Buscar a Deus
Buscar a Deus é o chamado mais urgente da Bíblia. Buscai primeiro o Reino de Deus. Os que buscam de todo coração encontram — porque Ele se deixa encontrar pelos que o procuram.
Buscai ao Senhor
Buscai ao Senhor enquanto se pode achar. Buscai e achareis. O Senhor recompensa os que o buscam com diligência.
Minazeɠegi é la zeɠea ma pɛ
À Ɠɔoɠɔ GALAGI ɠaiziɛ,
siɛgi zu é ɠaazu la,
à wooɠula ma,
siɛgi zu maaɓuɠaai la.
Minazeɠegi é la zeɠea ma pɛ
À Ɠɔoɠɔ GALAGI ɠaiziɛ,
siɛgi zu é ɠaazu la,
à wooɠula ma,
siɛgi zu maaɓuɠaai la.
Maanɛɛnɛi ta Ɠɔoɠɔ GALAGI ná-minazeɠegiti
«Gè ɓɔɠɔ yɛni ná, naati ti wooɠula mà,
niiti ti la ɠɛni màaɠaazaɠabosu,
gè ɓɔɠɔ yɛni ná, naati ti kà,
zɔiti ti la ɠɛni gàiziɛzu.
Zii é la ɠɛni wooɠulazu mà,
gè ɠɛni ma: ‹Nà ɠaa, nà ɠaa!›
Toɠa ɗa zɛbɛi ve naama nui ʋɛ, nii suɓɔlɔai,
zɔi iɲɔteʋeai, é gaaɓaai ve naa ʋɛ ʋolu.
Nu niinɛiti ta ɗa ɓɔlɔ, ti lɔtɔzuleʋe,
anɛɛ zunu ɠɛzɛiti ta ɗa ɓunɛ, ti loo.
Kɛlɛ niiti ti ɠitogai Ɠɔoɠɔ GALAGI ʋa,
naati sɛbɛi ɠa ɗa niinɛ ʋolu.
Ti ta-ɠoʋegi lɔɔzei eɠɛ koɠɛiti,
ti ɗa ɓizɛ, ti la ɓɔlɔa pɛ,
ti ɗa ziɛ, ti zuvikɛi la ɓega pɛ.
À Ɠɔoɠɔ GALAGI ɠaiziɛ ta ná-zɛbɛi,
wɔin ɠɛ wo ma ga wo ɠɛ gaazu yeenɔpɛ.
À Ɠɔoɠɔ GALAGI ɠaiziɛ ta ná-zɛbɛi,
wɔin ɠɛ wo ma ga wo ɠɛ gaazu yeenɔpɛ.
«Ɗɛi ma è ga dòun zunui Salomɔn, ɠaaɓa kele, è è-ɠɛɛ ná-GALAGI ɠwɛɛ ga pagɔ, lɛbiyai ve bɛ ga è-yii pɛ, ta kisiɛ ʋagɔi zu, tɔɔzei Ɠɔoɠɔ GALAGI ɠa wɛlɛzu nui yiima munu poun, é kisiɛiti pɛ pɛtɛ. Ni ɗa gaiziɛna, toɠa ɓɔɠɔ yɛna è ka, kɛlɛ ni ɗa ʋoluavena ba, toɠa ɠɛlɛ è ʋa eyɛsu ɠɔ.
ni nà-nuɓusɛiti niiti dàaseigi ti ʋa, naati ta ɓɔɠɔmaayeina, ti maanɛɛnɛi wo, ti gàiziɛ, ni ta zeɠena ti-ziɛ ʋele ɲɔiti polu, nɔ̀un, nà yɛ geeɠɔlɔgi zu, gè ti woomɛni, gè ti zuvaayɛ ga ta-ɠotoiti, gè ta-yooi ʋalo.
É liini, é Aza laaɠomi, é ɠɛ ma: «À woilo gòo ma, Aza wa Zuda ta Ɓɛnzamɛn nuiti pɛ! Ɠɔoɠɔ GALAGI ɠa wo ʋa, siɛgi pɛ su wo yɛsu la ba. Ni wa gaiziɛna, toɠa ɓɔɠɔ yɛna wo ka, kɛlɛ ni wa ɠɛlɛna ba, toɠa ɠɛlɛ wo ʋa.
