Casa de Deus
A casa de Deus é lugar de adoração, refúgio e encontro com o Sagrado. A Bíblia exalta o tabernáculo, o templo e a igreja como morada do Altíssimo entre seu povo.
A presença de Deus
Quão amáveis são os teus tabernáculos! Uma coisa pedi ao Senhor: habitar na casa do Senhor todos os dias da minha vida.
O templo
Minha casa será chamada casa de oração. O zelo da tua casa me consumiu. O verdadeiro templo é o corpo do cristão.
ईसु भगवानेन मंदीर मां जाय्न तीनु आखा काजे, जे मंदीर मां लेणु देणु करतेला, तीनुक बाहर नीकाळ देदु, चु पयस्या आटे-साटे करन्यान टेबल्या ने पेरवा वेचण्यान चारला अंधला देदु। ने तीनुक असु कह्यु, "चुखला सास्तुर मां लिखलो छे, की ‘मारो घर दुवान घर कह्वायसे।’ बाकुन तुहुंं ते हीना काजे धाड़ु पाड़न्या ने चुट्टान खंगरु बणाय देदा!"
यहुदी माणसेन फसह तीहवार सातेत आय रवलु। तेरेमां ईसु यरुसलेम सहर मां जाती रयु। चां ईसु मंदीर मां देख्यु की माणसे बेल गाडरा ने पेरवा वेचतेला देख्यु ने चां लेण देण वाळा वेपारी आटे-साटे करन्या बठ रवला देख्यु। तेरेमां ईसु रासेन सपाटु बणायन आखा गाडरा ने बेल काजे मंदीर मां सी नीकाळ देदु ने लेण-देण करने वाळान पयस्या खडळी देदु ने ठेला गाडी काजे उन्धलाय देदु। पेरवा वेचण्या काजे कह्यु, "ज आखो जां सी छेटा ली जावु। मारा बासेन घर काजे वेपारीन घर मां बणावु।" ईसुन वात सामळीन ईसुन चेला काजे खरला-सास्तुर मां लिखली वात हेर आय गुय, "तारा घरेन धुन मां मेसेक आकठान तसी धपाड़ देसे।"
काय तुहुंं नी जाणु की तुंद्रु डील चुखली-आत्मान मंदीर छे, जु तुंद्रे मां बसलु छे ने तुहुंंक भगवान भीणी सी जड़लु छे; ने तुहुंं आपणा नी हय?
कदी मेसेक आवणे मां वार लाग जाय, ती तु जाण ले की भगवानेन घरना मां जु जीवतेलु भगवानेन मंडळी छे, ने चु छाचीन खुटु ने नेवु छे कसों वेहवार करनु चाहजे।
बाकुन ईसु मसी ते भगवानेन पुर्यान रुप मां भगवानेन घरनान हकदार्यु छे, ने कदी आपणु हिम्मत राखीन भगवानेन साहरे आपली आस पर टेकला रवसु, ती आपणुत भगवानेन घरना माणसे छे।
जंगल मां हामरा आड़ा-बुड़ा धड़े गवान तम्बु हतलु। भगवान मुसा काजे ईना तम्बुन बारामां ज हुकुम आप्यु हतलु, मे तीना तम्बुन सहलाणी तुसे काजे देखाड़लु छे, तीनी सहलाणीन अनुसार तम्बु बणावजी। पछेन चु तम्बु अगली पीड़ीन आपणा आड़ा-बुड़ा यहोसुन अगवाय मां जां ली आया; तीने टेमे चे नी-यहुदी धड़े जी धरती हापकी लेदला, काहाकी भगवान नी-यहुदी काजे आपणा आड़ा-बुड़ा अगळ सी नीकाळ देदलु; ने असु करीन चु तम्बु दावुदेन टेम लग आपणा आड़ा-बुड़ान हातेम रयु। ईना दावुद पर भगवान गीण-दया कर्यु, ने दावुद जी हेर कर्यु की मे याकुबेन भगवान वाटे एक मंदीर बणावीस। बाकुन सुलेमान याकुबेन भगवान वाटे मंदीर बणायु।
तेबी आखाम उचु रवण्यु भगवान माणसेन साहरे बणावला घर मां नी रयु, जसु भगवानेन अघली वात बताड़ने वाळु माणुस कवे,
सरग मारी राजगादी छे,
ने धरती मारी पायेन पयड़ी छे,
तुहुंं मार वाटे काहनु मंदीर बणावसु? मालीक पुछे,
मार वाटे आराम करनेन असु काहनु जागु छे, जां मे आराम करो?
काय ज आखो मार हात सी बणावलो नी हय काय?
तत्यार याकुब जागी ज्यु, ने असु कह्यु, "छाचलीन ईना जागा मां यहोवा भगवान छे; ने मे ईनी वात काजे नी जाणों।" ने बीहीन असु कहणे लाग्यु, "जु जागु कसु बीहे तसु छे! जु ते भगवानेन घर काजे छुड़ीन अळी दीसरो नी हय सके; बाकुन जु सरगेन फाटकुत हसे।"