Casa de Deus
A casa de Deus é lugar de adoração, refúgio e encontro com o Sagrado. A Bíblia exalta o tabernáculo, o templo e a igreja como morada do Altíssimo entre seu povo.
A presença de Deus
Quão amáveis são os teus tabernáculos! Uma coisa pedi ao Senhor: habitar na casa do Senhor todos os dias da minha vida.
Ee, GALA, ɗɛi è gi makɛsu,
yeezei naa wu ga pagɔ, nii è gulɔi ziaai ma, è sei.
Ani ɠila kpe ka gè falizu Ɠɔoɠɔ GALAGI ma,
gè gaiziɛzu gola,
gè zei Ɠɔoɠɔ GALAGI ná-pɛlɛi wu,
sìi ma voloi pɛ su,
gè ɗa Ɠɔoɠɔ GALAGI ná-maayikii ʋɛtɛ,
gè ɠaaɓa gè tɔun kwɛɛ sei ʋɛlɛi wu.
Kotoi ma ɠasɔi wuiʋɛ mà, gola wuiʋɛ,
kɛlɛ ɗa gá-lɔ koloɠologi kpein gbazu, è ti zuvaayɛ.
Tɛɛ wo guyei. Davide ná-guyei.
Kòozunɛɛni gola, siɛgi zu ti ɠɛni mà la:
«Ade li Ɠɔoɠɔ GALAGI zei ʋɛlɛi ma ɠoizuʋɛ!»
Ungo, undaanɛɛi ta nɛɛbɛi ta yɛ bà, nà-eteai pɛ su,
nà ɠale ma, gè yɛ Ɠɔoɠɔ GALAGI ná-pɛlɛi wu, eyɛsu sìi ma voloi pɛ.
Telebo nuiti ta naa ɠa, dualuagi ti zo,
ti ɲɛɛɠula è zu, ti ɠɛ ma:
Gè ɠɛa ga wɛɛn kɛ̀ɛleaiti gaazu,
gè ɠɛ ga nui é la ɠwɛɛni pɛlɛyeɠei wu.
O templo
Minha casa será chamada casa de oração. O zelo da tua casa me consumiu. O verdadeiro templo é o corpo do cristão.
Yesu lɛɛni GALA sei ʋɛlɛi ma ɠoizuʋɛ, é pɔdi loo nuiti pɛ kpɛ ná. É wali valibo nuiti ta-laɓaliiti tokani, naa ʋɛɛ poopo pɔdi nuiti ta-ɓɔkpɔgiti ba. É ɠɛni ti ma: «Sɛʋɛʋɛ GALA Sɛʋɛi zu ga: ‹Nà-pɛlɛi ɠa loli ga GALA fali ʋɛlɛi.›. Kɛlɛ wɔun, wo ná ɠɛa ga toosu nuiti dɔɔɠuzuʋɛ.».
Zuifuiti ta-Ʋake fɛtii maa ɠɛni ɓuɠazu. Yesu lɛɛni Zeluzalɛme. É yaaɠoiti pɛtɛni GALA sei ʋɛlɛi ma ɠoizuʋɛ, ti ɗa nikɛiti, baalagiti ta poopogiti pɔdi. Wali valibo nuiti ɓalaa ti ɠɛni ná. É galuiti seɠeni, é kɛ ga kpakɔi. É ti ɓɛɛni, é ti ɠula GALA sei ʋɛlɛi wu, ta ta-nikɛiti, naa ʋɛɛ ta-ʋaalagiti ba. É wali valibo nuiti ta-waliiti suvazani, é ta-laɓaliiti toka. É ɠɛ poopo pɔdi nuiti ma: «À niiti kula ʋɛ! À mina Kɛ̀ɛ ná-pɛlɛi ɠɛ ga yaaɠo ʋɛlɛ!» Ná-kaladopoiti ti-ɠi ge looni su ga sɛʋɛʋɛ ga:
«Ee, GALA, ɗa-ʋɛlɛi ma wɔinlai ɠa gàla eɠɛ abui.».
