13 ዓዴ ፔኤኮ ናኣቶ ሚጪንታሢጉዲ

ናንጊና ናንጋ ጎዳ ዒዛ ዒጊጫዞንሢ ሚጪንታኔ።

15 ጎዳሢዮ!

ኔኤኒ ጋዓንቴ ኮሺ ሃሣ ሚጪንታ ፆኦሲኬ፤

ሩኡሪና ዻጋዹዋያ፥ ኮሹሞንታ ጉሙርቂንቲፃኣ ኔኤኮ ሚርጌኬ።

3 ሚጪንቲፃ ኔኤኮ ናንጊዳፓ ባሼታሢሮ

ዻንጋ ታኣኮ ኔና ጋላታኔ።

22 ዬና ዓይጎዳይ ጌዔቴ፦

ኑኡኒ ባይቁዋዖ ሼምፔና ዓቲ ዓኣሢ

ናንጊና ናንጋ ጎዳኮ ሚጪንቲፃ ፔቴታዖ ጋፑዋያ

ናሹማኣ ናንጊና ናንጋያ ማዔሢሮኬ።

23 ዬይ ሚጪንቲፃ ኬላ ኬላ ዓካዻኔ፤

ናንጊና ናንጋ ጎዳ ማዔ ኔኤኮ ጉሙርቂንቲፃ ዼኤፒኬ።

15 ናንጊና ናንጋ ጎዳ ሂዚ ጋዓኔ፦

«ዒንዳ ፔኤኮ ዻንሢሣ ናይ ዋላኒ ዳንዳዓ?

ዒዛ ፔኤኮ ሾዔ ናዖ ሚጪንቱዋዓዳ?

ዒዛ ዋላኒ ዳንዳዓኔ፤

ታኣኒ ጋዓንቴ ዒንሢ ዋላዓኬ።

16 ዬሩሳላሜ! ታ ኩጮኮ ቃኣቆይዳ ታ ኔና ቆኦቄኔ፤

ኔኤኮ ኬኤሎ ዲሮዋ ቢያ ዎዴ ታ ጶቂሣኔ።»

18 ዬይ ቢያ ማዔቴያ ናንጊና ናንጋ ጎዳ ዒንሢም ዓቶም ጋዓኒ ጊኢጊንቴኔ፤ ናንጊና ናንጋ ጎዳ ማዔ ዖኦዛሢ ፒዜ ዎጋያ ማዔሢሮ ዒንሢም ሚጪንታኒ ናሽኬኔ፤ ዬያሮ ዒዛ ጉሙርቃዞንሢ ቢያ ዓንጂንቴያኬ» ጋዓኔ።

18 ጎሜ ዓቶም ጋዓያ፥ ፒኢጫዺ ዓቴ ኔ ዴሮኮ ዻቢንቶ ዓርቁዋያ፥ ኔናጉዴያ ፆኦሲ ዖናዳይ? ማኣሪሢ ኔና ዎዛሳያታሢሮ ዻጋ ኔኤኮ ናኣናና ጋፑዋዖ ዴዓያቱዋሴ።

6 «ታኣኒ ዪሁዳ ዴሮ ዖልዚ ዖላ ዶዲ ዓሲ ማሃንዳኔ፤

ዮሴፔ ማኣሮዋ ታኣኒ ዓውሳንዳኔ፤

ታኣኒ ዔያቶ ሚጪንቲ ቲኢራንዳሢሮ ቢያሢ ፔ ዓጮ ዓጮ ታ ማሃንዳኔ፤

ሃያኮ ቤርታ ፔቴታዖ ታ ዔያቶ ኬኤሪ ቤቂባኣያ ዔያታ ማዓንዳኔ፤

ታኣኒ ናንጊና ናንጋ ጎዳ ዔያቶኮ ፆኦሲ ማዔሢሮ

ሺኢጲፆ ታ ዔያቶኮ ዋይዛንዳኔ።

9 «ታኣኒ፥ ቢያ ባኮ ዎይሣ ጎዳሢ ታ ዴሮም ዓይሤ ዓይሢፃ ያዺኬ፤ ‹ፒዜ ዎጌ ዎጉዋቴ፤ ዎሊም ሴካና ሃንጋና ዓቶም ጌይሢና ሚጪንቲሢና ናንጉዋቴ፤ 10 ዒንሢ ባኣካ ናንጋ ዜኤሮ ዒንዶንሢ፥ ዜኤሮ ናኣቶ፥ ሜሌ ዓጪፓ ሙኪ ናንጋ ዓሶንታ ሜታዼ ዓሶንታ ሄርቂ ካራ ባይዚፖቴ፤ ፔቴይ ባጋሢም ጌኔ ማዾ ማዻኒ ማሊፖቴ።›

