Casa de Deus
A casa de Deus é lugar de adoração, refúgio e encontro com o Sagrado. A Bíblia exalta o tabernáculo, o templo e a igreja como morada do Altíssimo entre seu povo.
A presença de Deus
Quão amáveis são os teus tabernáculos! Uma coisa pedi ao Senhor: habitar na casa do Senhor todos os dias da minha vida.
Buítimati lerederúniwa aban weyu lidan bibürürün
sügǘ lau milu bóugudi luéi!
Himei nágili nawadigimaridun tubenari luban Nubungiute
sügǘ lau naganóun hábiñe wuribatiña.
Ábanrügüñein katei namuriahan luma Nabureme,
ábanrügüñein katei nabusenrun:
Lun tidan nan luban Nabureme lidan sun nibagari
lun náhuduragun lun lúbiñe,
aríaguaneime lanarime lubuidure.
Fuleseiwatiña gürigia ha banúadirubaña
aba banügüniña aganóua bubadu,
tidan burí rumu to búbiñeboun.
Buíngüdabawa lau burí lubuidun-agei katei le búbiñebei,
lau burí abiniruni le tídanbei buban to sánduboun!
Wéiriti nugundan dan le hariñagun nun:
«Keima lúbiñe Aburemei!»
Falá lumutina bareini luma bínsiñehabu
lidan sun nabagaridun,
ani naganóuba tidan buban Nabureme lun súnwandan.
Ánheinti au, ítara niña kei oliwu wurigili
tidan luban Bungiu.
Nemenigiduba luagu líñsiñehabu súnwandan!
Lagumuchaguagüdüñadina nemeidin tau buban;
nuagun lábürüha hanabahan ha anabubalibu;
O templo
Minha casa será chamada casa de oração. O zelo da tua casa me consumiu. O verdadeiro templo é o corpo do cristão.
Lárigiñe, aba lebelurun Hesusu litenpulunrúgun Bungiu, aba labugaguniña sun alugurahatiña hama agañeihatiña ha ñéinbaña. Aba lagarabaaguni dábula burí le hadabulan ha asansihabaña seinsu ñein, luma hala ha alugurahabaña unhun. Aba lariñagun houn:
—Lariñahare Bungiu tidan Lererun: "Lúbaana afurieiduni ligíaba tiri nuban"; anhein huguya, barǘ humaaru kei haban híwerutiña.
Ábati lidin Hesusu uburugu Herusalén ladüga yarafaali lan hafedun huríu le Luéyuri Esefuruni. Ñein ladariraña ha alugurahabaña bágasu, mudún, unhun, hama burí ha ñúnbaña lidan habara le ñein lubéi hasansiha seinsu houn gürigia. Dan le larihinbalin Hesusu katei le, aba ladügün aban abeigülei lau gúrudu, aba labugaguniña sun hagía lídangiñe tibürürün ténpulu hau sun halügüniña mudún hama bágasu, chagalei haseinsun ha asansihabaña seinsu, garabagualéi hadabulan. Aba lariñagun houn ha alugurahabaña unhun:
—Sagá huméi sun katei le yáagiñe! Manüga humóun luban Núguchi lun mágidume!
Ábati haritagun lani disipulugu luagu lariñawagún tidan líburu to Lererun Bungiu: «Lagumuchaguagüdüñadina nemeidin tau buban».
Ibidiñeti funagia hun luagu luban lan Sífiri Sandu wágubu, le líchugubei Bungiu woun lun laganóun wadan? Mama wagía laburiñabei wágubu; Bungiu laburemebei.
gama lumoun ánhana adarasaragua, nabürühaña bun lun basubudiruni ida luba lan lóuserun gürigia hadan lirahüñü Bungiu, to liligilisinboun Bungiu le wínwanbei lun sun dan. Liligilisin Bungiu to ágüdahabalin linarün, tóunigitei inarüni ligía buidu.
Ánheinti Kristu, úaraguati keisi isaani gamanihariti tau luban Bungiu, ani wagiaméme muna tuguya, ánhawa afiñera darí lumoun wounwen, gúndaañu lidan emenigini le wawagubei.
«Lidan fulasu mageirawati, ñeinñoun meha kianpu lánina daradu hama wagüchagu, to ladügüboun Moisesi keisi larufuduni Bungiu lun lun ladügünu. Resibi hamutu wagüchagu kianpu tuguya keisi alagan, aba hanügünu hámagua lidoun fulasu le ñein lubéi waganawa guentó, dan meha le lagañeirunbalin Hosué wuribu hawagu gürigia ha lasagarubaña Bungiu hañúarürugugiñe. Ítara liña, ñeinñoun lan meha darí lidaani Dawidi. Dariti urúei Dawidi fulesei ligibugiñe Bungiu, aba labusenrun yebe ladügün aban ténpulu lun laganóun Lubungiute Hakobu ñein; gama lumoun Salomón adügübarun ténpulu tuguya, lau sun, maganóun lan Bungiu le wéirigutimabei tidan burí ténpulu to hadüga gürigia; kei meha lariñaguni profeta:
"Sielu lálanabei narúeihan,
ubóu lébubei nugudi.
Kaba tuwuyeri muna hadüga nun? —liña lariñagun Bungiu—.
Katei fulasu le ñein lubéi gayara lan nemeraagun?
Ma funagia nadüga sun katei le lau núhabu?" »
Lariñahare Aburemei:
«Sielu lálanabei narúeihan,
ubóu lébubei nugudi.
Halíaba gayara lan hábunagun aban muna nun?
Halíaba gayara lan hadügün aban ubaraü nun lun nemeraagun?
Au guánarügü adügübalin sun burí katei le,
ítara liña ladügǘn súngubei!
Au, le Aburemei ariñagubalin.
Luagun gürigia le gudemeti ani nidiheri ligía nariha,
le inebehabubei lun nererun.
Dan le lagagudunbei Hakobu lídangiñe luénedü, aba lasaminarun: «Inarüni anihein Bungiu lidan fulasu le, ani au ibidiñeti yebe nun». Aba lanufudedagun, aba lasaminarun: «Sagüráuti fulasu le. Anuhán luban Bungiu ya, ligía lubenaribei sielu!»