Casa de Deus

10 உமது ஆலய முற்றங்களில் ஒரு நாளைக் கழிப்பது,

வேறெங்காவது ஆயிரம் நாட்களைக் கழிப்பதைவிட சிறந்தது;

கொடியவர்களின் கூடாரங்களில் குடியிருப்பதைவிட,

என் இறைவனுடைய வீட்டில் வாசல் காவலனாக இருப்பதை நான் அதிகமாய் விரும்புவேன்.

4 நான் யெகோவாவிடத்தில் ஒன்றைக் கேட்கிறேன்,

அதையே நான் தேடுகிறேன்:

நான் யெகோவாவின் அழகைக் காண்பதற்கும்,

அவருடைய ஆலயத்தில் அவரை தேடுவதற்கும்

நான் என் வாழ்நாள் முழுவதும்

யெகோவாவினுடைய வீட்டில் குடியிருப்பதையே வாஞ்சிக்கிறேன்.

4 உமது ஆலய முற்றங்களில் வாழும்படியாக,

நீர் தெரிந்தெடுத்து சேர்த்துக்கொண்டவர்கள் ஆசீர்வதிக்கப்பட்டவர்கள்.

நாங்கள் உமது பரிசுத்த ஆலயமாகிய

உம்முடைய வீட்டின் நன்மைகளால் நிரப்பப்பட்டிருக்கிறோம்.

1 "யெகோவாவின் ஆலயத்திற்கு நாம் போவோம்"

என்று என்னிடம் சொன்னவர்களோடு சேர்ந்து நான் மகிழ்ச்சியடைந்தேன்.

6 நிச்சயமாகவே என் வாழ்நாள் முழுவதும்

நன்மையும் அன்பும் என்னைத் தொடர்ந்து வரும்,

நான் யெகோவாவினுடைய வீட்டில்

என்றென்றுமாய் வாழ்வேன்.

8 ஆனால் நானோ, செழித்து வளரும் ஒலிவமரத்தைப் போல்

இறைவனின் ஆலயத்தில் இருக்கிறேன்;

நான் இறைவனுடைய உடன்படிக்கையின் அன்பில்

எப்பொழுதும் நம்பிக்கை வைத்திருக்கிறேன்.

9 ஏனெனில் உமது ஆலயத்தைப் பற்றிய வைராக்கியம் என்னை எரித்துவிடுகிறது;

உம்மை இகழ்கிறவர்களின் இகழ்ச்சி என்மேல் விழுகிறது.

ஆலயத்தில் இயேசு

12 இயேசு ஆலய முற்றத்திற்குச் சென்று, அங்கே பொருட்களை விற்கிறவர்களும், வாங்குகிறவர்களுமாகிய எல்லோரையும் வெளியே துரத்தினார். அவர் நாணயம் மாற்றுவோரின் மேஜைகளையும், புறா விற்கிறவர்களின் இருக்கைகளையும் கவிழ்த்துப் போட்டார். 13 இயேசு அவர்களிடம், "எனது வீடு ஜெபவீடு என்று அழைக்கப்படும் என எழுதப்பட்டிருக்கிறது*. ஆனால் நீங்கள், அதைக் கள்வரின் குகையாக்குகிறீர்கள்"* என்றார்.

இயேசு ஆலயத்தைச் சுத்திகரித்தல்

13 யூதருடைய பஸ்கா என்ற பண்டிகைக்கான காலம் நெருங்கி வந்தபோது, இயேசு எருசலேமுக்குச் சென்றார். 14 ஆலய முற்றத்திலே ஆடுமாடுகளையும், புறாக்களையும் விற்கிறவர்களை அவர் கண்டார். இன்னும் சிலர் அங்கே உட்கார்ந்து மேஜைகளிலே நாணய மாற்று வியாபாரத்தில் ஈடுபட்டுக் கொண்டிருப்பதையும் கண்டார். 15 எனவே இயேசு ஒரு கயிற்றைச் சவுக்கைப்போல் முறுக்கி எடுத்துக்கொண்டு, அவர்கள் எல்லோரையும் ஆலயப் பகுதியில் இருந்து துரத்தினார். ஆடுமாடுகளையும் துரத்தினார். நாணயம் மாற்றுவதில் ஈடுபட்டிருந்தவர்களின் நாணயங்களை எல்லாம் அவர் கொட்டிச் சிதறடித்து, அவர்களுடைய மேஜைகளைப் புரட்டித்தள்ளினார். 16 இயேசு புறாக்களை விற்றுக் கொண்டிருந்தவர்களைப் பார்த்து, "இவைகளை இங்கிருந்து அகற்றிவிடுங்கள். என்னுடைய பிதாவின் வீட்டைச் சந்தையாக மாற்ற எப்படித் துணிந்தீர்கள்!" என்றார். 17 அப்பொழுது இயேசுவினுடைய சீடர்களுக்கு, "உம்முடைய வீட்டைக் குறித்த பக்தி வைராக்கியம் என்னைச் சுட்டெரித்தது"* என்று எழுதப்பட்டிருப்பது நினைவுக்கு வந்தது.

