A carne
A carne representa a natureza pecaminosa que milita contra o Espírito. A Bíblia ensina que os que pertencem a Cristo crucificaram a carne com suas paixões e desejos.
Carne versus Espírito
Os que são segundo a carne inclinam-se para as coisas da carne. O nascido da carne é carne; o nascido do Espírito é Espírito.
Bʉʼka bʉə ndə bɔŋ tʉʼ chí mbi ndə ntɛ ndə bʉəməsʉʉ kʉʉ, nɔ tʉʼ ndaahə-ʉə ndəŋ nubə ndə bʉəməsʉʉ kʉʉ, bɔŋ bʉə ndə bɔŋ tʉʼ chí mbi kə yʉ ŋwɔŋ-yʉə hə kəghɔ-LyʉʉhəNyiikə, nɔ tʉʼ chí mbi tʉʼ ndaahə-ʉə bə ndəŋ nubə ndə LyʉʉhəNyiikə tʉʼ bíʼtə. Ndə məmɛʼtə ŋwɔŋ-aŋ ndə mə-kə-yʉ hə kəghɔ-nubə ndə bʉəməsʉʉ kʉʉ, nɔ lìʼ nə kwu, bɔŋ məmɛʼtə ŋwɔŋ-aŋ ndə mə-kə-yʉ hə kəghɔ-LyʉʉhəNyiikə, nɔ gwè nə məchímbi ghɔŋbə fyiighʉənə. Bʉʼka bʉə ndə bɔŋ tʉʼ chí mbi ndə ntɛ ndə bʉəməsʉʉ kʉʉ nɔ bɛ bʉə-bàa-Nyii bʉʼka bɔŋ tʉʼ tʉʼ nuʼ-Nyii fɛ, ndə ŋgie-shʉəŋ-kə, bɔŋ mə nə tʉʼ fɛ. Bʉə ndə bɔŋ tʉʼ yʉ ŋwɔŋ-yʉə kəghɔ-nubə ndə bʉəməsʉʉ kʉʉ mə chìi nubə ndə i bu kɔ tʉʉjyu tʉ Nyii fɛ.
Bɔŋ mbəŋ-yii tʉʼ yʉ hə kəghɔ-nubə ndə bʉəməsʉʉ kʉʉ fɛ. Bii nɔ tʉʼ yʉ hə kəghɔ-LyʉʉhəNyiikə, kaʼ leʼ bɛ shʉəŋ mbɔ LyʉʉhəNyiikə bɛ mu fyii-bii. Wotəmiyɔŋ ndə ɔ gòʼ təmə kie Lyʉʉhə-Klai-kə mu fyii-ɔ fɛ, bɛ tʉ ɔŋ fɛ.
Nɔ, wo ndə ɔ bɛ ghɔŋ Klai Jiso mɔʼɔ, bieleʼ gwù fɛʼɛ fɛ. Bʉʼka tíŋ hə bɔŋ Klai Jiso, nuʼ-kəLyʉʉhəNyii nɔʼ chʉʼ tʉkə-ɔŋ hə kəghɔ nuʼ bʉʼʉ ghɔŋbə kwú. Nukə ndə nuʼ-Nyii kə mə chìi fɛ, bʉʼka ntɔ-bʉʼʉ-mə kə chìi təmə i kie ghʉəʼkə fɛ, Nyii nɔ kə fɔʼ. Ɔ nɔ kə chìi yɔŋ-yə ndə mətəŋ Vaa-ɛ ndə ɔ kə gwè kie mbʉə i bɛ haʼ ndə mbʉə-woməsʉʉ ndə ɔ bɛ wo-bʉʼʉ tʉ Nyii. Nyii nɔ kə kɔ Vaa-ɛ nə fɔ-fɛʼndɛŋ-kə ndə məgwè kùutə ghʉəʼkə ndə bʉʼʉ kə kie ndə məgìe hə kətʉ-bʉʼʉ. Nyii nɔ kə chìi yɔŋ-yə mbɔ nukə ndə mbʉ nuʼ-Nyii tʉʼ bíʼtə ndə i bɛ ndyʉndyʉ, chʉʼ fyú shʉəŋ mu məchimbi-bʉʼʉ ndə bʉʼʉ gòʼ təmə kə chí mbi bə ndə ntɛ ndə bʉəməsʉʉ kʉʉ fɛ, bɔŋ kə chí mbi bə ndə LyʉʉhəNyiikə tʉʼ ghɔŋ.
Bʉʼka kaʼ bii kə chí mbi ndə ntɛ ndə bʉəməsʉʉ tʉʼ kʉʉ, bii kwú, bɔŋ kaʼ bɛ nə ghʉəʼ-kəLyʉʉhəNyii-kə, bii yí nubə ndə bʉəməsʉʉ tʉʼ kʉʉ, bii chí mbi. Bʉə bənchəŋ ndə bɔŋ tʉʼ yʉ kəghɔ-LyʉʉhəNyiikə nɔ bɛ vâa-Nyii.
Nɔ, mɔ nyíɛ mbɔ nɔ bɛ nuʼ mbɔ ndʉʉ ndə mɔ tʉʼ kʉʉ ndə məfɔʼ nu-jyujyu-kə nɔ, bʉʼʉ kəŋhə mbʉə mɔ tə chàa yɔŋ. Mɔ nɔ kʉʉ nuʼ-Nyii kɛŋ nə vaafyii-ɔ, mɔ bɔŋ kə nyíɛ nuʼ kədɔŋ mu mbʉə-mɔ, nuʼ ndə i tʉʼ gwúu byuʼu ghɔŋbə mbʉ nuʼ-Nyii ndə mu fyii-ɔ bɛŋ. I chìi mɔ bɛ wo-njaa-chaŋ tʉ nuʼ-bʉʼʉ ndə i bɛ mu mbʉə-mɔ.
