Chamada
A chamada de Deus é irrevogável. Ele nos chamou das trevas para a sua maravilhosa luz — para sermos santos, discípulos e instrumentos de sua graça no mundo.
Chamados por Deus
Fostes chamados para a liberdade. A chamada de Deus é dom irrevogável que nos convida à santidade e ao serviço.
Ba God, ene agle di suna edugwa i, ye yagl du kaima moglkwa pre ene mabuno kane kane ta eraiglkwa i, mabuno du keme eraiglkwa paugwa. I siragl pre God kamo ta okna beglkwa i, yegl dugwa,
Na yagl du kaima moglka pre ene ama yoba du moraiglkwa pamiwe
di, yegl dugwa.
God ene agle dugwa i, giugl yegl praiglmedi agle dugwa. I siragl pre Krais ama yegl ersre, ene pre giugl prukwa. Ye mabuno wakai ersre, ene pre giugl prukwa i mina ye ene siragl mere eraiglmere obuno di togwa. Yegl pre ye obuno di tomere yegl erio.
Yoba ta ene ere kide ere tenan, ene mabuno kide ere te ikne edekrio. Te, yoba ta ene ka kide di tenan, ene ka kide di ikne edekre, God ye ere wakai ere tenabedi agle dio. I siragl pre God ene agle dugwa i, ene yoba pere ere wakai ere tenaiglmedi agle dugwa. Te, God ama di paduglkwa i, ene yoba pere ere wakai ere tebi, ye ama ene ere wakai ere tenagledi di paduglkwa.
Ana God moglkwa i, ye nono ere idre, nono ye yobama kaima moraiglmedi agle dugo, ede suna umga. Ye nono ere yugwa i, nono kogon wakai ta erumga pre nono ere ikrukwa ba yene wakai prisre, ere wakai ere noragledi prumere nono ere yugwa. God ye nono yegl mere ere wakai ere norukwa i, ye okna ibo, taragl swara ta ere yeikrukwa igne, Krais Jisas mina ere wakai ere noragledi di padigl kodugwa.
God ye ene mabuno du boraiglmedi agle dugwa yagl moglkwa i, ye nono ake ple di noragle dugwa i, ka dumara ege ege adigl moglkwa pre ye swara ene mabuno du eraiglmedi ere tenabuka.
Ana nono yugobuno swara kaima mungo, God Murubuglo nono munara suna moglkwa i, ama swara moglkwa. Te, God nono ye gagiglma moraiglmedi agle didre, nono okuo wakai kaima moraiglme dugwa i, nono mudu akie yegl moramnedi kie ere munga.
Te, Krais Jisas kogon erumara i mina God na heven ibo unatnedi na agle dugwa i, na ama prais inatnedi prisre, na agle dugwa. Yegl pre na prais i, inagledi muku diga mere yegl paugwa.
A resposta à chamada
Deus é fiel, pelo qual fostes chamados. Ele nos escolheu, nos capacitou e nos enviou com propósito eterno.
God ene yoba du meglmedi kanabuka i, ye ege ege ka dumara adigl moglkwa pre ye dumere kaima yegl erabuka. Te, God ama yene ere mogl, ene ye Wam Jisas bogl swara kaima moraiglmedi agle dugo, ene Krais Jisas, nono Yaglno Kade i bogl u swara pi, swara kaima mogl kodigwa.
Te, yoba togl meda meglkwa i kanigwa, ene yoba tom tai, yoba yoko, kagno paikrukwa meglmedi kanigwa. Yegl kanigwa ba God ene agle dugo, ene ede suna wimara i mina ye i nogugl ede, yoba ta kagno pamedi prikwa yobamo i kagno ta paikrumedi i nogugl edugwa. God gumuglo mina yoba ye yene kagno ake mitna ede dinaiglmedi prukwa pre mabuno yegl erukwa.
Ana God yene prumere nono agle dugo, nono erme ye yobama moglsre, deno muduno God tomga yoba munga. Ye yobama munga i, taragl kane kane kide ya wakai akie nono munara plau dugwa ba taragl kane kane plau dumara i, God ege ege nono ere wakai keme ere norukwa.
Ye okna ibo ka yegl mere di padiglsre, okuo no Jisas kamo wakai ene di tomnara i mina ene ede suna unaiglmedi agle dugwa. Ye ene agle dugwa i, ene Yaglno Kade Jisas Krais abuglagemo sumara moglsre, wakai kaima moraiglmedi pre agle dugo, ene ede suna wigwa.
Yegl digo, Pita di ikne ede te, Ene swara swarade God ene tadaglmeno gugl ede norabedi nomano yake teo. Jisas kaima God Kere Yugwa Yagl moglmedi nomano tedre, nigl biglbi, God ye Murubuglomo yoko kaima tenabiwe dugwa.
Ene na ta kere ikrikwa ba nana ene kere iga. Ene pi mogo keglbi, aimadi panabedi pre ene kere iga. Na ene kere iga i, na kagna mina ene siragl ta inamnedi Nina di praiglkwa i, tenabuka.