Casal
O casal cristão é parceria abençoada por Deus. Juntos são mais fortes. O amor mutual, a paciência e a submissão ao Senhor são os pilares do casamento que honra a Deus.
Unidos em Cristo
Eu e minha casa serviremos ao Senhor. O vínculo perfeito é o amor que tudo suporta e tudo espera.
One hamulonda kumsang’hanila Mndewa Mulungu, saguleni diyelo kuwa yelihi yondamumsang’hanile, milungu ija iwaisang’hanile wasaho zenu kuumwambu wa lwanda lwa Efulate hebu milungu ya Waamoli yomukala muna iisi yawo. Mbali niye na wanhu wa muna ikaye yangu chizamsang’hanila Mndewa Mulungu."
Munhu yeli na ulondo kofunya umoyo na kotaza, kabule migongo hebu matopa na haigoda. Munhu yeli na ulondo hapuwa hishima na hazahila faida yake mwenyewo na hakawa kupata ludoko na hapeta yehile. Munhu yeli na ulondo hadeng’helela yehile, mbali kodeng’helela yanogile. Munhu yeli na ulondo wokwehula yose, kololela yose, kohuwila yose, na kofunya umoyo siku zose.
Yamwenga ya kongeza, muwe na ulondo kwaviya ulondo wolumbiliza chila chinhu muna ukuilumba chigangamavu. Tindiwalo da Chilisito dilangulize muna imizoyo yenu. Mulungu kawatanga yaweng’he ijo tindiwalo kwa kuwa kumwenu muna ulukuli lumwe, iviya muwe wanhu wa kulava hewela. Mbuli ya Chilisito naikale ng’hani mgati mmwenu kwa mvunyo. Ifundizeni na kuizuma kwa ubala wose, imbeni zabuli, na nyila, na nyila za kuntunhiza Mulungu. Mwimbileni Mulungu mwiimizoyo yenu kwa kulava hewela. Na chinhu chochose chomutenda hebu kulonga, tendeni kwa zina da Mndewa Yesu na kumwing’ha hewela Mulungu Tata kwa nzila yake.
Yamwenga ya kongeza, muwe na ulondo kwaviya ulondo wolumbiliza chila chinhu muna ukuilumba chigangamavu.
Loleni munhu wowose sekeyamulihilizile imwenga yehile kwa yehile, ila muilungile kutenda yanogile siku zose na kuitendela yanogile mweye kwa mweye na kuwatendela yanogile wanhu wose weli na mweye.
Ivo siyo waidi kaidi, mbali lukuli lumwe. Ivochiya choyachilumbilize Mulungu, munhu sekeyachigole."
Ivo chiya chayalumbilize Mulungu, munhu sekeyachigole."
O projeto divino
Não é bom que o homem esteja só. Dois são melhores do que um — e o cordão de três dobras não se rompe facilmente.
Maabaho Mndewa Mulungu kalonga, "Havinogile bule munhu kukala yaidumwe. Nizamuusila mtazi yomfaya."
Lekamana mulume kowaleka tati yake na mami yake na koilumba na muke wake, nawo wokuwa lukuli lumwe.
Lekamana mulume kowaleka tati yake na mami yake na koilumba na muke wake, nawo wokuwa lukuli lumwe. Mulume na muke wose waidi wakala ukengele, mbali hawawonile chinyala bule.
Maabaho Mulungu kalonga, "Lelo chimulumbe munhu yalingile fana cheye. Yatawale somba wa mwiibahali na ndege woguluka na wanyama wofugigwa na isi yose na wang’onyo wose wotambala." Ivo Mulungu kalumba munhu, yalingile fana yeye mwenyewo. Kawalumba mulume na muke. Kawatemela mate na kalonga, "Yelekeni wana wengi, welesi wenu ukale na kuimemeza isi yose na kuitawala. Muwatawale somba weli mwiibahali, ndege woguluka na chila chiumbe chili na ugima chochigenda mwiisi."
Yelekeni na kwenela isi yose."
Muhavu kuwa waidi kufosa munhu yaidumwe, kwaviya wanhu waidi wezagwekigwa kwa sang’hano yawo.
