Compreensão
A verdadeira compreensão vem de Deus. Os caminhos do Senhor são mais altos que os nossos. Mas Ele nos convida a buscar entendimento — e promete iluminar quem o busca de coração.
A sabedoria de Deus
Os meus pensamentos não são os vossos pensamentos. A incompreensibilidade de Deus nos leva à humildade e adoração.
Vaawlui tuh laephi laeze
ahanghua hawte,
ka cyisahnaw tuh nae cyisahnaw laeze
hanghua zah, ka tuanaw tuh
nae tuanaw laeze ahanghua.
Amaw a Raetupaw kha
a rawsepaw hanlan te
ang raetupaw kha a rawsepaw
laephi ang hanlan tuh
ngaethya lan kou um!
Anglae nynh amaw a raetupaw kha,
"Pawmou na rae?
Na raepaw hynh kyngnawpaw um khyh,"
cite a hopah zawtou?
Na nyh khyh oh tou?
Na thae khyh oh tou?
Bawipaw tuh zungzae tynpaw
Pachia nynh thua,
laephi adianaw cia Raetu nynh thua.
Aning tuh a thawbang khyh zah
a thawzya khyh;
a hawnaw tuh nythya kho thua khyh.
Bawipaw tuh lesae zah,
myaryamaw thehoysah lanpaw nynh thua;
a lesaenaw tuh marya ny kho um khyh.
Mua hae na rae mawze,
laephi pynpi na rae mawze
nang tuh athonaw kyate
athangnaw kyacia
Pachia nynh na thua.
Na malang tuh kum thong kheit hynh
athang vae paw inkhawnin hawte thua zah,
khuazi ccyh ccyhkheit hawte nynh athua.
Pachia hawnaw te nynaw tuh myarya ko zah akhu raria! A byapianaw hae tuh thaethya kho um khyh zah a laanpi hae tuh ny kho um khyh ccarei!
Buscar entendimento
Clama a mim e responder-te-ei. A sabedoria é a coisa principal — busque o entendimento com todo o coração.
Kae kha yn ko lah, kae oi cih, na ny boi leipaw alepaw te thuruhpaw uccaw kha kae hopah cih.
Masaty na ccangku lanpaw tuh
hawnaw nynh thua;
hawnaw kha ccangku tua,
na ccangku lanpaw balyn kyaze
nythyanaw kha ccangku tua.
A lungsaepaw tuh
myarya hawpaw nynh thua,
thuasalama a thindynpaw nynh tuh
ngaeenaw kha a langsaku.
Ccungccaw thinlung tuh
khuakhankunaw patae a hoi kho,
thuasalama Bawipaw khuakhannaw rou nynh atyn cih.
Ccungccaw nynh tuh
a cyipaw balyn kha akyh cite a muih,
thuasalama Bawipaw nynh tuh
thinlung kha akhin a sae.
Ah Bawipaw Jesu Khri a Pachia, phu-enaw Paaw nynh amaw ny nawlan hawnaw muisaw te byaphy kha ae pya nawlan oh thuasah,
Ah Bawipaw te Khumtu Jesu Khri a thawccinaw te amaw nynaw kyakhe lethung oh. Amaw kyakhe phu-enaw tuh atu te zungzae cia la um sah. Amen.
Iluminação divina
A entrada da tua Palavra dá luz e entendimento. Deus revela verdades ocultas e transforma nossa visão da realidade.
Na kawbya kha ccaerarih lan
phynaw nynh awnaw kha a pya;
tuh-e nynh tuanaw a zya hae paw kha
nythyanaw a pya hae.
Nang kha kae thuihei cih zah
na zui lanpaw laanpi kha kae ccangpah cih;
nang kha tuanaw pyate kae do-oih cih.
Hy nynh ccaawpoipaw nopi vue kya a umpaw ru hae kalan pawtemou a thua cipaw na ny khyh hawte, atyn-are a raetupaw Pachia ryalaw kha na nyh khyh.
Jesu nynh, "Byaccaccing kae hopya, humhung zemah a puithui khyh lanze Pachia peenaw kha muih kho lan khyh," cite a khung.
Thuasalama Jesu nynh minmin kha do hae zah, "Ccungccaw hanlan tuh hynh-e hynh thua kho khyh, thuasalama Pachia hanlan tuh pawpaw balyn athua kho," a ci.
Jesu tuh haung zah lu haw lae ning kha ko hae zah, "Humhung zemah masatypaw lang a tang rypaw tuh ccungccaw balyn kyaze nyathyakoupaw lang a tang cih zah ccungccaw hae ryalawpahtu lang a tang cih," a cipya hae.
Khri kya Judah paw te Grikpaw ci um vae khyh, see te a luepaw ci um vae khyh, pise te nopi ci um vae khyh; pawccecize nanning balyn tuh Khri Jesu kya ccangkheitpaw nynh na thua vae oh. Nanning tuh Khri kya-e na thua oh ze, Abraham ciihan nynh na thua vae oh, te byakinpyakupaw thyhte rhoccoutu hae nynh na thua vae oh.
Pawpaw balyn kha syntawtua oh lah, ahoypaw kha tynkaring lan kyngkuh oh; ahoy leipaw miakaw kha sibia oh.
Pawccecize kaening tuh pynsaw lante kae hiin zemah, pynsaw rynaw thyhte rhaw kae dou khyh,
Tukeiccuze muih khopaw uccaw hae kha do leite muih kho leipaw uccaw hae kha nynh kae do; pawccecize muih khopaw uccaw hae tuh sosoh nynh atyn, thuasalama muih kho leipaw uccaw hae tuh zungzae atyn.
Tuhounaw kha a tung vae ze, "Pachia nynh kae tuh yn tuhou," cite hum nynh sanmah ho nan sah; pawccecize hoyleinaw nynh Pachia kha tuhou kho khyh, amaw nynh mah hum sanmah tuhou boi khyh.