Comunhão com os irmãos
A comunhão com os irmãos é marca da igreja verdadeira. Os cristãos primevos perseveravam na comunhão — partindo pão, orando e encorajando-se mutuamente.
Comunhão verdadeira
Perseveravam na doutrina dos apóstolos e na comunhão. A comunhão autêntica envolve amor sacrificial e acolhimento mútuo.
ଅଡ଼୍ ଲୋପେଙ୍କ୍ ନାର୍ଗେ ନାରୁଡ଼୍ ଅନ୍ ଗଟ୍ତେ ବିଶ୍ୱାସ୍ ମାଡ଼ି ଏର୍ଦିକ୍ଷା ହତ୍ତଡ଼୍ । ଆଦ୍ନାଣ୍ଡ୍ ମାତର୍ ମୁଣ୍ଡ୍ ହଜାର୍ ନାରୁଡ଼୍ ଶିଷ୍ୟଡ଼୍ ଦଲ୍ତାଗ୍ କାୟ୍ଲ୍ତଡ଼୍ । ଅଡ଼୍ ପ୍ରେରିତ ଶିଷ୍ୟଡ଼ାଦ୍ ଶିକ୍ଷାତାଗ୍, ସହବାଗିତାଗ୍, ରୂଟି ଉହୁତାନାଗ୍ ନୁ ପ୍ରାର୍ତନା ମାଡ଼ାନାଗ୍ ଅଣ୍ଡୟ୍ମନ୍ ଆସ୍ ମାତ୍ତଡ଼୍ ।
ପ୍ରେରିତ ଶିଷ୍ୟଡ଼୍ ନାର୍ଗେ ଆଦ୍ବୁତ୍ ନୁ ଆଶର୍ଯ୍ୟ ପାଡ଼ିୟି ମାଡ଼୍ତଡ଼୍ ନୁ ସାରେତଡ଼୍ ଆଗାଙ୍କ୍ କାବା ଆସ୍ ୱେର୍ତଡ଼୍ । ବିଶ୍ୱାସୀଡ଼୍ ସାରେତଡ଼୍ ତଡ଼୍ ସାଙ୍ଗ ଆତ୍ତଡ଼୍ ନୁ ଅଣ୍ଡୟାଗେ କାୟ୍ଲି ଅଡ଼ାଦ୍ ସାରେ ସମ୍ପତିତିଙ୍କ୍ ତୁହୁସ୍ତଡ଼୍ । ଅଡ଼୍ ନିଜେ ନିଜେତ୍ ସମ୍ପତିତିଙ୍କ୍ ୱାମି, ପାଏମ୍ଆତ୍ତେ ଡାବ୍କିଙ୍କ୍ ସାରେତଡ଼ାଦ୍ ଦର୍କାଡ଼୍ ଲେକାମ୍ ସାରେତଡ଼୍କିଂଙ୍କ୍ ତୁହୁସ୍ତଡ଼୍ । ଅଡ଼୍ ସାରେଦିନେ ଉପବାସ୍ ମନ୍ଦିର୍ତାଗ୍ ୱେରଡ଼୍ ଦଲ୍ ଆସ୍ ଗୁଡ଼ମାତ୍ତଡ଼୍ ନୁ ୱେଡ଼୍କେତେ ନୁ ସରଲ୍ ହୃଦୟତେ, ଅନୁଗ୍ରହ ପାଏମ୍ଆତ୍ତେ ନାରୁଡ଼୍ ଇଶ୍ୱର୍ତିଙ୍କ୍ ପ୍ରସଂଶା ମାଡ଼ି ଲକ୍ ଲକ୍ ରୂଟି ଉହୁସ୍ ତିଞ୍ଜମାତ୍ତଡ଼୍ । ଅଡ଼୍ ସାରେତଡ଼୍ ବିଶ୍ୱାସୀ ଆଦ୍ତଡ଼୍ ନୁ ନିତ୍ଦିନ୍ ପରିତ୍ରାଣ୍ ପାଏମ୍ଆତ୍ତେ ନାରୁଡ଼୍କିଂଙ୍କ୍ ପ୍ରବୁ ଅଡ଼ାଦ୍ ଦଲ୍ତାଗ୍ କାଲ୍ପ୍ତଣ୍ଡ୍ ।