19 உங்கள் உடல் பரிசுத்த ஆவியானவரின் ஆலயமாக இருக்கிறதென்றும், நீங்கள் அறியாதிருக்கிறீர்களா? இறைவனிடமிருந்து நீங்கள் பெற்றுக்கொண்ட ஆவியானவர் உங்களில் குடியிருக்கிறாரே. நீங்கள் உங்களுக்குச் சொந்தமானவர்கள் அல்ல.

15 ஏனெனில் நான் வரத்தாமதித்தாலும், இறைவனின் குடும்பத்தில் மக்கள் எப்படி நடந்துகொள்ள வேண்டும் என்று நீ அறிந்துகொள்ளும்படியே இதை எழுதுகிறேன்; இறைவனின் குடும்பமானது ஜீவனுள்ள இறைவனின் திருச்சபையாயிருக்கிறது. அதுவே சத்தியத்தைத் தாங்கும் தூணும், அஸ்திபாரமுமாயிருக்கிறது.

6 ஆனால் கிறிஸ்துவோ, இறைவனுடைய வீட்டில் உண்மையுள்ள மகனாய் இருக்கிறார். அப்படியிருக்கும்படியே, நாம் நமது மனத்தைரியத்தையும் நாம் பெருமிதங்கொள்ளும் எதிர்பார்ப்பையும் உறுதியாய்ப் பற்றிக்கொண்டால், நாமே இறைவனுடைய வீடாயிருப்போம்.

44 "நமது முற்பிதாக்கள் பாலைவனத்தில், தங்களுடன் சாட்சியின் கூடாரத்தை வைத்திருந்தார்கள். இது மோசேக்கு இறைவன் அறிவுறுத்திய விதமாக, அவன் கண்ட மாதிரியின்படி செய்யப்பட்டிருந்தது. 45 நமது தந்தையர் அந்தக் கூடாரத்தைப் பெற்றுக்கொண்டு, யோசுவாவின் தலைமையின்கீழ் யூதரல்லாதவர்களின் நாட்டைக் கைப்பற்றியபோது, அந்தக் கூடாரத்தைத் தங்களுடன் கொண்டுவந்தார்கள். அந்த மக்களை அவர்களுக்கு முன்பாக இறைவனே துரத்தினார். அந்தக் கூடாரம் நமது நாட்டில் தாவீதின் காலம்வரைக்கும் இருந்தது. 46 தாவீது இறைவனின் தயவைப் பெற்றவனாய், தான் யாக்கோபின் இறைவனுக்கு ஒரு உறைவிடத்தை அமைக்கலாமோ என்று கேட்டான். 47 ஆனால், சாலொமோனே இறைவனுக்கென ஒரு வீட்டைக் கட்டினான்.

48 "எப்படியும் மகா உன்னதமானவர் மனிதரால் கட்டப்பட்ட ஆலயங்களில் வாழ்பவர் அல்ல. இறைவாக்கினர் சொல்வதுபோல்:

49 " ‘வானம் எனது அரியணை,

பூமி எனது பாதபீடம்.

நீங்கள் எனக்கு எப்படிப்பட்ட வீட்டைக் கட்டுவீர்கள்?

நான் இளைப்பாறும் இடம் எங்கே இருக்கும்?

50 இவற்றையெல்லாம் என் கரம் படைக்கவில்லையா?’*

என்று கர்த்தர் கேட்கிறார்.

நியாயத்தீர்ப்பும் நம்பிக்கையும்

1 யெகோவா சொல்வது இதுவே:

"வானம் எனது அரியணை,

பூமி எனது பாதபீடம்.

நீங்கள் எனக்காகக் கட்டும் ஆலயம் எங்கே?

நான் இளைப்பாறும் இடம் எங்கே?

2 இவைகளையெல்லாம் என் கரம் படைத்ததினால்,

இவைகளெல்லாம் உருவாயின"

என்று யெகோவா அறிவிக்கிறார்.

"ஒருவன் தாழ்மையும் நொறுங்கிய உள்ளமும் கொண்டவராய்,

என் வார்த்தைகளுக்கு நடுங்குகிறவரையே

நான் கண்ணோக்கிப் பார்ப்பேன்.

16 யாக்கோபு நித்திரையை விட்டெழுந்தபோது, "யெகோவா நிச்சயமாய் இந்த இடத்தில் இருக்கிறார்; இதை நான் அறியாதிருந்தேனே" என்று நினைத்தான். 17 அவன் பயந்து, "இந்த இடம் எவ்வளவு பிரமிப்புக்குரியது! இது இறைவனுடைய வீடேயன்றி வேறல்ல; இது பரலோகத்தின் வாசல்" என்றான்.