane urngin ni ngan pining e magaer riy ngak Got u fithik’ e meybil nge mu’ min kay; 5 ya thin rok Got nge meybil ni kan pi’ riy ngak Got e ke mat’awnag u wan’ Got.

17 Ya urngin e tin ni bfel’ ni be pi’ Got ngodad nge urngin e tow’ath nrib manigil ma be yib u tharmiy ngodad, ni be yib rok Got nga but’, ni ir e sunumiy urngin ban’en ni be gal ram’en u lanelang. Mi ir e der ma thil, ma der pi’ keru’ ngodad ngad pired u fithik’ e lumor.

50 "Sol e bfel’. Machane fa’anra chuw e buday riy, ma mang e ga ra rin’ ngay miki sul e buday nga fithik’ bayay?

"Thingar um pired ni bay e sol u fithik’med, mu um pired ni bfel’ thilmed."