Aza wɛɛn ɠalagiti sakpe fai
GALA Zɛnvui yeini Wodɛde ná-doun zunui Azalia ma. É liini, é Aza laaɠomi, é ɠɛ ma: «À woilo gòo ma, Aza wa Zuda ta Ɓɛnzamɛn nuiti pɛ! Ɠɔoɠɔ GALAGI ɠa wo ʋa, siɛgi pɛ su wo yɛsu la ba. Ni wa gaiziɛna, toɠa ɓɔɠɔ yɛna wo ka, kɛlɛ ni wa ɠɛlɛna ba, toɠa ɠɛlɛ wo ʋa. Izilayɛle folo mɔinmɔin kɛa GALA kiteɠite ge la bɛ, zalaɠa ɠula nu la bɛ nii a kala, tɔ ge la ɓalaa zea. Kidaaʋiligi zaama, Izilayɛle nuiti ti ɠaaʋotega Ɠɔoɠɔ GALAGI ma, Izilayɛle ná-GALAGI, ti gaiziɛni, naa ma ge ɓɔɠɔ yɛna ti ka. Naama ziɛgi zu ziilɛi nɔpɛ ge la ɠɛni naati bɛ, ti ɠɛni liizu, ti ɗa ʋa, tɔɔzei yeeɠɛɠalaiti gola ɓaani ná yɔɠɔzuʋɛ zei wo nuiti pɛ ma. Kɔɔi ɠɛni nɔ adɛ pɛ, zooiti ta zooiti zɔɠɔzu, taa wolaiti ta taa wolaiti zɔɠɔzu, tɔɔzei GALA ge ɠɛni maanɔɠɔ ma zii pɛ zeizu ti ma. Wɔun, à lo kpaan, à mina ɠɛ ga ɓaaʋalasu nuiti, tɔɔzei wo-mɔɔlɛzuʋɛti suɲaka la ɠula.»
Siɛgi zu Aza keela wooi naa mɛnini da, nii GALA goo wo nui Azalia boni, Wodɛde ná-doun zunui, Aza iɲɔdɔɔ wolai zɔlɔɔni, é kɔɔɠɔ gani ɲɔiti pɛ kulani Zuda ta Ɓɛnzamɛn yooi ʋa, naa ʋɛɛ taa wolai naati pɛ su ʋa, niiti é ti zoni Efelayime ɠize yooi zu. É Ɠɔoɠɔ GALAGI ná-zalaɠa ɠulazuʋɛ niinɛni, nii é ɠɛni Ɠɔoɠɔ GALAGI zei ʋɛlɛi ɠakalaʋɛ. Naa ʋoluma, é Zuda ta Ɓɛnzamɛn nuɓusɛiti pɛ gaalɛɛni ba, naa ʋɛɛ seikɔɠɔma nuiti ba ti zeɠeai Efelayime, Manasé ta Simiyɔn yooiti su, tɔɔzei nu mɔinmɔin ge zeɠeni Izilayɛle masa zooi zu, ti ɠili tɔun ba, siɛgi zu ti kaani la ga ná-GALAGI, Ɠɔoɠɔ GALAGI ɠa ba. Ti pɛ ti ɠaalɛɛni ba Zeluzalɛme Aza ná-kona puugɔ maazu lɔɔlusiɛi (15) ma masa fai zu, naama alugi zaʋasiɛi ma. Naama voloi, nii kpein ti soni kɔɔi zu, ti naa ɠilazuʋɛ pɛ kulani ga zalaɠaiti Ɠɔoɠɔ GALAGI ʋɛ: nikɛ undɔfela (700) ta baala waadɔfela (7.000). Ti yiilaa ziɠani ga minazeɠegi ga ta ɠili Ɠɔoɠɔ GALAGI ʋa, ti-mɛmɛwolani ta-ƓALAGI, ga ti-yiimaʋɛ pɛ ta ti-yɛnvui pɛ. É zɛʋɛni minazeɠegi naa zu ga zɔi nɔpɛ é la ɠilini Ɠɔoɠɔ GALAGI ʋa, Izilayɛle ná-GALAGI, naama nui ta paa, zunu ɓaa anzanu, ma nu losuʋɛ ɠɛni ɠale-o-ɠale. Ti ɠonani Ɠɔoɠɔ GALAGI ʋɛ ga woo wola, zealoɠai zaama, ga puʋu gooiti ta kooleiti gooiti. Zuda masa zooi zu nuiti pɛ koozunɛɛni, tɔɔzei minazeɠegi naa ʋa ti kɛɛni ga yii pɛ. Tiya ɓɔɠɔ ɠa é nɛɛni ti ʋɛ ga ti Ɠɔoɠɔ GALAGI ɠaiziɛ, naa ma ge ɓɔɠɔ yɛni na ti ka, é dooɠogi ve ti ya ta-you ɠwɛmaʋɛti pɛ.