Vino Mulungu hamtendileni mweye waidi muwe lukuli lumwe na muhe umwe? Vino kailunga choni viyatendile ivo? Kailunga cheleke wana wondawamtambikile yeye. Ivo chila mulume yawe mwaminika kwa muke wake iyamsolile yang’hali mbwanga.
Amor conjugal
Maridos, amai vossas mulheres. A mulher virtuosa é achada de Deus. Cresçam juntos em graça e verdade.
Mweye walume, wanogeleni wake zenu fana viya Chilisito viyawalondile wahuwila wose na kalava ugima wake kwa ichimu chawo.
Ivo walume wolondeka kuwanogela wake zawo fana ng’huli zawo wenyewo. Munhu yomnogela mke wake koinogela mwenyewo. Habule munhu yoyose yolwihila lukuli lwake, mbali kolulisa na kuluyawaza, niivo Chilisito nayo viyawatendele wahuwila wose,
Fana viya Yamaandiko Yelile viyolonga, "Kwa ichimu chino mulume kezamuleka tati yake na mami yake, na kezailumba na mke wake, nawo waidi wezakuwa chinhu chimwe."
Segezeni kumwenu usungu na ludoko na ng’hasiliki na gubu na maligo visegele kumwenu, hamwe na chila wihi. Mbali muwe na moyo unogile na ubazi, chila munhu nayamulekelele miyage fana Mulungu viyamulekeleleni uhasanyi wenu kwa nzila ya Chilisito.
Ivo lekeni uvwizi, chila munhu kolondeka kumulongela muhuwila miyage ukweli, kwaviya cheye wose ni lukuli lwa Chilisito. One muhawa na ludoko, sekemuleke ludoko lwenu lumtendeni mutende uhasanyi, na sekemukale na ludoko zuwa jose. Na sekemumwing’he nzila Mwihi. Mbavi sekeyabawe kaidi, mbali yanduse kusang’hana usang’hano unogile kwa makono yake, muladi yapate chinhu chake na cha kuwataza ngayengaye. Ulonzi wihile sekeuhulikike, mulonge mbuli zozifaya kuzenza na kuwataza wamwenga, muladi yomuyalonga yaweng’he unovu wanhu womtegelezani. Na sekemumtende Muhe Yelile wa Mulungu yawe na manyulunyulu, kwaviya Muhe iyo ninyo chilaguso cha Mulungu kumwenu kuwa mweye ni wanhu wa Mulungu, na kuwalagusa kuwa zuwa dokwiza na yeye kezamkombolani. Segezeni kumwenu usungu na ludoko na ng’hasiliki na gubu na maligo visegele kumwenu, hamwe na chila wihi. Mbali muwe na moyo unogile na ubazi, chila munhu nayamulekelele miyage fana Mulungu viyamulekeleleni uhasanyi wenu kwa nzila ya Chilisito.
Munhu yopata muke kopata chinhu chinogile,
nayo kotogoligwa na Mndewa Mulungu.
Sekemutende chinhu chochose kwa moyo wa chimasolo wala kuigoda, mbali muinyenyende mweye kwa mweye, chila munhu yamuwone miyage kofaya kufosa yeye mwenyewo. Chila imwe wenu sekeyazahile malondo yake mhuhala mbali uzahile malondo ya miyago.
Kwa nzila ya uhuwilo mweye wose muwa wana wa Mulungu kwa kuilumba na Chilisito Yesu. Kwaviya mweye mubatizigwa kwa kwiilumba na Chilisito, na lelo mumuyawala Chilisito. Ivo habule kaidi mbasakanyo kwa Wayahudi na Wanhu weli siyo Wayahudi, hagati ya watumwa na wanhu wailegehe, hagati ya mulume na muke. Mweye mose ni chinhu chimwe kwa kuilumba na Chilisito Yesu.
Sola yolondigwa ihishimigwe na wanhu wose, mulume na muke wake sekewayangale na wanhu wamwenga, kwaviya Mulungu kezawatagusa wazinzi na wagoni.
Sekemuilumbe na wanhu hawahuwila
Sekemuilumbe na wanhu hawahuwila, yanogile na yehile hawadaha kuwa mambwiya. Ziza na bung’hulo havidaha kukala hamwe.
Mbali muna ugima wetu kwa kuilumba na Mndewa, mwanamke siyo chinhu bila ya mulume, wala mulume siyo chinhu bila ya muke.