Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Paaw nynh a ccaaw tungvaw
thawccinaw a hoi hawte,
Bawipaw nynh amaw
rawrih hae paw tungvaw
thawccinaw a hoi vae.
Pou Bawipaw , nang tuh
thawccih thyapaw te
ngaethyaumsah thyapaw,
a lungsaepaw, atynpaw sungsahnaw te
phe abeihpaw te a lungzipaw
Pachia nynh na thua.
Atynpaw na sungsahnaw tuh
hiinnaw laeze ahoyhua keiccuze
ka munglae nynh nang kha
ae thehoysah cih.
Bawipaw sungsahnaw atynpaw tuh
kharouh pae boi khyh,
a thawccinaw tuh
kharouh thang boi khyh;
tuh-e a sungsahnaw te
a thawccinaw tuh
awkhua takyhte athaw hae;
na lungzinaw tuh myarya ale.
Nopinung nynh a matei a zusahpaw
ccaaw kha a ning kho cih tou?
A saahkupaw a ccaaw kha
ngaethyaumsah leite a um kho cih tou?
A nung nynh a ccaaw kha a la ning heize,
nang kha kae ning lan khyh.
Dotua, ka kuihphe vawlan
nang kha kae zei vae;
khualungrua tuh ka malang po a um.
Zion hanlan Pachia Byakinpyakunaw
Thuasalama Bawipaw nynh nanning kha
thawcci khylan phang ae ngaw oh;
nae tungvaw ngaethyaumsahnaw
langsaku khylan aning tuh yn thokuh cih.
Pawccecize Bawipaw tuh
dingnaw Pachia nynh thua;
amaw a ngaehoikupaw balyn tuh
lungtuapaw nynh thua hae.
Pachia Sungsahnaw te Ngaethyaumsahnaw
Hoyleinaw kha ngaethyate,
a laehypaw a rho ccungccaw hae
mih cyiseimenaw kha
a ngaethya hae paw,
nang ae lopaw Pachia hummou a um?
A thawccinaw langsakunaw kyakhe
a lungrythua keiccuze
aning tuh zungzae a thinria khyh.
Kae nynh Judah hae kha
thawzung ka pya cih hae zah,
Josef phin hae kha ka khum cih hae.
Minmin kha ngaethya
ka umsah hae keiccuze ka kikhae cih hae zah,
ka vua boi lei hae paw hawte athua cih hae;
pawccecize kae tuh Bawipaw mih Pachia
ka thua zah, mih bya kha
ka thaepah cih hae.
Vaaw Bawipaw nynh hynhte a ho: Hmerarih lan byapia oh, lu kheit te lu kheit ngaethyaumsakunaw te thawccikunaw kha langsakuh oh; nomae hae, ngawraw hae, ramccang ccungccaw hae te ryachi hae kha tuaasah nan oh; lu kheit te lu kheit laku nae thinlung kya ahoy leipaw tuanaw hoikuh nan oh, a ci.
Nanning tuh Pachia nynh a popaw, athyaapaw te sungsahpaw na thua oh hawte, ngaethyaumsahnaw, thawccikunaw, zakawsangsakunaw, lungnenaw, lungsaenaw khate ccaankuh oh.
lu kheit te lu kheit thawccihkuh thya oh lah ngaethyaumsakuh oh, Khri kya Pachia nynh ae ngaethya vae oh hawte lu kheit te lu kheit ngaethyakuh oh.
Ahmepaw hanlan Teingnaw
Nyathyakou ka ho rypaw tuh: nanning balyn nynh alokuhpaw tuanaw hoi oh, thawccikunaw, uteno hawte sungsakunaw, ngaethyaumsakunaw te lungnenaw hoi oh.
Thuasalama ccungccaw lu kheit nynh e laephi uccaw hae hynh mang a hoi pite a ryachipaw a uno kha muih zah ngaethyaumsahnaw a hoi khyh lanze, pawtemou Pachia sungsahnaw tuh tuh-e paw kya a um kho cih?
Teingnaw koute Paul nynh Luungnaw
Ngaethyaumsahnaw Paaw te ngaengansahnaw balyn Pachia athuapaw, ah Bawipaw Jesu Khri a Paaw, Pachia tuh thehoyte um sah. Pachia nynh aening ah ngae oun ngansahnawpaw, ngaengansahnaw khate vawsawnaw aphuinphuin a tung hae paw kha aening nynh ngaengannaw ah pya kho nawlan oh, ah vawsawnaw balyn kya aening kha ngaengannaw oun pya.
Pawccecize aening ah Ranpibawi Lupi tuh aening thawzyanaw kya thawccihthya leipaw thua khyh, aning tuh aening hawte tuhounaw aphuinphuin a ing, thuasalama seinaw rae khyh.
Lungtua hae paw ryte lungtuabua oh lah, a rah hae paw ryte la rahbua oh.
Nyathya Beihlangnaw
Uteno hae, nyathyakou kya kae beihsya oh. Accingpaw lang tang lan zuakuh oh; kae ngia oh paw kha la ngae oh, lu kheit te lu kheit lungngingte um oh lah, lungdaete la um oh; sungsakunaw te daenaw Pachia tuh nanning ryte a um cih.