Casal
O casal cristão é parceria abençoada por Deus. Juntos são mais fortes. O amor mutual, a paciência e a submissão ao Senhor são os pilares do casamento que honra a Deus.
Unidos em Cristo
Eu e minha casa serviremos ao Senhor. O vínculo perfeito é o amor que tudo suporta e tudo espera.
Hagi Ra Anumzamofo mono’ma hunenteta eri’zama erinte’zanku’ma tamavesrama hanigeta menina iza monora huntegahazafi huama hiho. Tamafahe’zama Yufretisi timofo kantu kaziga Mesapotomia mopare mono hunte’naza havi anumzante monora huntegahazafi, Amori vahe’ma mopazamifima emani’naza vahe’mokizmi havi anumzantaminte monora huntegahazo? Hianagi nagrane a’mofavre ni’anena, Ra Anumzamofo tagra monora hunenteta eri’zana erintegahune.
Vahe’ma avesinte’zana, agazone huno mani’zane, avesinte’zane so’e avu’ava hu’zane, avesinte’zana kenunu hu’za omneno, ra agi eri’zana omne’ne, avesinte’zana avufga ra hu avu’ava hu’zana omne’ne, veganokno’zana omne’ne, agraguke antahi’zana omne’ne, agra ame’ama huno asi ovazi’zane, rumo haviza hunte’nea zanku nontahino agekanino mani’zane. Vahe’ma avesinte’zamo’a havi avu’ava’zankura musena nosie. Hagi tamagezanku musena nehie. Avesinte’zamo’a, agazone huno mani’neno maka knazana e’nerino, amentinti nehuno, maka’za fore hugahie huno nentahino, maka knazana erino vu’za me’ne.
Avesimantezamo ana miko avu’avara agaterenegu, rumokizmi zamavesizamanteho. Avesi’ante avu’vazamo ana miko knare avu’ava zana azeri manumanu hu’ne. Kraisi rimpa fruzana atrenkeno tamagu’afina kegava hurmanteno, na’ankure tamarimpa fru huta manisazegu kehigetma mago avufga mani’nazanki, miko zupa Anumzamofona susu hunteho.
Hagi atrenkeno Kraisi nanekemo’a tamagu’afina mevitenena, miko knare antahintahireti rempi hunezamita zamazeri fatgo nehutma, Anumzamofo avontafepi zagamera nehutma, krente zagamera nehutma, mono zagamera hutma Anumzamofona tamagu’areti susu huntegahaze. Kegagama hanafino, eri’zama erisafinena, Rantimofo Jisasi agifi maka’zana hiho. Jisasimpi Anumza Nafatimofona susu huntegahune.
Avesimantezamo ana miko avu’avara agaterenegu, rumokizmi zamavesizamanteho. Avesi’ante avu’vazamo ana miko knare avu’ava zana azeri manumanu hu’ne.
Mago’mo’e huno havizama huntesimofona, nona’a havizana huonteno. Hianagi maka kna knare avu’avaza ohunte ahunte nehutma, maka vahetera anahukna tamavutmava huzmanteho.
Hanige’ne, mago’ane tare vahe omanigaha’e. Hagi magoke znavufa manigaha’e. E’ina hu’negu na’ano Anumzamo’ma eri hagerfima ante’nesia zana, mago ne’mo’a ovakanegahie.
E’ina hu’negu nazano Anumzamo’ma eri hagerafi neniazana, atregeno mago vahe’mo’a eri ovasaneno.
O projeto divino
Não é bom que o homem esteja só. Dois são melhores do que um — e o cordão de três dobras não se rompe facilmente.
Anumzamo a' trohu’nea naneke
Hagi anante Ra Anumzamo’a anage hu’ne, Vemo’ma agrake maniazamo’a knare osianki’na, azahu vahera tro hanugeno knare hu’ne tragote’ne manigaha’e.
E’i ana agafare vemo’a nererane, nefanena atreno, a’ane hagerafino eri mago huke nemani’e.
E’i ana agafare vemo’a nererane, nefanena atreno, a’ane hagerafino eri mago huke nemani’e. Zanagra arave huke kena omasi zanavufga zanavapa manina’anagi, zanagazea osu’ne.
Hagi Anumzamo’a amanage huno hu’ne, Vahe tro hamnena tagrikna hu’za manine’za, maka’za kva nehu’za nozameramine, hare’za vano nehaza namaramine, kumate zagagafane, mopafima kazama hu’za vanoma nehaza zagarami kegava hugahaze.
Hagi Anumzamo’ma vahe’ma tro hu’neana, Agra’agna tro hu’ne. Vene a’ene tro huzanante’ne.
Anumzamo’a asomu ke huneznanteno amanage huno zanasmi’ne, Mofavre kase hakare hanakeno, mopafina mani vitesaze. Ana nehuta mikoza kegava hi’o. Timpi nozame zagane, hareno vano nehia nama zagane, hakare’a mopafi kaza huno vano nehia zagaramine ana makaza kegava hi’o.
Kagrane, kagehe’zane, vahera kase hakare huta miko’a mopafina mani viteho.
Tare vahe’mokema eri’zama eri’zamo magoke vahe’mo’ma eri’zama eri’zana agatere’ne. Na’ankure taremokea oza aza huke eri’zana erigaha’ankino, knare hugaha’e.