É lɛbiya laaseigi zeɠeni deewola Maaka ʋa, nii é ɠɛni lolisu ga «Masa mama wolai», mazɔlɔɔ naa kɔɔɠɔ gani ɲɔi ta ɓɛtɛni anzanu ɠalagi Asela ʋɛ. Aza kɔɔɠɔ ganigi naa leʋeni ga, é fukɔ, é gala Sedelɔn pɛtugi zu. Kɛlɛ anɛɛ Aza zii ma voloi pɛ su, é Ɠɔoɠɔ GALAGI nɛɛni ʋɛ ga zii pɛ, zalaɠa ɠula adaʋɛti ti la ɠɛni ɓeni pɛ Izilayɛle yooi zu. É ʋaani ga anii naati GALA sei ʋɛlɛi ma ɠoizuʋɛ, niiti ta kɛɛɠɛ ti ti veeni Ɠɔoɠɔ GALAGI ʋɛ: walii, zanugi, ta sɔɔla ɠiligiti. É la mɔ ɠɛni kɔɔ ɠɔɔni, eyɛsu ná-konagi puusaʋa maazu lɔɔlusiɛi (35) ma masa fai zu.
De todo o coração
Buscar-me-eis e me achareis quando me buscardes de todo o coração. O Senhor é bom para os que o buscam.
Wa gàiziɛ, tama wa kà, mazɔlɔɔ wa gàiziɛ ga yii pɛ.
Wa gàiziɛ, tama wa kà, mazɔlɔɔ wa gàiziɛ ga yii pɛ.
«Dàawooi ɠɛɛʋɛ eɠɛ abui, eɠɛ malito wolai nii é fasai wolozu,» Ɠɔoɠɔ GALAGI wooi ɠana.
Miná ɠa ɓalaagi wo ʋaazu Ɠɔoɠɔ GALAGI wa-ƓALAGI ɠaiziɛzu ná ʋolu, wa ka, ni wa gaiziɛna ga wo-yiimaʋɛ pɛ, ta wo-yɛnvui pɛ.
Undaanɛ nu ɠa ga naati, niiti ti ná-kala gooiti sosu,
ti ɠolozu bɛ ga ti-yiimaʋɛ pɛ.
Undaanɛ nu ɠa ga naati, niiti ti ná-kala gooiti sosu,
ti ɠolozu bɛ ga ti-yiimaʋɛ pɛ.
Nà è ɠaiziɛzu ga zìimaʋɛ pɛ,
mina ɓe bà, gè ʋa zeɠe ɗa-leveiti polu.
Ziizoolɛi ɠa gàazuɗɛi ʋuuzu.
Bùzeɠe, eɠɛʋelei è-laawooi la.
Nà ziɛ ɓɔɠɔyeemai zu,
mazɔlɔɔ ɗa-leveiti ka gè ti ɠaiziɛzu.
À Ɠɔoɠɔ GALAGI ɠaiziɛ ta ná-zɛbɛi,
wɔin ɠɛ wo ma ga wo ɠɛ gaazu yeenɔpɛ.
À Ɠɔoɠɔ GALAGI ɠaiziɛ ta ná-zɛbɛi,
wɔin ɠɛ wo ma ga wo ɠɛ gaazu yeenɔpɛ.
Kìgi ɠa ɗa-vai wosu ma ga: «Gàiziɛ, è lati mà!»
Ee, Ɠɔoɠɔ GALAGI, nà è ɠaiziɛzu!
Ɗa-nuɓɔɠɔlai vizɔgɛ zɛnvui ʋa
Davide ná-guyei. Siɛgi zu é ɠɛni la Zuda yooi zu teʋebai zu.
Buscar e encontrar
Pedi e dar-se-vos-á. O Senhor está perto de todos os que o invocam em verdade. Quem o busca não ficará insatisfeito.
