Corpo é o templo de Deus
O corpo do cristão é templo de Deus. Ele habita em nós pelo Espírito Santo, fazendo do crente morada viva e sagrada do Altíssimo.
Templo do Deus vivo
Vós sois o templo do Deus vivo. Deus disse: habitarei neles e entre eles andarei. O criador mora em sua criação redimida.
Ibidiñeti san hun luagu litenpulun lan Bungiu huguya, ani aganawa lan Sífiri Sandu hidan? Anhoun lagünrinchagua aban gürigia litenpulun Bungiu, lagünrinchagubei giñe Bungiu gürigia ligia; lugundun sándutu litenpulun Bungiu, ani huguya guánarügü ténpulu tuguya.
Ibidiñeti funagia hun luagu luban lan Sífiri Sandu wágubu, le líchugubei Bungiu woun lun laganóun wadan? Mama wagía laburiñabei wágubu; Bungiu laburemebei. Agañeiha lumutiwa Bungiu seru lun lánigu wamá. Ligía lunti lubéi wíchugun uéiriguni lun Bungiu lau wágubu.
Kagia idan túaradagua litenpulun Bungiu hama guáriua? Ani litenpulun Bungiu le wínwanbei wagía, kei lariñagun Bungiu guánarügü:
Naganóuba haganagua, éibuga aume haganagua;
auba Habungiute, hagíame numutuniña.
Ligía mámaadün lubéi terencha; lílanaadün larúeihan kei sun ha lánigubaña. Tílanaadün luban Bungiu. Sun huguya, ítara hiña kei aban muna, ani ligibuaguñadün ebu le híchugubei apostolugu hama profetagu. Ani Hesukrístu guánarügü dübü tímatimaatibei tidan muna tuguya. Lidan Kristu tiñurawagúa muna tuguya lidan kada tumegegu, darí lun tiabin lun ábanboun lan ténpulu sándutu lidan Wabureme. Lídangiñe hiñurawagua kei aban muna, úara hama ha híbiri, lun lúbanbadün lan Bungiu lau lani Sífiri.
Sun muna adügarügü lumutu somu gürigia; gama lumoun Bungiu adügübalin sun katei le aniheinbei. Ítara liñati, úaraguati meha Moisesi lidan leseriwidun lúbiñe Bungiu keisi aban eseriwiduti; ani leseriwiduña meha keisi gefenti luagu katei le lariñagubei Bungiu. Ánheinti Kristu, úaraguati keisi isaani gamanihariti tau luban Bungiu, ani wagiaméme muna tuguya, ánhawa afiñera darí lumoun wounwen, gúndaañu lidan emenigini le wawagubei.
Ítara liñati, úaraguati meha Moisesi lidan leseriwidun lúbiñe Bungiu keisi aban eseriwiduti; ani leseriwiduña meha keisi gefenti luagu katei le lariñagubei Bungiu. Ánheinti Kristu, úaraguati keisi isaani gamanihariti tau luban Bungiu, ani wagiaméme muna tuguya, ánhawa afiñera darí lumoun wounwen, gúndaañu lidan emenigini le wawagubei.
Cristo em nós
Já não sou eu quem vive, mas Cristo vive em mim. A presença de Deus no crente é privilégio e responsabilidade sagrada.
Mámaadina lubeiti aumeme abagarida; Krístuhali abagarida nidan. Ibagari le nabagaridubei lidan núgubu, nabagariduñein lau sun nafiñen luagu Liráü Bungiu le hínsiñehabubei nun, aba lederegeragun lungua lun lounwen nuagu.
Lariñaga Hesusu lun:
—Ha hínsiñehabutiña nun, adügatiña gasu lau le nubeibei; ani hínsiñeduba lun Núguchi, ábame wayabin, au luma Núguchi, aganawa hama.
Lunti wayarafadun lun Bungiu
Ligía lubeiti niduheñu, lau lounwen Kristu luagu gurúa, gayaraahali webelurun lidoun Fulasu le Sándutimabei, tuéigiñe belu tomeme lúgubu Kristu. Darati aban iseri üma woun lumoun Bungiu, aban üma le anügübaliwa lidoun ibagari magumuchaditi. Hesusu wafadiriñebei íñutimati tidan Luban Bungiu, ligía lunti lubéi wayarafadun lun Bungiu lau taruman wanigi, luma lau sun wafiñen deregüdagu luagu. Harumagüda laaru wanigi lun masandiragun wamá woungua lau duru luagu figóu lárigiñe lachibuniwa lau duna harumati.
Ha lánigubaña Bungiu
Ánheinti huguya le afiñebei luagu Kristu, aban rasa anuadahóuatiña huguya, fádirigu ha eseriwidutiña lun urúei le Bungiu, néchani ha deregeguaaña houngua lun Bungiu, lumutuniña Bungiu. Anuadirúaadün lun hadimurehan luagu burí katei buiti le ladügübei Bungiu, le agúarubei hun lídangiñe luburiga lun lidoun lueirin larugounga le líchugubei.