Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Rogon feni gol ba matam ngak pifak,
e aram rogon feni gol SOMOL ngak e pi’in bay madgun u wun’rad.
Machane gur Somol e ga ba Got nri gama runguy ma bt’uf e girdi’ rom,
gubin ngiyal’ ni ga ba gumaen’, gubin ngiyal’ ni ga ba gol ma ga ba yul’yul’.
T’ufeg rom ni dabi mus e kabfel’ ko yafos,
ere bay gu pining e sorok ngom.
Fare t’ufeg rok SOMOL ni dabi m’ay nge marunguy rok e ku be ul ul i yan,
Nib k’akling ni bod e kadbul, nib mich ni bod e yal’ nra for ngalang.
Me fulweg SOMOL ni ga’ar,
"Gur rayag rok be’ ni bpin ni nge pag talin fak ni kabran
ma dabi t’uf rok e re tir nem ni ir e gargeleg?
Gomang e ra pag be’ ni bpin talin fak,
machane gag e dab gu pag talimed.
Jerusalem, rdabiyag ni gu pag talim,
ku gu yoloy fithingam ngalan pa’ag.
Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.
SOMOL, dakuriy yugu reb e got nga bang ni bod gur; kam n’ag fan e denen rok e tin ke magey ko girdi’ rom. Damur par ni gab damumuw ni dariy n’umngin nap’an, ga ba felan’ ngay ni ga ma dag ngomad fare t’ufeg rom ni dabimus.
"Bay gu pi’ gelngin e girdi’ nu Judah;
ma bay gu ayweg e girdi’ nu Israel ni dabi buch ban’en rorad;
ma bay i kireban’ug ngorad
nggu fulwegrad nga taferad.
Ni gowa dag fek owcheg rorad.
I Gag SOMOL ni Got rorad; bay ug fulweg taban e meybil rorad.
"Kakrom e gu pi’ e pi motochiyel ney ko girdi’ rog: ‘Thingar mu ted gimed ngay ni tin nib mat’aw e ngan rin’, ma thingar i m’ug e gol nge t’ufeg nge wurengan’ ni bayu thilmed ngomed. Dab mu gafgow niged e pi’in ke yim’ figirngirad, nge pi’in kanim’ rorad, fa girdi’ nu bang ni yad be par u fithik’med, ara be’ nike t’uf e ayuw rok. Ma dab umu t’ared liben ni ngam gafgow niged bigmed.’
Gimed girdi’en Got; ya gimed ba t’uf rok ma ke duwgiliymed ni ngam manged girdi’en. Aram fan ni runguy, nge gol, nge sobut’an’, nge sumunguy, nge gumaen’ e thingar mon’ed nga dakenmed nge mang mad romed.
Machane um golgad ngomed, me bigimed me munguy ngak bigimed, mu um n’iged fan u wun’med e tin nib kireb nike rin’ bigimed ngak bigimed, ni bod rogon Got ni bochan Kristus ma aram fan nike n’ag fan u wan’ e kireb ni kam rin’ed.
Gafgow ni yibe tay ni fan e tin nib mat’aw ni yibe rin’
Ere thingari gimed gubin ni nge ta’reb rogon e leam romed mu um runguyed gimed; me bigimed me t’uf rok bigimed nrogon e pi’in ni walag ni girdi’en Kristus, mu um pired ni bfel’ e thin romed ngomed ma ba sobut’ lanin’med ngomed.
Fa’anra bo’or ban’en rok be’ ma be guy be’ ni walagen ni girdi’en Kristus nike gafgow nthingari yag ban’en ngak, me fek owchen rok, mra di’in me ga’ar e ba t’uf Got rok?
Paul ni pining e magaer ngak Got
Ngad pininged e magaer ngak Got ni Chitamngin e Somol rodad i Jesus Kristus, me ir e Chitamangiy nrib tarunguy e girdi’, ni ir fa’anem i Got ni urngin mit e ayuw me ir e be yib rok ngodad! Ma ayuwegdad u urngin e gafgow nge kireban’ nma yib ngodad, ni fan e nge yag nda ayuweged e pi’in ke yib urngin mit e gafgow nge kireban’ ngorad, ni gadad be maruwel ko fare ayuw ni yib ngodad rok Got.
Re prist rodad nem ni fare Prist ni Th’abi Ga’ e gathi reb e prist ni dabi kireban’ ngodad nga fadad me’waer. Ya re prist rodad nem ni fare Prist ni Th’abi Ga’ e yib ngak urngin kanawo’en e pin’en nma waliy e girdi’ nge denen ni bod gadad, machane de denen.
Mu uned ko felfelan’ ngak e pi’in kar felfelan’gad, mi gimed un ko meyor ngak e pi’in yad be yor.
Pi walageg ni girdi’en Kristus, kefel’! Mu athamgiliyed ngam yal’uwgad; mu telmed ko tin kugog; ma nge ta’reban’med, mu um pired u fithik’ e gapas. Mi Got ni gadad ba t’uf rok me ir e ma pi’ e gapas e bay i un ngomed.