Bʉʼka ndʉʉ ndə bʉʼʉ nə kə chí mbi kə fɔʼ nubə ndə ntɛ ndə i kʉʼnə tʉ bʉʼʉ nə bʉəməsʉʉ, mbʉ nuʼ-Mushi kə chɔʼhə ntɔ-bʉʼʉ-mə mu mbʉə-bʉʼʉ, nubə nchəŋnchəŋ ndə bʉʼʉ kə fɔʼ kə lìʼ nə kwu.
Woməsʉʉ nɔ bí haʼ woməsʉʉ ndə ɔ, LyʉʉhəNyiikə bɔŋ-kə-leʼ bí haʼ lyʉʉhəkə mu mbʉə wo.
Nɔ bɛ Lyʉʉhəkə ndə ĩ kɔ məchímbi, mbɔʼ-mbʉə məkɔ fɛ. Ŋgiebə ndə mɔ nɔʼ gìe tʉ bii nɔ bɛ bəyihə ghɔŋbə məchímbi.
Vencer a carne
Andai no Espírito e não cumprireis os desejos da carne. Os que são de Cristo crucificaram a carne com suas paixões.
Bɔŋ mɔ nɔ tʉʼ ghɔŋ mbɔ bii kə chí mbi nə ghʉəʼ-kəLyʉʉhəNyii-kə, kaʼ bii chìi nɔ, bii leʼ kə fɔʼ bə nubə ndə mbʉə-yii tʉʼ kʉʉ fɛ.
Ñubə ndə mbʉə-woməsʉʉ tʉʼ kʉʉ, nɔ dʉʼ ŋwɔŋ-ɛŋ ntaa ndəŋ fia tʉ ɔŋ, bəsəŋ ntɛntɛhə, nu-nyàatəŋwɔŋ-bə leʼnə ŋkwɔʼtə-bəsəŋ, məgháa bənyii, məfʉʉ fê, bàa, bəfyuʼ, túunə bəfyuʼ, tʉʉbʉə, məshʉnə mbi, ŋkʉʉŋkʉʉ, məfúu nuɔ bʉəbʉə məbàabʉʉ, ndʉʼbúumə, mətʉʼ kie-bəsəŋ-tə leʼnə ntɛ-bənu-hə ndə yɔŋ-yə. Mɔ nɔ tʉʼ shyùu tyunəkə-ii haʼ ndə mɔ nɔʼ kə fəŋ shyùu hə bəshʉ mbɔ bʉə ndə bɔŋ kie ntɛ məchimbi-ɔ, Nyii mə kə sɔʼ bɔŋ fɛ.
Bɔŋ bʉə ndə bɔŋ bɛ tʉ Klai Jiso nɔʼ kwɛŋ bɔŋleʼ yí nubə ndə mbʉə-yʉə tʉʼ kʉʉ ghɔŋbə ntɔmə-i leʼnə jyʉʉ-i ndə i bɛ fyii-bɔŋ.
Bʉʼka mbɔ bə nɔ nə tíi bii mbɔ tʉkə-ii lʉʉ bii, bəliŋ-bɔŋ. Nɔ haʼ nduɔ mbɔ ndə tʉkə-ii nɔʼ lʉʉ bii nɔ, kə bii məlʉ yɔŋ-yə ndə mə-kə-chìi nu-bʉəbʉə-bə ndə i bʉʉ tʉ bii fɛ. Bɔŋ bii lʉ ŋkʉʉ kwáa ŋwɔŋtə-ii nə yɔŋ.
Wo ndə ɔ tʉʼ shùɔ kə kʉʉ mbɔ i kʉʼnə bə ndə nukə ndə mbʉə-e kʉʉ, fɔkə ndə ɔ bu kie ndəŋ ŋkʉʉnə tʉʉ-i bu bɛ kwu, bɔŋ wo ndə ɔ tʉʼ shùɔ ndə ntɛ ndə LyʉʉhəNyiikə kʉʉ bu kie məchímbi təmə liʼ-i ghɔ fɛ, kəghɔ-LyʉʉhəNyiikə.
Bʉʼka mbɔ fɔbə nchəŋnchəŋ-ɛŋ ndə i bɛ mu kəwʉʉnəmbi, fɔbə ndə mbʉə-a kʉʉ ghɔŋbə fɔbə ndə shʉ-a kʉʉ leʼnə məgʉə ndə i gwè hə ndəŋ nchuɔ, gwè hə kəghɔ mbʉ Tie fɛ, i nɔ gwè hə mu kəwʉʉnəmbi.
Ndʉʉ ndə bii kə gwè tʉ Klai, bə fɔʼ mu fyiihə-ii təmə fɔʼ woməsʉʉ fɔʼ bii nə ghɔkə-i fɛ, bɔŋ fɔʼ Klai fɔʼ bii ndə i bɛ məfyúhə ghʉəʼ-bʉʼʉ-kə mu mbʉə-bii.
Bii kə kíi dyʉʼbə bɔŋleʼ kə gháaNyii bʉʼka bii mə yi gwù mu nubə ndə i mùutə wo mbɔ ɔ gwù mu bʉʼʉ. Mbʉ fyii nɔ bɛ chɔ, bɔŋ mbɔʼ mbʉə lʉʉtə."
Nɔʼ mɔ shyíi bii, bəliŋ-bɔŋ, mbɔʼ-mbʉə ghɔŋbə fɔbʉəkə mə nə kie yʉʉ mu Sɔʼ-Nyii fɛ, byuunɔ, fɔkə ndə ĩ fɛ mə kie yʉʉ ghɔŋ fɔkə ndə i mə fɛ fɛ.