10 Verumtamen prope timentes eum salutare ipsius,

ut inhabitet gloria in terra nostra.

4 Da illis secundum opera eorum,

et secundum nequitiam adinventionum ipsorum.

Secundum opera manuum eorum tribue illis ;

redde retributionem eorum ipsis.

4 Omnis terra adoret te, et psallat tibi ;

psalmum dicat nomini tuo.

1 Canticum graduum.

Ad te levavi oculos meos,

qui habitas in cælis.

6 Hæc est generatio quærentium eum,

quærentium faciem Dei Jacob.

12 Et intravit Jesus in templum Dei, et ejiciebat omnes vendentes et ementes in templo, et mensas numulariorum, et cathedras vendentium columbas evertit : 13 et dicit eis : Scriptum est : Domus mea domus orationis vocabitur : vos autem fecistis illam speluncam latronum.

13 Et prope erat Pascha Judæorum, et ascendit Jesus Jerosolymam : 14 et invenit in templo vendentes boves, et oves, et columbas, et numularios sedentes. 15 Et cum fecisset quasi flagellum de funiculis, omnes ejecit de templo, oves quoque, et boves, et numulariorum effudit æs, et mensas subvertit. 16 Et his qui columbas vendebant, dixit : Auferte ista hinc, et nolite facere domum patris mei, domum negotiationis. 17 Recordati sunt vero discipuli ejus quia scriptum est : Zelus domus tuæ comedit me.

19 An nescitis quoniam membra vestra, templum sunt Spiritus Sancti, qui in vobis est, quem habetis a Deo, et non estis vestri ?

15 si autem tardavero, ut scias quomodo oporteat te in domo Dei conversari, quæ est ecclesia Dei vivi, columna et firmamentum veritatis.

6 Christus vero tamquam filius in domo sua : quæ domus sumus nos, si fiduciam, et gloriam spei usque ad finem, firmam retineamus.

44 Tabernaculum testimonii fuit cum patribus nostris in deserto, sicut disposuit illis Deus loquens ad Moysen, ut faceret illud secundum formam quam viderat. 45 Quod et induxerunt, suscipientes patres nostri cum Jesu in possessionem gentium quas expulit Deus a facie patrum nostrorum, usque in diebus David, 46 qui invenit gratiam ante Deum, et petiit ut inveniret tabernaculum Deo Jacob. 47 Salomon autem ædificavit illi domum. 48 Sed non Excelsus in manufactis habitat, sicut propheta dicit :

49 Cælum mihi sedes est :

terra autem scabellum pedum meorum.

Quam domum ædificabitis mihi ? dicit Dominus :

aut quis locus requietionis meæ est ?

50 Nonne manus mea fecit hæc omnia ?

1 Hæc dicit Dominus : Cælum sedes mea,

terra autem scabellum pedum meorum.

Quæ est ista domus quam ædificabitis mihi ?

et quis est iste locus quietis meæ ?

2 Omnia hæc manus mea fecit,

et facta sunt universa ista,

dicit Dominus ;

ad quem autem respiciam, nisi ad pauperculum,

et contritum spiritu, et trementem sermones meos ?

16 Cumque evigilasset Jacob de somno, ait : Vere Dominus est in loco isto, et ego nesciebam. 17 Pavensque, Quam terribilis est, inquit, locus iste ! non est hic aliud nisi domus Dei, et porta cæli.