Casa de Deus
A casa de Deus é lugar de adoração, refúgio e encontro com o Sagrado. A Bíblia exalta o tabernáculo, o templo e a igreja como morada do Altíssimo entre seu povo.
A presença de Deus
Quão amáveis são os teus tabernáculos! Uma coisa pedi ao Senhor: habitar na casa do Senhor todos os dias da minha vida.
O templo
Minha casa será chamada casa de oração. O zelo da tua casa me consumiu. O verdadeiro templo é o corpo do cristão.
Yesus Betemeqdesiissi Nagadesefe Baassotin Kalle Kisi
Esseen orfo Yesus dey betemeqdesiissi girire kisire waagsefe baassotinnawa geron waagsefe baassotinna zuutire kalle kisi. Waaga soolefe baasso tarabbezasonnawa nakalo waagsefe baasso kodaasonna shelgire ha’i. « ‹Ta keyaas shiiphoni keya yisteratu teegtona› yistera tichchewa. Sinuntano nitto bo’inynyani meeni dugadug zagsetiwa» yi.
Yesus Betemeqdesiissi Nagadefe Baassotin Kisi
Ayhudni meeni faasikani heeboos tai’sera faar. Yesus Yerusalem kesi. Betemeqdesi yaboosta miyaason, fantuuson, nakalooson waagsefe baassotin dani. Dey oom waaga soolefe baasso diisefa waaga soolesefen bi. Gaaduni alangga ma’ire fantuusonnawa miyaasonna zuutire betemeqdesiisi yabotan kalle kisi. Sooltefa waagbesiison dey sikere tarabbezaason shelgire ha’i. Nakalo waagsefe baassotin: «Han baron hantan ephpha kesti! Abataasa keyanon nagadni keya zagutiita!» yi. Nawoni meya dey: «Keeneesik fa ta seektoos taan mawa» yistera tichchenamato gasasisete.
Nitto atuus Ha’ooskin ephpha taati barewa nittoossi fa Korto Ayyanaasi betemeqdesi sinnamato aritirtanoso? Ese nitto Ha’oosirteno nitto nittortewa.
Es baron dey tichunaas ta wokfanaknu asuni meya Ha’oosi keer aakkak foosonemato arutakwa. Keyaas dey hayewa Ha’oosi betekiristaniwa. Bar dey futoni yeetonewa kaputnewa.
Sinuntano Kiristoos Ha’oosi keeruk amanamto sinnaas Naanimato sinnewa. Es keyaas dey innowa. Bari keya sinaniis amanefeni wuzaasewa teetefeni abdiise asin mai’sira ephfaninewa.
«Inno abani meya ichma daassi zaalni durkanibesi faarwa. Es durkaniison Ha’oos barik makenaasimatonawa besinaasimatona wostees Musewa. Ha’oos baasso sinaastan kalla eelsina aazabni meeni daason ephefe kabaasik Iyyasuneen ane durkaniison ephphe girsete. Dawitni neyaas kar’ananneen esta di. Dawit Ha’oosi sina ulfina danne Yaqobni Ha’oos ha’una keya keer’anak shiiphe. Sinuntano Ha’oosik es keyaason keer’aas Solomonwa. Sinuntano zuuttambaase asiistan denalo sina Ha’oos asuni kushuk keete keesi aane diifa. Es bar dey raajjuniki kamo:
« ‹Samaas ta zigimuwa;
han daas dey wochonaas yer’ana dimawa;
eekin awune fa keyanso taak keer’atiri?
beysa ephana keyaas dey awune faarinso?› »
yife Daamiis.
«Han baron zuutira wostees;
ta kushustanoso?» yifawa Ha’oos.