Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Kaa bɔ nɛ tsɛ mi mi saa lɛ ngɛ e bimɛ a he ɔ, ja a nɛ Yehowa mi mi saa lɛ ngɛ nihi nɛ yee lɛ gbeye ɔ a he.
Oo Neneene Tsɛ, moo lɛɛ Mawu nɛ naa mɔbɔ ji mo. Anunyamitsɛ ji mo, o mi mi fu we mla, nɛ o hyi tɔ kɛ suɔmi kɛ anɔkuale.
Ejakaa o suɔmi kɛ o mi mi jɔmi hi ha mi hluu pe wami tete. I ngɛ o yi jee.
Akɛnɛ Mawu hla nyɛ, nɛ e pee nyɛ nimli hehi ngɛ suɔmi agbo nɛ e ngɛ kɛ ha nyɛ he je ɔ, nyɛ na mi mi jɔmi, mɔbɔ nami, he si bami, kpoo peemi kɛ tsui si tomi kɛ ha ni kpahi hu. E he hia we kaa nyɛ je nyɛ he si nɛ a na nyɛ, se nyɛɛ na nɔ́ ngɛ a he ngɛ kpoo peemi kɛ tsui si tomi mi.
Se mohu, nyɛ mi mi nɛ jɔ, nɛ nyɛ na nyɛ si bi a he tsui, nɛ nyɛɛ ngɔ nyɛ si bi a tɔmihi kɛ ke mɛ, kaa bɔ nɛ Mawu hu ngɔ ke nyɛ benɛ nyɛ plɛ Kristo nihi ɔ.
Nyagbe ɔ, nyɛ tsuo nyɛɛ hɛɛ juɛmi kake, nyɛɛ nu nyɛ bi a sisi, nyɛɛ suɔ nyɛ he kaa nyɛmimɛ, nyɛ mi mi nɛ jɔ ha nyɛ bi, nɛ nyɛɛ ba nyɛ he si.
Ke Kristo se nyɛɛlɔ ko ngɛ ní bɔ nɛ sa, nɛ e na e nyɛmi ngɛ fimi mi se e yi kɛ bua we lɛ ɔ, anɛ Mawu suɔmi maa hi e mi lo?
Yi jemi ha wa Nutsɔ Yesu Kristo Tsɛ ɔ, nɛ ji mɔbɔ nami kɛ bua womi Tsɛ ɔ; nɔ nɛ jɔɔ wa bua, nɛ e haa wɔ tsui ngɛ wa nɔ́ namihi kɛ wa kahi a mi, konɛ wɔ hu wa nyɛ nɛ waa wo nihi nɛ ngɛ nɔ́ nae ɔ bua kaa bɔ nɛ Mawu woɔ wɔ hu wa bua a.
Wa Osɔfo Nɔkɔtɔma nɛ ɔ le wa gbɔjɔmi ɔmɛ tsuo nɛ e nuɔ he kɛ haa wɔ, ejakaa a ka lɛ kaa bɔ nɛ a kaa wɔ hu ɔ, se lɛɛ e ha we he blɔ nɛ ka ko nɛ ye e nɔ gblee nɛ e pee yayami.
Nyɛɛ kɛ nihi nɛ ngɛ nyae ɔ nɛ nya, nɛ nyɛɛ kɛ nihi nɛ ngɛ kɔmɔ yee ɔ nɛ ye kɔmɔ.
Nyagbe ɔ, mamimɛ, nyɛ bua nɛ jɔ; nyɛɛ hi kɛ pi si ngɛ Kristo mi. Nyɛɛ bu níhi nɛ i de nyɛ ɔ tue; nyɛɛ hi si ngɛ kake peemi kɛ he jɔmi mi, nɛ suɔmi kɛ he jɔmi Mawu ɔ kɛ nyɛ maa hi si.