Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Aaway ba naytas
qadhettiza mala
GODAY baas yayyizaytas qadhettees.
Gido attiin abeet Godawu!
Neni qadhettizaadenne
maariza Xoossa;
hanqettanaas gam7iza Xoossa;
ne siiqoynne ne ammaneteththay
keehi daro.
Ne mernaa siiqoy de7oppe lo7ees;
ta inxarsay nena galatees.
Hessika nuni dhayontta aggiday
GODAA siiqoy
daro gidida gaasonna;
iza qadhetaykka mernaas
wurontta gishshassa.
Istti maalado maalado ooraththa;
Ne ammaneteththayka daro.
GODAY,
«Aaya ba dhanththiza naa
balanaas dandayazee?
ba yelida naas qadhettekee?
oonee erizay
iza balana dandayawus;
tani gidikko nena balikke.
Hekko tani nena
ta kushe qaa7an xaafadis;
ne dirsa gimbetikka ubbatoo
ta sinththan deettes.
Gido attiin GODAY inttes
kiya ooththanaas naagees;
inttena ba qadheteththa
bessanaas dendees;
GODAY tumu pirdiza
Xoossa gidida gishshas
ammanettidi iza naagizayti
anjjettidayta.
Dhayshe attida zereththaa nagara atto gi maariza ne mala Xoossi oonee? Neni mernaas hanqettaka; maaro gelizayssan ne ufayettaasa.
«Tani Yuhuda keeth minththana;
ta isttas qadhettiza gishshas
istti kase dizasota istta zaarana;
tani GODAA istta Xoossa gidida gishshas
ta istta woosa siyana;
isttika hayssafe kase
ta yegga erontta
asa mala gidana.
«Ubbaafe Wolqqama GODAY, ‹Tumu pirda pirdite; intte garsan issoy issaara maarettitenne issoy issaas qadhettite. Am7eta, yi7ota, bete asatanne manqota metoththofte; issoy issaas intte wozinan iita qoppofte› gees.
Hessa gishshas dumma gididi dosettidaytoo! Intte Xoossas doorettidayta gidida mala misheteththinne kiyateth, ashketeth, bonchchonne dandaya may7ite.
Inttena Xoossi Kirstoosa baggara atto gida mala intteka intte garsan atto atto geetettite; issoy issaara kiyatanne issoy issaas qadhettizayta gidite.
Lo7o Ooththiza Gishshas Waaye Be7o
Hessafe asa baggara qasse intte issoy issaara siiqon diite; hara asa bolla gakkiza meto intte meto mala xeellite; intte intte garsan ishantta mala siiqettite; ashketanne kiyata gidite.
Miishshi dizaadey oonikka ba ishay waayettishin be7idi izas mishettontta aggiko Xoossa siiqoy izan waani daanee?
Phawuloosi Xoossas Shiishshida Galata
Maariza Aawassinne wursika minththeththiza nu Godaa Yesus Kirstoosa Aawaa Xoossaas galatay gido. Nunikka nu baggara Xoossafe demmida minoteththan metotetizayta minththeththanaas dandayana mala nu meton izi nuna minththeththees.
Nu daaburshin nuus qadhettana dandayza qeeseta halaqay nuus dees; izi nu mala ubba miishshan paacettides; gidikkoka izi aykko nagarakka ooththibeenna.
Ufayettizaytara ufayettite; muuzottizaytara muuzottite.
Ane ha7i ta ishatoo! Saro diite; intte duussa lo7eththite; ta inttena zoroyssa kaallite; asay issoy issaara sigettite; saron diite; siiqonne saro Goday inttenara gidana.