A carne
A carne representa a natureza pecaminosa que milita contra o Espírito. A Bíblia ensina que os que pertencem a Cristo crucificaram a carne com suas paixões e desejos.
Carne versus Espírito
Os que são segundo a carne inclinam-se para as coisas da carne. O nascido da carne é carne; o nascido do Espírito é Espírito.
Ashni safarasimato feefe baasso ashni safarasontu safarsefe. Sinuntano Ayyanani safarasimato feesefe baasso ayyanani safarasontu safaresefe. Ashni wuza sina baron safaroos kitutu ephpha yaafa. Sinuntano Ayyanani wuza sina baron safaroos kaanewa naganetu imfa. Ashni wuza sina baron safarefe asu Ha’oosi tumak aane ajajamefe; ajajamonak dey aafa chimanawuza sinna boor’a Ha’oosi gumawa. Ashni eenantok zoonustesefe baasso Ha’ooson girsuk aafa chimone wuza.
Sinuntano nitto Ha’oosi Ayyana sikalontisi faar sinfaanane Ayyanani safarasiktano Ashni eenantoosimato aafa footi wuza. Kiristoosni Ayyana basaassi foonto asu Kiristoosni keentewa.
Ayyanak Fo
Es bari boor’a Kiristoos Yesusnik fe baasso haye aafa baassosta mangsu katona wuza. Kiristoos Yesusniki kamo bestefa kaa imfa korto Ayyanaasi tuma boor’aassinnawa kituussinna birmadumma taan kisiwa. Asuni haalani hopitan kabi chowa tumaas zaguk chimnoynaason Ha’oos zagiwa. Ha’o bari Naasin boor’ba faana asune feer zagira boor’aasik wosi. Ashbaasik dey boor’aason mangsu kar’e tishki. Es baron dey zaginaas ashni safarak sinnoynaron Ayyanani safarasimato feefe innoki kamo futo sina tumaasi ajaji wostota feeshanakwa.
Ashni safarak fafaatine kitutirwa. Sinuntano korto Ayyanaasi hugnak ashni wostontiison woraatine kaak footiwa. Ha’oosi Ayyanak zoonustefe baasso zuuttere Ha’oosi naanggotawa.
Es bari boor’a ooma tuma tayista wostet faanamato biingwa. Ma’a wuzason zagunak sholefaat mangu wuza zagunak tugtefan. Sikalonaas Ha’oosi tumaktu girefa. Sinuntano kanunaassi fa tumaasneen neebefaafa atunaasi billitisi wostefa boor’aasi tumak taato taan zagifa ooma testoni safara tayissi faanamato biingwa.
Ashni fiqadiisik faani kabaasik tumaas kabgifana mangu eenantoos kituni gaana gaananik atuniisi billitisi wostet faar.
Asunikin koonte bar asuwa. Sinuntano Ha’oosi Ayyanakin koonte bar Ha’ooskin gaddo kaa daniwa.
Kaa imfaas Ha’oosi Ayyanawa; asuni hugnaas isanne aane ke’fawa. Ta makena kaamaas kaa imfa Ayyananewa kaanewa.
Vencer a carne
Andai no Espírito e não cumprireis os desejos da carne. Os que são de Cristo crucificaram a carne com suas paixões.
Ayyanak Foonewa Ashak Foone
Ese Ayyanaasik zoonustera footiwa; ashaasi eenantonon isanne zagutiitawa yifawungwa.
Ashni wostoos artowa. Es barikito dey gerkesa, kiina, gafo, koo’loni shiipho, tolfata, gumawo, faasso, koona, gi’a, teetni shuna, oor oor kesa, asunita mangu wuzni wosto, Kiichchana, zayya, gerkesni suru; es effatenasne faaserwa. Zeemo sinak teetnitiison oodti yira makenaasimato hashnu dey teetnitiison oodatik makefawungwa. Es effatena wuzasikitonon zagisefe asuni meya Ha’oosi taatonon aafa warasone wuza.
Kiristoos Yesusnir sina baasso ashaason bari iguusonnawa bari eenantosona suutesetewa.
Aytaasakitono! Nitto birmadummak foosotiktu teegtetiwa. Sinuntano isaas oomiisin keeshtanak barik wostowoteno es birmadummantiis ashnitiisi eenantonon zagunir sinanaatawa.
Ashbaason girsunak bukfe bar ashbaaskin kitutu kar’ana; Ayyanaason girsunak bukfe bar Ayyanaaskin Koi’ba foonto kaatu kar’ana
Han daasta fa bar zuuttambaase ashni eenanto, aafak keeshto, fook teeto han daastakirtano Aba Ha’ooskintawa.
Barik amantontiisik haarko kunetiwa. Es kuneti haarkoos boor’ba faana amalaason tishkuk Kiristoosniki kamo zagte wuzatano asuni kushuk zagte wuzatawa.
Fatanasi girunoytimato guzira shiiphotiwa. Ayyanaas hooreratu fa, sinuntano ashaas hopiyawa» yi.
Ayni meyane! Ta nittok makefanaas haniiswa; ashaasewa hannaase Ha’oosi taatonon aafa ephphatoona wuza. Esiisimato dey kituni atuus kitunoy hayewa atuuson aafa ephphatoona wuza.