10 Kanna kete ka na a kuyaꞋan A̱Ꞌisa̱ a gbayin a̱ nu

u laꞋa ta̱ ayin ka̱kpa̱n a na a kuyaꞋan a̱ ubuta̱ u yoku kau.

n laꞋa ta̱ n kuciga m shamgba utsutsu u kpaꞋa ku Ka̱shile ka̱ va̱,

a na ma̱ kuda̱sa̱ngu a iꞋuwa i uma a gbani-gbani.

4 Ili i te i ɗa n folonoi u Vuzavaguɗu,

ili i na n cigai i ɗanna,

ɗaɗa n da̱sa̱ngu a kpaꞋa ku Vuzavaguɗu,

a ayin a wuma u va̱ ra̱ka̱,

ka̱ta̱ m pana uyoꞋo u Vuzavaguɗu

ka̱ta̱ kpamu n folono yi ɗe A̱Ꞌisa̱ a gbayin a̱ ni.

4 Aza a una̱singai a ɗa aza a na vu zagbai,

ɗa vu tuka̱i le ɗevu o yongo a ulanga u nu.

Ci ta̱ a̱ kucuwa̱ n kasingai ka̱ a̱ ubuta̱ wi ida̱shi i nu,

n una̱singai wa̱ A̱Ꞌisa̱ a gbayin a ciɗa a̱ nu.

1 N yaꞋan ta̱ ma̱za̱nga̱ ana a danai mu,

<<YaꞋan tsu bana A̱Ꞌisa̱ a gbayin a Vuzavaguɗu.>>

6 Mayun, kasingai ka̱ nu n ucigi u nu,

wi ta̱ o kuyongo nu mpa a ayin a wuma u va̱ dem,

ka̱ta̱ n da̱sa̱ngu a kpaꞋa ku Vuzavaguɗu ko wannai.

8 Ama mpa mi ta̱ tsu maɗanga ma zaitu,

ma na mo topoi mayin a kpaꞋa ku Ka̱shile.

N neke ta̱ ka̱ɗu a ucigi u ni u na u tsu sabaꞋa ba ko wannai.

9 Mali ma A̱Ꞌisa̱ a gbayin a̱ nu,

ma zuwa mu ta̱ a̱ ku kula̱ tsa akina

ishikushi i na i a kuyaꞋanka wu yi okpo ta̱ a kaci ka̱ va̱.

1 Ili i na Vuzavaguɗu u danai i ɗa na,

<<Gaɗi ɗa kakuba ko tsugono ka̱ va̱,

aduniyan ta ɗe n tsu zuwa ene a̱ va̱.

To, gogo na icuꞋu i kpaꞋa ku ne ku ɗai i kumaꞋaka mu?

Te ɗai kpamu ubuta̱ u kuvuka u va̱ wi?

2 Vuzavaguɗu u danai, <<Ili i nampa ya ra̱ka̱ ba ekiye a̱ va̱ a ɗa a yaꞋin i ɗa,

ali ɗa yo okpoi nannai ba?>>

<<Ama vicuꞋu vu vuma vu nampa ɗa mi a̱ kula̱nsa̱,

vuza na u ka̱na̱i ka̱ci ka̱ ni ɗa kpamu ayinviki i koɓolo n a̱yi

ɗa kpamu wi a kuyaꞋan nwalu n kadanshi ka̱ va̱.

16 Ana Yakubu u ɗa̱nga̱i alavu, ɗa u ciɓasai. Ɗa u danai, <<Mayun ɗa Vuzavaguɗu wi a̱ ubuta̱ u nampa, ama ta na mi ishi n yeve ba!>> 17 Ɗa u panai wovon ɗa u danai, <<Nini ɗai ubuta̱ u nampa wi? Na ubuta̱ u Ka̱shile u ɗa, ɗa kpamu utsutsu u gaɗi u ni.>>