Salmos 14

Telebotala eteai

1 Guye loo ɠundiɠii nɔnɔi ʋe. Davide ná-guyei.

Ɠimalala nui ɠa ɗa bo yiimaʋɛ ga:

«GALA ge la ná!»*14:1 GALA ge la ná: Tati pelei taɠili ɓalaa ka ga nii: Zobo ge la GALA bɛ

Ti ɠakagɛ, ti telebotala ɲɔi ɠɛa, ta maaɲɛɛba vaiti.

Gila kpalaa ge la ná, nii é faa ʋagɔ ɠɛɛzu.

2 Ɠɔoɠɔ GALAGI yɛni geeɠɔlɔgi ungaʋɛ,

é unpilɛ, é nuɓusɛiti pɛtɛ zooi ma,

é pɛtɛ, ni nu ɠila kpalaa ka ná, nii ɠi pagɔ ma,

é GALA gaiziɛzu.

3 Ti pɛ ti ɠakaga, ti kpein ti ɠɛa ga yaava nuiti ʋɔɔma,

taɠila kpalaa ge la ná, nii é faa ʋagɔ ɠɛɛzu, anɛɛ gila kpalaa.

4 Nii kpein é telebotala vai ɠɛɛzu, ti la faa ɠaaɠaazu ɓaa?

Tɛi ti nà-nuɓusɛiti numasu, eɠɛʋelei nu a ɗa ɓului numa da,

ti la wooɠulazu Ɠɔoɠɔ GALAGI ma.

5 Naa ɠa ti zasuɓalizu la ga duai,

mazɔlɔɔ GALA ka telebo nuiti ba.

6 Wa pɔ wo maanɔɠɔ nuiti kisu vaa ʋagɔiti falibo ti unfe.

Kɛlɛ Ɠɔoɠɔ GALAGI ɠa ga ti-lɔɔɠuzuʋɛ.

7 Nɔ̀un wɔ̀inʋɛ ga gè Izilayɛle ná-kizo fai ɠa, nii é ʋaazu Siyɔn gizei ma!

Siɛgi zu Ɠɔoɠɔ GALAGI ná-nuɓusɛiti ta-vai valibosu da,

Zakɔɓe mavofodai ɠa ɠoozunɛ, Izilayɛle ɠa ɠɛ koozunɛɛi zu!