Comunhão com Deus

9 Ɗalapa pɛ shɔ gbete shɔ pɔ̃ sisɨn au bi, Ɗalapa au ɓawɔ nya nɛu pɛli vibiinyatɔ̃nɛ a ɓɛɛ jaa Yesɔ Kirisi ni Uɓeyelapa ni yɛ.

16 Nizɛ kɔ ɔ zɛ tɛttɔ nɛ ɔ pɛ wɛrɛ Ɗa, gbete Ɗa Suru ɔ̃ a ɓuzɨnni yɛ!

Bi Gbete u Gboki Waanɛ

12 Kirisi naa bi gbete, au gboki waanɛ; ama sɔ̃njo nankɔ bi gbetenkɔ u a gbokini waanɛ.

13,14 Uɓeyelapa Yesɔ kirisi tɔ̃vɨn pɛlinɛ, ɔrinɛ Ɗalapa, a Ɗa suru yuumusinɛ, i ɔ̃ a nyazɔ a ɔkɔɔni kpai.

16 Ivi ɓasi wɛrɛ Ɗa vi a vigãngkini viya? Aruviya ukɔu ɔ̃rɛ Ɗalapa gbete u suru aɗɔnyɛ wɛrɛ! Ji na gbete Ɗalapa au yuu shayɛ nɛ,

<<N yɛn tɔ̃rin wɛrɛ ang shɔbiiyini,

n ɔ̃ ayini nyazɔɔ,

n yɛn ɔ̃ i Ɗalapa, i yɛ ɔ̃ n shɔbiiyi.>>

17 Ko-piya kɛ ɔ̃nɛ a Kirisini u pɛ shɔzɛ sɔɔ; vi gbaali tɛɛtɛ gboti, u sɔɔ akɛrɛ. 18 Vim piti kpai Ɗalapa pɛlirɛ, shɔgbete a nyaba Kirisi kabii kɔsiutɛ au shɔnɔpɔ̃m anɛ u ɓɛusayi, a lɔurɛ nɛu pɔ̃ shɔwɔyi sɔ̃njo i ɔ̃ u ɓɛusa. 19 U ruu gbete u geli shɔyɛ ukɔ ɔ̃rɛ Ɗalapa ɓasi shɔzɛtɛ kpai a Kirisi kabiikɔ. Ɗalapa ji gai ruuvini ɓa. Ɗalapa ãu naatɛ aru u ɓasi shɔtɔ awuni.

20 Weshopɛ! Nkɔng shitɛ yɛm a nyajaa n ɗɔ waanɛ; shɔu kɛ ntanɛ kɛ ɓeli nyajaanɛ, n yɛn tou wɛrɛ n shavi a wuni, yɛ sha sɔ̃njo a nkɔni.

3 N nta yeenya pɛ̃niba kɛ shanɛ a lakpati nɛː<<Dɔdɔrim Ɗalapa ɗɔgbete ɔ̃yɛ pɛ a shɔzɛ ɗɔbii! Yɛ ɔ̃ a ikɔ ni, i yɛ ɔ̃kɛ u shɔbiiyi, Ɗalapa au yuu yɛ ɔ̃ ayini, ukɔ yɛ ɔ̃rɛ i Ɗalapa.

20 <<Ɗɔgbete shɔkɛ toli nyane ziti ko taati ang nii n ai tete ni.>>

20 <<N ji gaki ɓa ai yuukɔ sheeli ɓa, ama sɔ̃njo a shɔgbete i ãsisɨn ang biiyɛ aru gbete i shayɛ. 21 N gaki rɛ i piti kpai i ɔ̃ gbete. Mayeǃ Mɛnɛ i ɔ̃ au sisɨn naa gbete u a mokɔniyɛ, ji nagbete a ang yɛti, n kɔma n sɔ̃njo aa yɛti. I ɔ̃jo nankɔ nɔgbete shɔ kootipi iyɛ ã sisɨn nɛ, mɔkɔ shonrɛ. 22 N ãi jo bassinɛ gbete a ãyɛ kɔ, nɔgbete i yɛ ɔ̃ gbete, naa nkɔ a mokɔni u gbete yɛː 23 N ai sisɨn, mokɔma a sɔ̃njo ang sisɨn, nɔgbete i yɛ ɔ̃ gbete piti kpai, aru gbete shɔ kootipi i yɛ zɛnɛ mɔkɔ shonrɛ nɛn ɔriyitɔ nagbete a ɔrinyɛ.