12 ዓካሪ ዒንሢ ፆኦሲም ዱማዼያና ዶኦሪንቴያ ሃሣ ናሽኪንታያ ማዔ ጎይፆና ሚጪንቲሢ፥ ዓሲም ኮሺ ማዾ፥ ሼሌዑሞ፥ ኮሹሞ፥ ጊቢ ዳንዳዒሢንታ ዒንሢዳ ሚርጌና ዓኣያ ማዑዋቴ።

32 ዎላ ሴካና ሃንጋና ኮሺ ዓሲ ሃሣ ዎሊም ማላ ዓሲና ማዑዋቴ፤ ፆኦሲ ኪሪስቶሴ ዛሎና ዒንሢም ዓቶም ጌዔሢጉዲ ዒንሢያ ዎሊም ዓቶም ጋዓያ ማዑዋቴ። ✝

8 ማይ ዓካሪ ቢያሢ ሴካና ሃንጋና ዎላ ጊኢጊ ናንጉዋቴ፤ ሜሌ ዓሲኮ ሜቶ ዓዳ ዒንሢ ሜቶ ማሂ ዛጉዋቴ፤ ዎሊኮ ጌርሲና ጌሮና ዎሊ ናሽካ ናሹሞና ዎሊ ናሽኩዋቴ፤ ኮሺ ዓሲ፥ ሃሣ ሚጪንታ ዓሲ ማዑዋቴ።

17 ዓሲ ሃያ ዓጮይዳ ፔኤኮ ቆሎ ዓኣንቴ ሜታዼ ዓሲ ዛጋዖ ሚጪንቲባኣቴ «ፆኦሲ ናሽካኔ» ዎይቲ ጋዓኒ ዳንዳዓይ?

3 ሚጪንታ ዓዶ ማዔያ፤ ሃሣ ቢያ ባኣዚና ዶዲሻያ ማዔ ፆኦዛሢ፥ ኑ ጎዳሢ ዬሱስ ኪሪስቶሴኮ ዓዶ፥ ፆኦዛሢም ጋላታ ሄሎንጎ። 4 ኑኡኒ ፆኦሲዳፓ ዴንቃ ዶዱሞና ሜታሢዳ ዓኣ ዓሶ ቢያ ዶዲሻኒ ዳንዳዓንዳጉዲ፥ ፆኦሲ ኑ ሜታዻ ዎዶና ቢያ ኑና ዶዲሻኔ።

15 ኑኡኮ ዓኣ ቄኤሶኮ ዑፃሢ ማዔሢ ኑ ላቤቴ ሚጪንቲ ኑና ማኣዳኒ ዳንዳዓያኬ፤ ዒዚ ቢያ ባኣዚና ኑጉዲ ዻቢሻኒ ጌሾያይዳ ጌሌያኬ፤ ጋዓንቴ ዒ ዓይጎ ጎሜያ ማዺባኣሴ።

15 ዎዛዻ ዓሶና ዎላ ዎዛዹዋቴ፤ ዬኤካ ዓሶና ዎላ ዬኤኩዋቴ፤

11 ዓካሪ ታ ዒሾንሦ! ሚሾንሦ! ኮሺ ናንጉዋቴ፥ ፓጬ ባኣዚባኣ ዓሲ ማዓኒ ዶዱዋቴ፥ ታ ዞሮ ዋይዙዋቴ፥ ዎላ ሃሣ ጊኢጊ ናንጉዋቴ፥ ሴካና ሃንጋና ኮሹሞና ናንጉዋቴ። ናሹሞና ኮሹሞናኮ ፆኦዛሢ ዒንሢና ዎላ ማዓንዳኔ።