Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Nefa’ma mofavre naga’ama asunku’ma hunezmanteaza huno, Ra Anumzamo’a Agri’ma koro’ma hunente’za agoragama nemaniza vahera asunkura hunezmante.
Hianagi Ra Anumzana kagra keke nehunka kasunku hu Anumza mani’nanankino, vagaore kavesizanu knare hunerantenka, ame hunka krimpa ahenorantenka, kema hu’nana kema avaririnka ana zama hu kavukva zamo’a kagripina avite’ne.
Na’ankure vagaore kavesi zamo’a asimu’ma erino mani’zana agatere’neanki’na, kagi’a erisga huvava hugahue.
Ra Anumzamo’ma avesiranteno knare’ma hunerantea avesi’zamo’a, tamagerfa huno vagaore mevava nehie. Na’ankure agri asunkuzamo’a vagaore meno nevie. Maka nanterana Anumzamoka kagri kasunku zamo’a egasefa huvava nehiankino, hugahuema hunka hu’nana zama nehana kavukvazamo’a tusi zankerfa me’ne.
Hianagi Ra Anumzamo’a anankemofo nona’a amanage hu’ne, Mago a’mo’ma mofavrema anteno avre’neno amima nemisnia mofavrea agerakanintegahifi? Agrama kasente’nesia mofavregura asunkura hunteno aza osugahio? Hianagi Nagra maka zupa namefira huozamigahue. Hagi kamema’ane kaginena naza agusare eri vakaki’na krentogeno me’nege’na, maka zupa nege’na antahinegamue.
Ana hu’neanagi Ra Anumzamo’a arimpa fruzane asunku zana tamagrite eri ama hunaku tusiza huno avenesigeno tamavega anteno mani’ne. Na’ankure Ra Anumzana fatgo avu’avaza hu Anumza mani’ne. Hagi agrite’ma zamentintima nehaza vahemota muse hugahaze.
Anumzamoka magora kagrikna anumzana omani’ne, Ana hu’neankino kagri vahepinti’ma osi’a naga’ma ozamahe zamatrage zama mani’naza nagamokizmi kumi’ma atre zamantega anumzana omani’ne. Anumzamoka kagrira krimpa neheanagi ana zamo’a za’zatera mevava hunora novie. Na’ankure Kagra muse hunerantenka mevava kavesi zanteti kavesi’nerantane.
Nagra Juda nagara zamazeri hankaveneti’na, Josefe nagara zamagu’vazigahue. Nagra ete zamavare’na egahue. Na’ankure Nagra zamagrikura tusiza hu’na nasunkura hunezmantoe. Nagra Ra Anumzana zamagri Anumza mani’noanki’na zavi krafagezmia antahi’na zamaza hugahue.
Monafi sondia vahe’mofo Ra Anumzamo’a amanage hu’ne, knare huta maka vahe knazana refko nehuta, mago mago’mota asunku ohunte ahunte nehuta knare avu’ava ohunte ahunte hiho. Ana nehuta kento a’nene, megusa mofavreramine, ruregati’ma tamagri’enema emani’naza vahe’ene, zamunte omane vahe’enena knazana zamita zamazeri havizana nosuta, tamagra ramagra ontahi haviza antahi havizana huta tamazeri haviza osiho.
E’ina hu’negu Anumzamo’ma huhampri ramantegeta ruotge hazageno’a, Agra tusiza huno avesiramantenegu, tamagra rumokizmia tamasunku huzmanteta zamazeri so’e nehutma, vahe’mofo knare tamavu’tamava hunezmanteta, anteramita nemanita, agazone tamavutamava nehuta, akoheno avega anteno mani tamavutmavara kukena hiaza hiho.
Agazone hutma vaheku tamasuntgi nezmantetma, Kraisimpi kumitia Anumzamo eri atre’rante’neankna hutma, kumi’zmia atre’zmanteho.
Haviza hurantesaza vahe’mokizmi knare tavutava huzmantesuna naneke
Hagi maka’motma magopi fru hutma nemanitma, vahe’mokizmia tamasunku hunezmantetma, kogna hutma nemanitma, tamagu’areti so’e tamavutma nehuta, tamagu’a anteramita maniho.
Hianagi iza’o ama mopafi afu feno ante’nesimo, amentinti nehia nefu’ma atupama hu’nenigeno negeno asuragi anteno azama osanigeno’a, nankna huno Anumzamofo avesi’zamo’a, e’inahu vahepina megahie?
Hazenkefi ufresageno Anumzamo zamazeri fru hania naneke
Hagi Rantimofo Krais Jisasi Nefa, Anumzamo Agrake mika asuragi zamofo agafa’a mani’neno, tazeri fruma nehimofo agi erisaga huta musena huntesune. Mika knazantifina Agra tazeri fru nehie. E’inahu nehigu Anumzamo’ma tagri’ma nehiankita rumokizmia knafima mani’nesageta zamazeri fru hanune.
Hu’negu tagrima antahineramino, asunku’ma hurantega ugota pristi ne’tia mani’ne. Na’ankure miko tagrama unefrona rehe’zampina Agranena ufreneanagi, kumira osu’ne.
Musema hanaza vahe’enena muse nehuta, zavi’ma atesnaza vahe’enena zavira ateho.
Hagi nafunagnaheta huvagare nanekea anage hu’na kreneramue, muse nehuta, mago’ane tamamentintifina hanavenetita, ozeri hanaveti azeri hanaveti nehuta, magoke antahintahi enerita, tamarimpa fru nehinkeno, avesimaneranteno rimpafruzama neramia Anumzamo’a tamagrane manigahie