Céu
O céu é a morada eterna de Deus e a esperança final do cristão. A Bíblia descreve o céu como lugar de glória, alegria e comunhão perfeita com o Criador.
A morada de Deus
Na casa de meu Pai há muitas moradas. Os céus declaram a glória de Deus — e um dia habitaremos lá eternamente.
Nenfa nompina rama’a hunaraginte nona me’ne, omne’neresina Nagra ko tamasmusine, Nagra, nonkuma tamia ome retro hunaku nevue.
Anumzamofo hanavema erinte ama hu zagame Deviti’ma asunte’nea zagamere
Hagi monamo’a Anumzamofo hankave’a erinte ama nehigeno, monafima me’nea zantamimo’a Agri erizankama’a erinte ama hu’ne. Hagi magoke magoke knamo’a Anumzamofoku hu’ama nehigeno, maka kenagemo’a Agri antahi’zama’a erinte ama nehaze.
Anumzamoka kagri kagia ahentesga hanunkeno monafi marenerisigeno, kagri hihamu masazankamo’a maka ama mopafina vuno eno hanige’za vahe’mo’za antahiza ke’za hanaze.
Ra Anumzama monane mopane tro’ma hu’nea Anumzamo tagrira taza nehie.
Monafina nagri vahera omani’neanki, kagrake’za mani’nane. Hagi mopafina mago zankura navesi ontegahuanki, kagrike’za navesi kantegahue.
Anumzamo maka’za eri fore hu’nea naneke
Ese agafare Anumzamo’a monane mopane trohu’ne. Ama mopama fore osu’nerera, mago zana omnetfa hu’neane. Hankino tusi’a hanimo tina refite’negeno, ana timofo agofetura Anumzamofo Avamumo vono nehiane.
Hagi Ra Anumzamo’a kuma’a monafinka tro hunenteno, noma’amofo trara mopafi tro hunte’ne. Hagi Agra hagerimpinti tina eri vanaheno mareriteno, atregeno ama mopafina kora nerie. Hagi Agri agia Ra Anumzane.
Hagi Ra Anumzamo’a huno, tamagrama antahi’zana mago vahemo’ma fra’ma ki’nesaniana Nagrikura onkegahie huta nehazo? Ra Anumzamo’a huno, monafine mopafinema Nagrama mani avi’mate’noana tamagra ontahi’nazafi?
Ra Anumzamoka kagra tusi’a hihamu hankave ka’areti kazana rusutenka monane mopanena tro hu’nane. Ana hu’neankino kagritera mago zamo’a amuhoa osu’ne.
Cidadania celestial
A nossa cidadania está nos céus. Ajuntai tesouros no céu, não na terra. O céu é a pátria do cristão.
Tagri kumara monare me’negeta, Tazahu ne’ma eramisigu negeta tagesa are’are nehuta, Ranti Jisas Kraisi’ma esigu avega ante’none.
Mevava fenoza eritru hanaza naneke
Ama mopafina knare’nare fenona eritru osiho, havi kafamo’ene, krogroheno erihaviza nehanigeno, kumza vahe’mo’za nona anafe hu’za kumza nesaze. Hianagi monafinka fenona havi kafamo’ene, krogro ohegeno, kumza vahe’mo’za nona tagana vaziza kumza ose fenotamina, tamagra eritru hiho.
Hianagi Jisasi’a huno, Zamahe onatita zamatrenke’za ne’onse mofavre zaga Nagrite eho, mona kumara e’ina hu vahe’mokizmi kumare,
Higeno Jisasi’a agrikura anage hu’ne, Kagrama fatgo hugahuema hanunka, vunka zagore afufenonka’a ome atrenka, ana zagoa erinka zamunte omne vahe ome nezminka, hagi kagra monafinka feno eri santi haregahane. Hutenka Nagrira eme namage anto.
Monane mopanena fanane hugahie. Hianagi Nagri nanekemo’a fanane osu mevava hugahie.
Monare zanku tamagesa areare nehuta, mopafi zankura tamagesa arerera osiho.
Esperança eterna
Seremos arrebatados para encontrar o Senhor nos ares. Ainda não se manifestou o que havemos de ser — mas seremos semelhantes a Ele.
Ramo’a Agra’a monafinti eneramino, hanavege huno kezanke nehanigeno, ugota ankeromo’a ageru nerinkeno, Anumzamofo ufemo krafa nehanigeno, vahe’mo’za Kraisinte zamentinti hute’za frinesaza vahe’mo’za kote’za kerifintira otigahaze. Anantera tagrama ofritama maninesuna vahe’mota, tavresigeta mrerita hampompi omeri mago huteta, magoka anagamu Ramofona ome tutagiha hunenteta, maka kna Agrane manivava hugahune.
Ronenimote, menina tagra Anumzamofo mofavre mani’none, henkama maninuna nomani’zana eforera osu’ne. Tagra antahita keta hu’none, inanknarero Agrama eama’ma hanigeta, tagra, Agrikna hugahune. Na’ankure tagra negeta Agra e’inahu Nere huta hugahune. Ana hu’neankino maka vahe’mo’za zamavuma kete’za mani’ne’za zamentintima nehaza vahe’mo’za, zamagrazmi zamazeri agru nehu’za, Jisasi’ma mani’neaza hu’za nemanize.
Ra Anumzamo maka havizampinti nahoke heno nenavreno, Agrama nemania kumate monafinka kva hunanteno navareno vugahie. Agra konaririnentake masa’afi nemanimofo agi’a maka zupa hentesga huvava hanune. Tamage.
Jisasi’a ete monare mareri’nea naneke
Jisasi’a anage huteno zamavareno Betani vuno azana erisaga hunagamuteno, asomu ke huzmante’ne. Anama hunezmantegeno, Anumzamo’a avregeno zmatreno monafi mareri’ne.
Ana naneke zamasmiteno, negageno hampompi ufrege’za onke’naze.
Na’ankure tagra mopafi vahe’enena hara nosune, hagi mopafi kva hu’naza vahe’ene, hihamune havi avamutamine, mopafi hanizamofo kva hu’naza ha' vahe’ene, mona kankamumpima kefozamofo ha' avamu’ene hara nehune.
Kasema nerantageta ama mopafina mago’zana erineta ome’none, hagi ama mopama atresuta mago’zana erita ovugahune. Hagi ne’zantine kukenatima me’nenigeta, e’i ana zankura agazone huta nemanita muse hanune.
Monamo’ma mopama agatereno onagamuma meaza huno, Nagri navunavamo’ene Nagri antahizamo’a, tamagri tamavu tamava’ene tamagri antahi’zanena agatereno onagamu me’ne.
Mika’zama fore’ma hu kna metere hu’ne hu’nea naneke
Ama mopafina maka’zama fore’ma hu kna metere higeno, maka’zama hu kna metere hu’ne.
Hagi nerarera rimpafintira magozana e’orita tavufga avapa e’nonankita, frisuta mago’a fenozana e’rineta ovugahune.