Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Nono mogl atne edidre, deno muduno te ikne ikne edinamga paugwa
God ene kere idre, yoba pere moraiglmedi edidre, ene dem muduo togwa. Yegl erukwa pre ene mabuno tau eraiglkwa paugwa i, yegl mere paugwa, ene kiede mogl, mogl atne edidre, yoba mitno gogl, mabuno wakai ere tenaiglkwa paugwa. Te, ene yoba tabre deno kubro tekrio.
Ene mabuno yegl kide kodidre, yoba deno muduno tedre, enene ikne ikne ere wakai erio. Te, God komono kana ere mogl, ye Kere Yugwa Yagl kogon erumara i mina ene tadaglmeno gugl ede tomere kuno yegl mere, yoba ta ene ere kide ere tenabuka i, ene ake moglkre, ere ede teo.
Mabuno wakai ikne ikne ere tenamga paugwa
Ana na ene siragl mere mogl pai eraiglkwa pre di wiga i, ka okuo kaima ta dinaglka i, yegl dinaglka, ene mudu nomano swara yedre, ikne ikne mitno gogl, agroma abaroma mudu deno muduno teo. Te, ene ama mogl atne edidre, enene ikne ikne ere wakai ere teo.
Yoba ta makandigle taragl mere kan nenabuka ba agigle ta ibun inan, ye kandre, ake ple di tekran, God dem muduo norukwa mabuno i, agro i moglmara kogon erekrukwa mere yegl paugwa.
God deno muduno si gigle di norukwa
Nono Yaglno Kade Jisas Krais Nem yagl wakai kaima moglkwa. Ana nono ye kagie kade tenamga i, siragl pre ye nono Neno mogl, Godno moglsre, nono ege ege mitno gogl noro, deno muduno si gigle di norukwa. Nono yubun imga igne God ege ege deno muduno si gigle di norukwa i, nono yoba pere yubun kane kane ta inaiglkwa i, ama ake ple di tenaiglmedi pre erukwa. God ye nono deno muduno siragl mere si gigle di norukwa i nono kandre, yobamo i ama kuno yegl mere deno muduno si gigle di tenamga pre erukwa.
I siragl pre nono tawano togwa yoba bitno moglkwa i, nono konbo kane kane mina yage sumnara i, ye pre kan ersre, nono mitno podo kaima goglkwa. Satan konbo kane kane mina nono kinano sumere mere yegl, ye okna kuno yegl mere Jisas kina sugwa ba Jisas tadaglme ta erekrukwa. Yegl pre Jisas nono siragl mere nomane sumga i, pre kan ere kodidre, nono mitno podo goglkwa.
Yoba ta gun yenaiglkwa igne i ene ama ye bogl akie gun yeo. Te, ye yubun idre, kai eraiglkwa igne, ene ama ye bogl akie kai erio.
Pol Korin yoba wakai we di togwa
Ana na ka okuo dinagledi prika i, yegl paugwa, Ene gun yedre, yake ede kade pi molo. Te, na ka tau ene nomane inaiglmedi pre diga i, duglo bolo. Te, ene ama ikne ikne nomano swara yedre, deno muduno ama swara yeo! Ene yegl eribi, God ene meglmara mogl tedre, ene deno muduno ikne ikne tenaiglmedi ere, ene deno muduno wida di padigl tenabuka.