Céu

2 Andre mire Dadeskro kher hin but khera, te oda na uľahas avke, phenďomas tumenge, hoj tumenge džav te pripravinel o than?

1 Oleske, ko ľidžal o bašaviben. Le Davidoskro žalmos.

2 O ňebos vakerel pal le Devleskri slava,

e obloha sikavel pre buči leskre vastengri.

5 bo baro hin tiro verno kamiben dži upral o ňebos

a tiro čačipen dži o chmari.

8 Amari pomoca hin andro nav le RAJESKRO,

savo stvorinďa o ňebos the e phuv.

25 Ko man hin pro ňebos, te na tu?

A pre phuv mange na džal pal ňisoste, ča pal tu!

Sar o Del stvorinďa o svetos

1 Ešebnovarestar o Del stvorinďa o ňebos the e phuv. 2 Pre phuv na sas ňič a na dičholas ňisar avri. O kaľipen zaučharelas e hlbina a o Duchos le Devleskro pes vznašinelas upral o paňa.

6 Oda, ko pro ňebos ačhavel peskro palacis

a zathovel leskre zakladi pre phuv;

oda, ko vičinel o paňa andro moros

a čhivel len avri pre phuv –

leskro nav hin o RAJ!

24 „Či pes šaj vareko garuvel avke, hoj les te na dikhav?"

phenel o RAJ.

„Či me na som všadzik, the pro ňebos the pre phuv?"

phenel o RAJ.

17 Ó RAJA, Devla, dikh, tu stvorinďal o ňebos the e phuv tira bara zoraha the tire nacirdle vasteha! Nane ňič, so tu našťi kerďalas.

20 Ale amaro kher hin andro ňebos a odarik užaras the le Spasiťeľis, le Rajes le Ježiš Kristus.

Pal o barvaľipen andro ňebos

19 „Ma skiden tumenge o barvaľipen pre phuv, kaj len e hardza the o kirme chan a kaj pes dochuden o zbujňika a čoren, 20 ale skiden tumenge o barvaľipen andro ňebos, kaj len na chan aňi e hardza aňi o kirme a kaj pes o zbujňika na dochuden aňi na čoren.

14 No o Ježiš lenge phenďa: „Domuken le čhavorenge te avel ke ma a ma braňinen lenge, bo kajsengro hin o kraľišagos le Devleskro."

21 O Ježiš leske phenďa: „Te kames te avel dokonalo, dža, biken tiro barvaľipen a rozde le čorenge a ela tut o barvaľipen andro ňebos. Paľis av a phir pal ma!"

35 O ňebos the e phuv našľona, ale mire lava šoha na našľona."

2 Gondoľinen pre oda, so hin upre, a na pre oda, so hin pre phuv.

16 Bo sar šunďola o zoralo rozkazis, le archaňjeloskro hangos the le Devleskri truba, korkoro o Raj avela tele andral o ňebos a ola, ko mule andro Kristus, ušťena ešebna. 17 A paľis amen, save avaha mek džide, avaha jekhvareste cirdle upre jekhetane lenca andro chmari, kaj pes arakhaha le Rajeha. A avke avaha le Rajeha pro furt.

2 Mire lačhe phralale, akana sam le Devleskre čhave, ale mek pes na sikaďa, so avaha. Ale džanas, hoj sar pes sikavela, avaha ajse sar ov, bo dikhaha les avke, sar hino. 3 Sako, kas hin kajsi naďej andre leste, pes žužarel avke, sar ov hino žužo.

18 O Raj man the cirdela avri andral savoro nalačhipen a zachraňinela man a lela andre peskro ňeboskro kraľišagos. Leske mi džal e slava pro furt! Amen.

O Ježiš ilo upre andro ňebos

50 Paľis len iľa avri paš e Betanija, hazdňa o vasta a žehňinelas lenge. 51 Androda, sar lenge žehňinelas, geľa lendar sikra dureder a sas ilo upre andro ňebos.

9 Pal kala lava sas angle lengre jakha hazdlo upre andro ňebos a e chmara les iľa pašal lengre jakha.

12 Bo amen pes na maras le manušenca, ale le duchovne zorenca, le uprune rajenca, save ľidžan kada kalo svetos the le nalačhe duchenca andro luftos.

7 Bo ňič peha pro svetos na anďam a ňič peha pal o svetos aňi našťi las, 8 ale te amen hin o chaben the o uraviben, avas oleha spokojna.

9 „Bo ajci sar o ňebos hino učeder la phuvatar,

ajci učeder hine mire droma tumare dromendar

a mire gondoľišagi tumare gondoľišagendar.

Savoreske hin dino peskro časos

1 Savoreske hin dino peskro časos,

o lačho ideos pre savoreste, so pes kerel pre phuv:

15 The kada hin igen nalačho:

Sako džala, avke sar avľa.

So lačho hin ola phara bučatar? Oda hin sar o denašiben pal e balvaj.