12 Bii nɔ bɛ bʉə-Nyii ndə ɔ kʉ̀ʉ bii bɔŋleʼ séʼ bii ndə məbɛ yi-yə bʉə. Nɔ ndʉʉmɛ, bii nɔ kie ndə məmɔ̀ʼ nubə-ɔ̄ŋ mbʉə bii tʉvyiikə, nuʼ jyujyu, məlʉ̀ ŋwɔŋ sê, mbuɔnəbə, məyá fyii bɔŋleʼ bɛ́ŋ wotəmiyɔŋ ndə ntɛhə ndə ɔ bɛ.

32 b̈ii dʉ̀ʼ buuŋjyu tʉ ŋwɔŋtə-ii, kie fyii búɔnə, kə́ sʉ̀fyiihə-ii hə ndəŋ bʉ̂ʼ-bəbɛʼbʉə-tə, haʼ ndə Nyii kə sʉ̀fyii-i hə ndəŋ bʉ̂ʼtə-ii tíŋ hə bɔ̌ŋ Klai.

8 Ndə məlìʼ, b̈ii bənchəŋ nɔ kie ndə məkie ntɛ ŋkwɔʼtə imɔʼ, kie tʉvyiikə, kie ŋkʉ̂ʉ tʉ ŋwɔŋtə-ii ndə bəliŋ, kie buuŋjyu bɔŋleʼ lʉ̀ ŋwɔŋ-yii sê tʉ bəbɛʼbʉə.

17 Bɔŋ kaʼ wo kie fɔ-kəwʉʉnəmbi-bə, nyíɛ liŋ-iŋ wo-Nyii ɔ kə́ kwú, ɔ kyʉ̀hə shʉ-i ndə fɔkə ndə ɔ tʉʼ byúu, bʉʼʉ bu ghɔ̀ŋ mbɔ ŋkʉ̂ʉ-Nyii bɛ mu məchimbi-ɔ tɛka?

3 B̈ʉʼʉ lə̀ʼtə Nyii, mbʉ Tie-Tiekətʉ-yʉʼʉ Jiso Klai, T̃ie ndə ɔ dʉ̀ʼ tʉvyiikə bɔŋleʼ yá fyii-bʉə ndə nubə inchəŋ. 4 Ɔ̃ nɔ yá fyiihə-ʉʼʉ mu ntɛ-ŋgʉəʼ-hə inchəŋ mbɔ bʉʼʉ chʉʼ leʼ yá fyii-bəbɛʼbʉə-hə ndə bɔ̂ŋ bɛ mu ntɛ ŋgʉəʼ təmiyɔŋ, nə ntɛ məyá-fyii ndə Nyii yá fyiihə-ʉʼʉ ghɔ nə yɔŋ.

15 Bʉʼʉ nɔ kie Tiefɛ̀ʼndɛŋkwɛʼtəŋNyii ndə ɔ kínə jyujyu mbɔ ghʉəʼkə-ʉʼʉ nɔ tə́ʼ ndə məghɔ́ʼ bʉ̂ʼʉ, bʉʼka bə nɔʼ mùutə ɔŋ ndəŋ ntɛ-fia-hə ndə bʉʼʉ tʉʼ tíŋ hə muŋgɔ inchəŋ, təmə ɔ nɔʼ nə chìi bʉ̂ʼʉ fɛ.

15 B̈ii kie tʉʉjyu biibə bʉə ndə bɔ̂ŋ tʉʼ kie tʉʉjyu, gwía biibə bʉə ndə bɔ̂ŋ tʉʼ gwía.

11 Ndə məlìʼtə, bəliŋ-bɔŋ, ẗʉʉtə-ii bʉ̀ʉ. B̈ii bʉ̀nə shʉ̀tə məchimbi-yii bɔŋleʼ kə́ kwèʼhə ŋwɔŋtə-ii. B̈ii dùʼ nə gyʉʉ imɔʼ bɔŋleʼ kie fyiighʉ́ənə mu bii. Ndʉʉmɛ, Ñyii ndə ɔ kɔ́ ŋkʉ̂ʉ ghɔŋbə fyiighʉ́ənə bu bɛ bii bɔŋ mɔʼɔ.