Zɔi é falii wosu, naa ɠa sɔlɔɔ
«À falii wo, wa sɔlɔɔ. À gaiziɛ, wa ka. À pɛlɛi laaloɠa, daa ɠa lao wo ʋɛ.
«Nɔ̀un, nà bosu wo ma ga: À falii wo, wa sɔlɔɔ. À gaiziɛ, wa ka. À pɛlɛi laaloɠa, daa ɠa lao wo ʋɛ. Mazɔlɔɔ zɔi é falii wosu, naa ɠa sɔlɔɔ. Zɔi é gaiziɛi wosu, naa ɠa ka. Zɔi é pɛlɛi laaloɠazu, daa ɠa lao naa ʋɛ.
«Nɔ̀un, nà bosu wo ma ga: À falii wo, wa sɔlɔɔ. À gaiziɛ, wa ka. À pɛlɛi laaloɠa, daa ɠa lao wo ʋɛ.
À GALA ná-masadai mu gaiziɛ, naa ʋoluma naati ta la maazu, é ve wo ya.
Tɔɔzei Nu ná-Doun Zunui ʋaaʋɛ naati gaiziɛzu, é ti ɠizo, niiti ti loai ya.»
Ɠɔoɠɔ GALAGI ɠɛ ga siɠigi maanɔɠɔ nui ʋɛ kae,
é ɠɛ bɛ ga siɠigi kidaaʋili siɛgi zu.
Ɠɔoɠɔ GALAGI ɠɛ ga siɠigi maanɔɠɔ nui ʋɛ kae,
é ɠɛ bɛ ga siɠigi kidaaʋili siɛgi zu.
À ʋa wo ɓɔ bà, ade Ɠɔoɠɔ GALAGI maamusɛ ʋɔɔma!
Ade daaseigi lɛbi ʋɔɔma!
À lua Ɠɔoɠɔ GALAGI ʋa, wɔi wo ga ná-nu ɲadegaiti!
Mazɔlɔɔ ani nɔpɛ ge la ʋalaga naati zea, niiti ti luazu ba.
Ɗa-undaanɛɛi ɠaiziɛ Ɠɔoɠɔ GALAGI ya,
toɠa è yiima vai ɠɛ è ʋɛ.
Ɠɔoɠɔ GALAGI yɛni geeɠɔlɔgi ungaʋɛ,
é unpilɛ, é nuɓusɛiti pɛtɛ zooi ma,
é pɛtɛ, ni nu ɠila kpalaa ka ná, nii ɠi pagɔ ma,
é GALA gaiziɛzu.
Ɠɔoɠɔ GALAGI, è nà-faiti pɛ kwɛɛ
Guye loo ɠundiɠii nɔnɔi ʋe. Davide ná-guyei.
Ɠɔoɠɔ GALAGI, è fɛ̀ɠɛlɛfɛɠɛlɛga, è kwɛ̀ɛ!
Siɛgi zu gè zeizu la, ta siɛgi zu gè wuzeɠezu la, è ti pɛ kwɛɛ.
Ɗa yɛsu ɠoozama, è nà-kisiɛi ɠwɛɛ.
Toɠa Ɠɔoɠɔ GALAGI ná-tuyai zɔlɔɔ,
ná-kizo GALAGI ɠa deve ga telebo nu.
Pele ɠana niiti ti gaiziɛzu, naati ta-nuɓusɛiti ti la,
ti ɠilizu Zakɔɓe ná-GALAGI ʋa.
Lo!
Força na busca
Buscai o bem e não o mal. Sede fortalecidos no Senhor. A busca por Deus traz renovação e plenitude de vida.
À Ɠɔoɠɔ GALAGI ɠaiziɛ, wa zɛnvui wo
Mazɔlɔɔ Ɠɔoɠɔ GALAGI wooi ɠaa Izilayɛle ma:
«À gàiziɛ, wa zɛnvui wo!
À Ɠɔoɠɔ GALAGI ɠaiziɛ, wa zɛnvui wo
Mazɔlɔɔ Ɠɔoɠɔ GALAGI wooi ɠaa Izilayɛle ma:
«À gàiziɛ, wa zɛnvui wo!
À faa ʋagɔi nɔ ɠaiziɛ,
à mina faa ɲɔi ɠaiziɛ,
naa ɠa a kɛ wo yɛ vulua.
