Colheita

8 ባ ኣሾ ኣሞ ኩንናስ ዜሪዛዴይ ኣሾፔ ዮ ማጻና፤ ኣያና ኡፋይሳናስ ዜሪዳዴይ ጊዲኮ ኣያናፔ ሜርና ዴኦ ማጻና።

7 ባሌቶፍቴ፤ ጾሲ ቂልጫ ኤሬና፤ ኣሲ ባ ዜሪዳሮ ኢዞ ዛሪ ማጻና።

9 ኣኔ ኑ ሎኦ ኦሶ ኦናስ ኣዛሎኮ፤ ኑ ኡፋይስ ቃንጾንታ ኣጊኮ ዎዴይ ጋኪሺን ጋኪዳ ካ ኑ ማጻና።

10 ዜሪዛዴስ ዜሬ፥ ማናስ ካ ኢሚዛ ጎዳይ ኢንቴ ዜሪዛ ዜሬ ኢዚ ኬሂ ዳርሲ ኢማና፤ ኢዚ ኢንቴ ኪያቴ ኦሶዛ ኣይፌ ኢንቴስ ዳርሳና።✝

18 ሳሮቴ ዶሲዛ ኣሳቲ ሳሮቴ ዜሪዲ ጺሎቴ ኣይፌ ማጼቴስ።

11 ቂጻቴይ ዉሪካ ሃኢስ ኡፋይሶንታ ኢታ ሚሳቴስ ሺን ጉዬፔ ቃሴ ዶሲ ኤኪዳ ኣሳታስ ሳሮቴ ኢዛን ኩሚዳ ጺሎቴ ኣይፌን ጋስ።

9 ጎዳ ኔ ኣቆታን ቦንቻ፤

ቢታይ ኔስ ኢሚዛ ኣይፌ ኡባፌ

ጼራ ኢዛስ ኢሞን ቦንቻ።

10 ታ ኬን ሚዛ ካ ዳና ማላ ኢንቴካ ታና ሃይሳን ፓጫናስ ኣኔ ታማፌ ኢሲኖ ኡባ ሃ ታ ጎታራን ጌልቴ፤ ታ ኢንቴስ ሳሎ ማስኮቴ ዶዮንታ ኣጊኮኔ ኢንቴስ ዎዛሶይ ያና ጋካናስ ታ ኢንቴስ ኣንጃ ፓላሂሶንታ ኣጊኮ ቤያንዴታ» ጌስ ኡባፌ ዎልቃማ ጎዳ ጾሳይ።✝

3 « ‹ኢንቴ ታ ዎጋን ዲኮኔ ታ ኣዛዞታካ ናጊኮ፥ 4 ታኒ ኢንቴስ ኢራ ዎዴራ ቡኪሳና፤ ቢታያካ ካ ዳርሳ ኢማና፤ ኣይፌ ኢሚዛ ሚቲካ ዳርሲ ኣይፋና።

26 ኣኔ ሳሎ ካፎታ ጼሊቴ! ዜሬቴና፤ ማጼቴና፤ ዲኤን ቆሌቴና፤ ጊዶ ኣቲን ኢንቴ ሳሎ ኣዋይ ኢስታ ሚዜስ። ኢንቴ ኢስታፌ ኬሂ ኣኬቲ?

12 ዎይኔ ሚቲኔ ባላሴ

ሚቲ ሹሊዳ፤

ኦሮማኔኔ ቴሚሬ ሚቲ፥

ላዴይኔ ሃራ ኣይፌ ኣይፊዛ

ሚቲ ዉሪካ ሜሊዳ፤

ሄሳ ጋሶን ኣዳፌ

ኡፋይሲ ኣሳፔ ሃኪዴስ።*

17 ባላሴ ጌቴቲዛ ሚይ

ኣይፎንታ ኣጊኮካ

ዎይኔ ሚፌ

ኣይፌይ ቤቶንታ ኣጊኮ

ዎጋራ ሚካ ኣይፎንታ ኣጊኮ

ጎሻ ጋዴይ

ካ ኢሞንታ ኣጊኮ

ዶርሲ ዪሬን ዶንታ ኣጊኮካ

ሚዚ ዜን ዶንታ ኣጊኮካ

18 ታኒ ታ ጎዳን ኡፋዬታና፤

ታ ኢዛን ኣቲዳ

ጾሳን ኡፋዬታና።