Anumzamo’a tanagrira vene a’enena trohu tanantegeta, arave huta magoke tanavufga huta mani’na’e. Amega tanavufgare’ene avamupine tanagra Agri su’a mani’na’e. Hagi Agra naza tanagripintira eri’za nehie? Tanagripinti’ma fore’ma hanaza mofavreramimo’ma Agri’ma koroma hunte’za agoraga’ama mani zanku ave’nesie. E’igu kagu’a kegava hunenka nehazavema mani’nenka eri’nana aka’are mani fatgo huo.
Amor conjugal
Maridos, amai vossas mulheres. A mulher virtuosa é achada de Deus. Cresçam juntos em graça e verdade.
Vene’nemotma, a’ne tmia tamagu’areti zmavesi zamanteho, Kraisi’ma mono kevu’agu agu’areti avesi zamanteno zamahoke heno ana a’ku (sios) fri’nea kna hiho.
Hagi anazanke hu’za vene’nemo’za a’ne zamia, zamagra zamufagu zamavema nesia kna hu’za zmavesi zamanteho. Aza’o nenaronku avesima nentemo’a, agra’agu avesinente. Na’ankure maka vahe’mo’za zamagra zamufagura zamagora note, hianagi zamagra zamufagu avesinte’za ne’za nemi’za, kegava hazankna huno Kraisi’a mono' kevu’are kegava nehie.
E’i ana agafare Vemo’a nefane, nererane znatreno, nenaro’ene eri hagerafige’ne, tarega’mokea magoke znavufaza hugaha’e. (Anumzamofo avon tafepi amanage huno krente’ne, Jen-Agf 2:24.)
Rimpa hevava hu’zane, maka rimpa haviza huno ha' hu’zane, rimpa he’zane, rankege hu’zane, vahe zamefi’a ke hu’zana netretma, maka vahe’ma knazama zami’zana atreho. Agazone hutma vaheku tamasuntgi nezmantetma, Kraisimpi kumitia Anumzamo eri atre’rante’neankna hutma, kumi’zmia atre’zmanteho.
E’ina hu’negu magoke magoke’motma havige osutma tamage hiho. Mago avufagna hutma mono kevu mani’nonanki, tva’ontamire ru vahe’ma mani’nesiana havigea huonteho. Tamarimpa hegahianagi, ana zampina kumira osiho, tamarimpa hesuta zaza kna omanita ko eri so’e hutenkeno zage’a ufreno. Hankromofona (Satana) mago kankmuna tamagra omiho. Musufa ne’ma mani nesuno’a musufa oseno. Hianagi agra azampinti eri’za erino knare’zana erifore nehuno, zamagrazmi zamaza huga osu’nesaza nagara zamaza hugahie. Hanki tamagipintira vahe’mokizmia havi nanekene urinke’nena ozmasmitma, zamaza nehutma, hanaveti’za manisaza nanekege nehnageno, antahisamokizmi’a zamaza hugahie. Anumzamofo Avamura mani’zantmifina rimpagna eriomiho. Tmagesa antahiho, Avamu’mo agra azanko avoma’a kreno tamagra nagri nagare hu’neankino, esnia knarera tamaza huno tamavregahie. Rimpa hevava hu’zane, maka rimpa haviza huno ha' hu’zane, rimpa he’zane, rankege hu’zane, vahe zamefi’a ke hu’zana netretma, maka vahe’ma knazama zami’zana atreho. Agazone hutma vaheku tamasuntgi nezmantetma, Kraisimpi kumitia Anumzamo eri atre’rante’neankna hutma, kumi’zmia atre’zmanteho.
Iza’o a’ma hakreno erinesimo’a, knare’za hakreno eri’neankino, Ra Anumzamo’a avesinente.
Inankna zama hanaza zantera ra tamagesa ontahita, tamagragukera ontahiho. Hagi tamavufa anteramita, rumofona antahi nemita husga huzmanteho. Tamagra zankera kegava osiho, hagi ru vahe zanena kegava hiho.
Na’ankure tamagra maka’mota Jisas Kraisinte’ma tamentintima nehuta, Anumzamofo mofavre mani’naze. Na’ankure tamagra maka’mota Jisas Kraisinte mono tina nefreta, Kraisina kukena hiaza nehaze. Hanki Jiu vahero Griki vahera omanita, kazokzo vahe’ene amne vahera omanita, veo aro omani’naze. Na’ankure tamagra maka’mota Krais Jisasimpina magoke mani’naze.
Aravema huno a’ane ve’anema manifatgoma huno mani’zana, raza amunontamifina meno. Hagi aravema osu' vahe’mo’ma monkozama hanimofone, koma aravema hu’nesimoma atreno, ru vene a’ene monko avu’ava’zama hanimofona, Anumzamo keaga huzmantegahie.
Kefozane tragoteta omanisuna naneke
Anumzamofonte zamentinti nosnaza vahe’enena tagroteta omaniho. Inankna huno fatgo avu’avazane, kasegema ovariri avu’avamokea erimago hugaha’e? Masazane hanizanena inankna hune erimagora hugaha’e?
Ana hianagi, Anumzamofompina a’mo’a, agra’akera oraoti’neanki, vemofo hanavefi manigeno, vemo’a agrakera oraoti’neanki a’mofo hanavefi oti’ne.