Naazu Ɠɔoɠɔ GALAGI, Fai-Pɛ-Maliɠii ɠa yɛ wo ʋa,
eɠɛʋelei wo bosu da.
Nà maanɛɛnɛzu ga é fe wo ʋɛ, eɠɛʋelei ná-lɛbiyai zuwɔɔlɔai la, wo zɛbɛlɔ ga gola ga ná-Zɛnvui zɛbɛi maaʋele, wa-nuɓusɛlai pɛ su,
GALA nui ná-kɔɔɠɔ zɔɔlaiti
Gaaɓelagi ɠa ga: À wa-zobogi ɠaiziɛ wa-ɠilibalai zu wa Maliɠii, tɔun ná-zobo golai zu.
GALA ge wo zɛbɛlɔ fai pɛ su ga ná-zɛbɛi maanɛai, nii a kɛ wo ziɛ fai pɛ bu ga ziilɔɔi.
Mazɔlɔɔ Zɛnvui GALA ge feai de ya, é la de ɠɛɛzu ga ladalala nuiti, kɛlɛ ná-Zɛnvui ɠa zɛbɛi veezu de ʋɛ, ta nɛɛbɛi, naa ʋɛɛ ɠimalai ʋa.
Tama, é ɠula kidaaleʋei ʋolu, nu nɔpɛ ge la zooga é ʋa GALA ɛnɛkɛ. Naa ma, zɔi é ʋaazu GALA pɔ, kɛni é ɠidaaleʋe ga GALA ka ná, toɠa kulanuma ve naati zea, niiti ti gaiziɛzu.
Tama, é ɠula kidaaleʋei ʋolu, nu nɔpɛ ge la zooga é ʋa GALA ɛnɛkɛ. Naa ma, zɔi é ʋaazu GALA pɔ, kɛni é ɠidaaleʋe ga GALA ka ná, toɠa kulanuma ve naati zea, niiti ti gaiziɛzu.
Kɛlɛ siɛgi zu Zɛnvu Ɲadegai yeizu la wo ma, wa zɛbɛi zɔlɔɔ, wo ɠɛ ga nà-zeeleiti Zeluzalɛme taazuʋɛ, Zudé yooi zu ná pɛ, Samali yooi zu ɓalaa, eyɛsu zou ɓela ga.»
Nii è kɛa, Ɠɔoɠɔ GALAGI naama ɠulanumai ve è ʋɛ. Ɠɔoɠɔ GALAGI, Izilayɛle ná-GALAGI, nii è ʋaa, è lɔɔɠu koʋegi wu, naa ɗa-ɠulanumai zuwɔɔlɔ gola.»
Ɠɔoɠɔ GALAGI ná-Zɛnvui yeini Samesɔn ma, zea ɲakai, é zalai zoni, é bali ga, eɠɛʋelei nu a ɗa boli yiʋoi ʋali ga la. Kɛlɛ é la ɠɛni naa woni kɛɛɠɛ ta dee ma.
Samesɔn wooɠulani Ɠɔoɠɔ GALAGI ma, é ɠɛ ma: «Màliɠii, Ɠɔoɠɔ GALAGI! Nà è maanɛɛnɛzu, ɠizɛ sù, ee, GALA, zɛbɛi ve bɛ̀, niizu, ná ɠɛ ɠila kpe nɔ, gè gàazuɠɛzɛ felegɔi vaa ʋotokula Filisiti nuiti ma!»
Fizɔgɛ nu Ɠɔoɠɔ GALAGI ɠɛ ga lɔɔɠuzuʋɛ,
aisa nu ʋa li ɠalivaazu nui ma.
Fizɔgɛ nu Ɠɔoɠɔ GALAGI ɠɛ ga lɔɔɠuzuʋɛ,
aisa nu ʋa li ɠalivaazu seizumaanɛgiti ma.
Nui a anzai zɔlɔɔna, é undaanɛɛi zɔlɔɔga,
faanɛɛ ɠa naa, é sɔlɔɔgai Ɠɔoɠɔ GALAGI ya.
Ɠitoo su, ga ɠimalai ʋagɛ ɗa-eteai ma vaa ma.
Ni ɗa zoona è ziɛ la, ɗa zoo è ɠoozunɛ ʋelela ʋelei,
ɗa-ɠitogi la ɠoloɠologa.