24 Shɔgbete aikɛ gɨn Ɗalapa nya ãsinɛnɛ, Ɗalapa yɛ ɔ̃ ai yɛti ikɔma iyɛ ɔ̃ au yɛti. U zɛtɛttɔ aru Suru wɔsɔ-wɔsɔ gbete ãuyɛ.

20 U zɛtɛttɔ Ɗalapa Ɓɛɛ jaa atɛ ãu vizɛnɛtɛ, nogbete u yɛ zɛ Ɗalapa yɛ ukɔ pɛ tɔ̃vɨn aka yuɓasinɛ a Ɓɛɛ jaa Yesɔ Kirisini. Ukɔ ɔ̃rɛ Ɗalapa tɔ̃vɨn, Suru au sɔ̃nyaɓayɛ.

13 U zɛtɛttɔ u ɔ̃ ɔ̃nɛ yuɓassinɛ a Ɗalapa ni ukɔma ɓassiyutɔ a ukɔuni, aruviya ãu u Suru tɛttɔ.

Ɔrinɛ Ɗalapa

7 N masa ɔrinɛyi, u ɔri zɔtɔ, aruviya ɔrinɛ shɛ a Ɗalapa ɗɔbii. Shɔgbete kɛ ɔri zɔnɛ upɛ Ɗalapa jaa, zɛ Ɗalapa niitɛ.

3 Vigbeteu zɛyɛ, au ntayɛ u gelɔɔ sɔ̃njo ukɔ, nogbete ɔ ɓasiyuu a ukɔɔni a nyaba gɨnnɛ gbete u a ɓuzɨn au Da, a ɓɛɛjaa Yesɔ Kirisini.

28 Dɔdɔrim, majaayi ɔ yɛ ɗekɨn a yɛti yuɓasinɛ a wuni, aruviya a lɛgbete kɛ anɛyɛ, u bi yɛ lakitɔ yɛ ɔ̃riu tɔkɨn viyusẽ au ɗekɨn ɓa.

Tɔ̃vɨn Ɔ̃nɛ a Ɗalapa ɗekɨn

1 Dɔdɔrim u ɔ̃ tɛ a Ɗalapa ɗekɨn a tɛttɛ sisɨn ãnɛ, u ɔ̃nɛ binyatɔ̃nɛ a Ɗalapani a kaa Uɓeyelapa Yesɔ Kirisi. 2 Ɗalapa a nyaba sisɨn ãnɛ n-titɛ u kpaa vishonɛ tɔ̃vɨn au kabii, gbete dɔdɔrim u ɔ̃tɛm. Aru gbetenkɔ u ɓasi kɛkn a sisɨn pɔ̃nɛ a vigbete u yɛ kpaa a yɛti Ɗalapa bassinɛ yɛ!

22 Aru ukɔ u kpa bi maani a Ɗalapani a sisɨn ãnɛ gbete, a sisɨn gbete shɔ sɔkiu ruuvinitɛ a bi gbete shɔ sɔki a mii tɛpɛ-tɛpɛ.

7 Aruukɔ ɔ ã yuu a Ɗalapa bi. Ɔ bẽẽ japɛ̃pɛ̃ɛ̃tɔ, yɛ yuukɛkati awɔ ɗɔbiini. 8 Ɔ aa Ɗalapani maani, ukɔma yɛ a maani a ɔkɔɔni. Ɔ shɔruuvini ɔ yaa ruuvini pɛlinɛtɔ! Ɔ shɔ yɛti ziti ɔ kɔsitɔ!