Wo la kwɛɛ ɓaa, ga wo-ɓusɛi ɠa ga Zɛnvu Ɲadegai zei ʋɛlɛi, nii é wo-yiimaʋɛ, wo sɔlɔɔgai GALA zea? Wo la ga ɓɔɠɔ nɔnɔ.
nii a kɛ ni gè la ʋaani è ʋɔ bɛ fala, ɗa kwɛɛ ʋelei nu maanɛai è ziɛ la GALA ná-pɛlɛyeɠei wu. Pɛlɛyeɠei naa ɠa é ga zɛnvu su ƓALAGI ná-Egilisii, tɔ ɠa é ga kpɛdɛgi é ga gaamai ʋoluzeigi.
Kɛlɛ Kilista ɠa ga wooɠɛɠila nui, é ɠɛni ga Doun Zunui seiɗai GALA ná-pɛlɛyeɠei unda. Ada ga ná-pɛlɛyeɠei wu nuiti, ni ada da-ladalai zona kpaan ta kitogi, nii ade ɓɔɠɔ wɔɔlɔzu ma vaa zu.
«Ade-mɛmɛwolani kɛai ma teʋebai zu, seɠe ʋɛlɛi ɠɛni ti ya, nii minazeɠegi ma zɛʋɛi ɠɛni bu, seɠe ʋɛlɛi nii GALA ge Moize leveni ga é to, ga naama ɠazaʋigi nii é kaani. Ade-mɛmɛwolani ti naa zɔlɔɔgai ma, Zozuwe yɛni ti luɠɔ, ti lɛɛ la zooi naa zu, ti kulani ziiti zea, niiti GALA ge ɠɛni ti ɓɛɛzu ti luɠɔ. Seɠe ʋɛlɛi naa yɛni ná eyɛsu Davide ná-yeeɠɛɠalai, naa zaala zɔlɔɔni GALA gaazu, é suvali ga zobo ge ve bɛ, é pɛlɛ lo Zakɔɓe ná-GALAGI ʋɛ. Kɛlɛ Salomɔn ɠa niina, é pɛlɛi loni GALA bɛ. Kɛlɛ anɛɛ naa ʋe, GALA nii é Anii-Pɛ-Unda, naa la ɗa ga zei pɛlɛi wu, nii togai ga nu ɓɔɠɔ yeei, eɠɛʋelei GALA goo wo nui boni da, é ɠɛ ma:
‹Maliɠii wooi ɠaa: Geeɠɔlɔgi ɠa é ga nà-masa kpɔkpɔgi,
zooi ɠɛ ga nà-kɔɠɔloma anii.
Pɛlɛi ma zii ɓɛgele ɠa wa zoo tosu bɛ̀?
Mini ɠa nà zoo zeizu ná?
Nà lɛi gè ʋa naama aniiti pɛ kpɛtɛ ɓaa?›
Ɠɔoɠɔ GALAGI wooi ɠaa:
«Geeɠɔlɔgi ɠa é ga nà-masa kpɔkpɔgi,
zooi ɠɛ ga nà-kɔɠɔloma anii.
Pɛlɛi ma zii ɓɛgele ɠa wa zoo tosu bɛ̀?
Mini ɠa nà zoo zeizu ná?
Zèei ɠa gè niima aniiti kpein kpɛtɛni la,
ti pɛ ta ga nɔ̀nɔ,» Ɠɔoɠɔ GALAGI wooi ɠana.
«Kɛlɛ nii gè ɠaazu ʋagɔi losu ba,
naa ɠa ga zɔi zobo ge la bɛ, maawɔinɗai,
é dàawooi mɛnisu, é ɗa lua, sasu ɗa ɓali.
Zakɔɓe wuunni, é ɠula ná-ɲiimɛnii zu, é ɠɛ ma: «Gaamazu Ɠɔoɠɔ GALAGI ɠa niima adaʋɛ, nɔ̀un gè la ɠɛa suɠwɛɛ!» É luani, é ɠɛ ma: «Aɛ, niima adaʋɛ maayikiʋɛ! Ʋɛ ɠa ná ga GALA ná-pɛlɛi, geeɠɔlɔgi ma ziɠidaʋɛ ʋe.»