Casa de Deus

मंदिर इन शुद्धीकरण

12 यीशु परमेश्वर उन मंदिर दा होगकु आ सप्पा मुंदरी, जो मंदिर दा लेन-देन माळोर, तेग्द बुट्टुन, अदिक सर्राफागोळ्द पांळ्सीगोळ अदिक कबूतर मारावाळेर्द चौकिगोळ उलटुस बुट्टुन; 13 अदिक आंदुर से अंदुन, "शास्त्र दा लिख्सकु आद, ‘नान मान्ना प्रार्थना अन्द मान्ना कहलुसीत,’ लेकीन नीव अदरी डाकूगोळ्द हड्डा माळतीर."✝

यीशु उन मंदिर दा होगोद

13 यहूदीगोळ्द फसह अन्द हाब्ब हात्‍ती ईरोद, अदिक यीशु यरूशलेम इक होदुन. 14 आव मंदिर दा वस्ता, म्यांडा अदिक कबूतर मारावाळेर अदिक व्हान्ना मारावाळेर लॉकुरी कुर्तकु नोळदुन. 15 आग आव जाळीगोळ्द क्वाळा माळकु, सप्पा म्यांडागोळ अदिक वस्तागोळी मंदिर टु तेग्द बुट्टुन, अदिक व्हान्ना मारावाळेर लॉकुर्द पैस्या भिटकु सळा माळ बुट्टुन अदिक पांळ्सीगोळी उलटुस बुट्टुन, 16 अदिक कबूतरमारावाळेर से अंदुन, "इवरी ईल टु राटनेरी ओई. नान आप्प उन मान्ना अक व्यापार इन मान्ना माळबाळी." 17 *आग आऊन चेलागोळी याद बत्‍त कि लिख्सकु शास्त्र आद, "नीन मान्ना अन्द धुन नानी तिंद बुट्टीत."

19 ✝येन नीव जान्सालीर कि नीम्द मय पवित्र आत्मा अन्द मंदिर आद, जो नीम दा कुर्तकु आद अदिक नीमी परमेश्वर उन दी टु सिक्याद; अदिक नीव तानव आलच?

15 कि अगर नान बंदुर दा समय आगुल, रा नी जान्स कोम कि परमेश्वर उन घराना दा जो जित्‍ता परमेश्वर उन मंडली आद अदिक जो सच्चाई इन खंबा अदिक पायवा आद, लॉकुर आपस दा ह्यांग बर्ताव माळ पायजे.

6 लेकीन मसीह पार आगा नाता देल परमेश्वर उन मान्या विश्वासलायक आन. अदिक आऊन मान्ना नाव हुयेव, अगर नाव नाम साहस अदिक यदुर मा नाव घमण्ड माळतेव आ आशा मा मजबूती देल स्थिर ईरूल.

44 "नाम आप्प दादागोळ हात्‍ती परमेश्वर उन सानिध्य अन्द तम्बू, ह्यांग परमेश्वर मूसा अक हेळदुन हांग माळीदुन. अद आ नमुना अन घाई ईरोद जो मूसा अक तोर्सकु आगीत." 45 अदा तम्बू अक नाम आप्प दादागोळ पूर्वकाल टु हुडुकु यहोशू अन्द सांगुळ ईल तंदुर; याता समय इन आंदुर आ गैरयहूदीगोळ मा अधिकार माळदुर, यारी परमेश्वर नाम आप्प दादागोळ मुंद टु तेगु बुट्टुन, अदिक अद तम्बू दाऊद उन समय ताका ईत्‍त. 46 आऊन मा परमेश्वर अनुग्रह माळदुन; इदुरसाटी आव विनती माळदुन कि आव याकूब उन परमेश्वर उन साटी निवास स्थान माळुल. 47 आव ईला लेकीन सुलैमान आऊन साटी मान्ना माळदुन.

48 लेकीन परमप्रधान कय इन माळ्द मान्नागोळ दा ईरालुन, ह्यांग कि भविष्यवक्ता अंदुन,

49 प्रभु अनतान, स्वर्ग नांद सिंहासन

अदिक पृथ्वी नान कालगोळ तल्ला अन्द आशन हुन,

नान साटी नीव याता प्रकार इन मान्ना माळीर?

अदिक नांद आराम इन साटी यातोद जागा ईत्‍तीत?

50 येन ई सप्पा वस्तुगोळ नान कय इन माळदव आल्लच?

16 आग याकूब येद्‍दुन, अदिक अनली कुरतुन, "सही दा ई जागा दा यहोवा आन; अदिक ना ई मात इक ईला जानसीन." 17 अदिक अंजकु आव अंदुन, "ईद जागा येन ईद भयानक आद! ईद रा परमेश्वर उन भवन उक बीळ अदिक येनु आगसकाल; बल्‍की ईद स्‍वर्ग इन फाटक अच आगीदाद."