Casa de Deus
A casa de Deus é lugar de adoração, refúgio e encontro com o Sagrado. A Bíblia exalta o tabernáculo, o templo e a igreja como morada do Altíssimo entre seu povo.
A presença de Deus
Quão amáveis são os teus tabernáculos! Uma coisa pedi ao Senhor: habitar na casa do Senhor todos os dias da minha vida.
Magoke knama Kagri mono nompima mani’zamo’a, tauseni’a knama megi’ama mani’zana agatere’ne. Kefo avu’ava’ma nehaza vahe’mofo, nompima knare nomani’zama mani’zana atre’na, Anumzamoka nomofo kafante’ma mani’suana knare hugahie.
Ra Anumzamofona mago zanku antahigesue, Knare nagrira natresanigena kasefa’ma hu’nama manisnua kna’afina, Agri nompina manivava nehu’na, knare avu’ava’a nege’na, musena hunente’na Agri mono nompi mani’nena kama naverima hanigura kegahue.
Kagrama huhamprintankeno, ruotge kuma tava’onte’ma nemanimo’a rama’a asomu erigahie. Kagri mono nompinka rama’a knare zane musezamo’enena avite’ne.
Ra Anumzamofo ra mono nontega marenerino hu' zagame, Deviti asunte’nea zagamere
Vahe’mo’za nagrikura hu’za, enketa Ra Anumzamofo mono nontegama vanune hu’za nehazage’na, tusiza hu’na musena nehue.
Tamagerfa huno Ra Anumzamofo knare avu’ava zamo’ene agri avesi’zamo’a ofri’nama kasefa hu’na ama mopafima manisua kna’afina, namage navararino vano hugahie. Ana nehanige’na Ra Anumzamofo mono nompi maka zupa manivava hugahue.
Hianagi nagra Anumzamofo nompina olivi zafamo tretre huno amu mareankna nehuanki’na, maka kna Anumzamofo vagaore avesizante namentintia huvava hugahue.
Mono nonka’agu’ma navesintoa zamo’a nagu’afina tevema reankna nehigeno, Kagri’ma kazeri havizama hu kema nehaza vahe’mo’za nagri’enena nazeri haviza hu naneke nehaze.
O templo
Minha casa será chamada casa de oração. O zelo da tua casa me consumiu. O verdadeiro templo é o corpo do cristão.
Ra mono nompinti zmahenanti atrenea naneke
Jisasi’a mono nomofo agu’afi ufreno maka zagore netre’za miza neseza nehaza vahe’zaga zamahe anatige’za fegi’a atirami’naze. Hagi zago rezahe nehaza vahe sipa eri herafi netreno, mizante maho nama zaga ante’naza vahe tra’zmi eri rukrahe hutre’ne. Jisasi’a anage huno zamasmi’ne, Anumzamofo avontafepima kre’nazana, nagri nona Anumzamofonte nunamu hunte no megahie hu’ne. Hianagi tamagra kumzafa vahe frakiza manisnaza kuma retro nehaze. (Ais 56:7.)
Ra mono nompinti Jisasi’a zamahenati’nea naneke
Hagi Jiu vahe’ma kinafinti zamare’nea (Pasova) ne’za’ne knamo kofta higeno Jisasi’a Jerusalemi kumate mareri’ne. Vuno ra mono nompi omege’neana vahe’mo’a bulimakaoma, sipisipi’ma, maho namane, zago rezahe nehaza vahe’mo’za tra omente emente hu’za maketi nehazageno ome zamage’ne. Ome zamageteno nofite kano tro hiazamo ra mono nompintira sipisipi’ne bulimakaone vahe’ene zamahenati’netreno zagoma rezahe’ma nehaza naga’mokizmi zagoa ruherafi netreno, ita zamia eriruvahe huherfi’ne. Hagi maho namama maketima nehaza vaheku, Ama nama avreta viho. Nafa’nimofo nona maketi kumara eri tro osiho, huno zamasmi’ne. Agri amage nentaza disaipol naga’mo’za, kasnampa vahe’mo’za avontafepi kre’nea kegu zamagesa antahi’naze. Amanage huno kre’ne Kagri noma kegava hu’na mani’navesizamo’a nagu’afina tusiza huno navenesie. (Sam-Zga 69:9)
Tamavufamo’a Ruotage Avamumofo mono no me’negeno, Ruotge Avamuma Anumzamo’ma tamagri’ma tami’nea avamumo’ma anampinkama mani’neana tamagra ontahi’nazo? E’ina hu’negu tamagra’a su’ana omani’naze.
Hianagi mago’a zamo’ma nazerinke’na omesugenka, nagrama avoma kre troana kagra kenka antahinka hu’nane, vahe’mo’za inankna hu’za Anumzamofo nagara zamagra kegava hugahaze, kasefa huno mani’nea Anumzamofo mono nonte’ma, atru re’nea anumza zafa, tamage kemofo agafa’e.
Hianagi Ne' mofavre’amo Kraisi’a Anumzamofo vahetera kva mani’ne. Hagi tagra ana vahe mani’nonankita, koro osu hankavetita nemanita, fore’ma hanigeta kesuna zanku’ma musema nehunazana otresune.
Tagri neragehoza seli mono no zamia eri’za magoka ka’ma kopi vu’naze. Anumzamo’ma Mosese asamino e’inahu hunka tro huo huno hunte’nea kante ante’za, anahu kna hu’za trohu fatgo hu’naze. (Eks-Ati 25:9) Henka tagehe’mokizimi mofavreramimo’za ana seli mono nona e’neriza, zamagra ana mopafi Josua’ene naga’amo’zanena megi’a vahe’mofo mopafi ha’hu’za eri’za mani’neza, seli mono nona kiza mani’nageno henka Devitinkna e’ne. Anumzamofo avesi zamo’a Devitinte megeno, Anumzamoka natregena ra mono nonka’a kineno huno antahige’ne, Jekopu Anumzamo’ma manisia no kinaku hu’ne. Hu’neanagi Solomoni’a Agri ra mono nona kinte’ne. (1 Kin 6:1) Hu’neanagi, Mareri Agatere’nea Anumzamo’a vahe’mo azanteti kinte nompina omanigahie huno, Kasnampa ne’mo hunte’ne, Mona kumara trani’e, ama mopa nagiamofo trare, inankna no Nagrira kinantegahaze? Huno Ramo’a hu’ne. Mika’zana monafine mopafinena Nagrake tro hu’noe. (Ais 66:1-2.)
Mona kumamo’a Anumzamofo tra me’ne hu’nea naneke
Ra Anumzamo’a amanage huno hu’ne, Mona kumamo’a Nagrama nemanue tra megeno, ama mopamo’a nagiama nentoa tra me’ne. E’ina hu’neankita Nagri nona inantega kinantesnage’na, nagra mani frua hugahue?
(Matiu 5: 34, 35. Aposolo 7: 49, 50) Na’ankure Nagra Ra Anumzamo’na monane mopane maka zantamina nazampinti tro huntogeno me’ne huno Ra Anumzamo’a hu’ne. Hagi zamavufagama anteramiza nemaniza, zamasunku hu’za zamagu’a rukrahe nehu’za, nagri nanekegu’ma koroma hunte’za zmahirahiku’ma nehaza vaheku nagrira nave’nesie.
Higeno Jekopu’a avu’ma masenereti otino anage hu’ne, Tamage huno Ra Anumzamo’a amafi mani’negena nagra ontahi’noane. Agra amanogu nehuno amanage hu’ne. Ama mopa ruzahu hu’nea mopare e’noe! Ra Anumzamo mani’nea nompi e’noankino, ama mona kafa me’ne.