ୱାରାଟ୍, ମାନାଡ଼୍ ୱେରେତଡ଼୍କିଙ୍କ୍ ଏର୍କା ମାଡି ଅଡ଼୍କ୍ ସାହାଯ୍ୟ ମାଡ଼ିକାଲ୍; ଇଦେଲେକାମ୍ ପ୍ରେମ୍ତେନେ ସତ୍ କାମ୍ ମାଡ଼ିକାଲ୍ । ମେଣ୍ଡେ ବେନବେନ ମାନ୍ ମଣ୍ଡଲିତାଗ୍ ଉପାସନା ମାଡ଼ାନଙ୍କ୍ ଆନଡ୍, ମାନାଲ୍ ଆଲା ମାଡ଼୍ୱାଲ୍; ମେଣ୍ଡେ ପରସ୍ପର ଉତ୍ସାହ ମାଡ଼ିକାଲ୍, ବାତାଙ୍କ୍ଇତକେ ପ୍ରବୁନାଦ୍ ଦିନାମ୍ ଜାପେ ୱାଦୁତା ।
ୱେରଙ୍କ୍ ୱିଡ଼୍ସି ଇର୍ୱୁଡ଼୍ ସାୟେ, ବାତେଙ୍କ୍ଇତ୍କେ ଅଡ଼୍ ନିଜର୍ ନିଜର୍ ତିପାଲ୍ତେ ସାୟେତ୍ କାୟା ପାହେମ୍ ଆଦ୍ତଡ଼୍ । ଅଡ଼୍ ରାଲ୍କେ, ୱେରଣ୍ଡ୍ ନିଜର୍ ତଡ଼୍ଦାଦିଙ୍କ୍ ତେତିତଣ୍ଡ୍; ମାତର୍ ବେନ ରାଲାନ୍ ୱେଲେ ୱେରଣ୍ଡ୍ ମାନ୍ତ୍ତଣ୍ଡ୍ ନୁ ବେନଙ୍କ୍ ତେତାନ୍ ମାଇଦିଙ୍କ୍ ୱେର୍ଅର୍ତୁଣ୍ଡ୍ ଇଲକଟ ମାନ୍ତଣ୍ଡ୍, ଅଣ୍ଡ୍ ଅବିସାପ୍ ପାହେମ୍ ଆତ୍ତେ ନାରୁଣ୍ଡ୍ । ମେଣ୍ଡେ, ଇର୍ୱୁଡ଼୍ ଅଣ୍ଡୟାଗେ ଉଞ୍ଜ୍କେ କାମ୍କେଆଦ୍ତଡ଼୍; ମାତର୍ ୱେରଣ୍ଡ୍ ବେଦ୍ପୁଟୁଙ୍କ୍ କାମ୍କେ ଆଦ୍ ପାର୍ଦ୍ତଣ୍ଡ୍ ? ବେସୁଙ୍କ୍ ବେନ ୱେରଣ୍ଡ୍ ମାନ୍ଦାନ୍ ନାରୁଙ୍କ୍ ଆରା ମାଡ଼ିତଣ୍ଡ୍, ଆଲାଇତ୍କେ ଇର୍ୱୁଡ଼୍ ଅଂକିଙ୍କ୍ ଦମ୍କା ମାଡ଼ିତଡ଼୍; ମେଣ୍ଡେ, ମୁଣ୍ଡ୍ ମାଡ଼୍ତେ ମାନ୍ଦାନ୍ ନଡ଼େ ସିଟ୍ପାଟ୍ ତେଗ ।
Amor fraternal
Amai-vos com amor fraternal sincero. Encorajem-se mutuamente e carreguem os fardos uns dos outros.
ଇଞ୍ଜେ ମିଡ଼୍ ସତ୍ତେ ପେର୍କେ ଆନ୍ନାଙ୍କ୍ ନିଜେ ନିଜେତିଙ୍କ୍ ଶୁଚି ମାଡ଼୍ତିଡ଼୍ ନୁ ବିଶ୍ୱାସ୍ତେ ଦାଦାନଡ଼କ୍ ପ୍ରେମ ମାଡ଼ାନଙ୍କ୍ ତିଆର୍ତେ ମିନ୍ଦେଡ଼ି । ନିଜେ ନିଜେତିଙ୍କ୍ ହୃଦୟତେ ପ୍ରେମ ମାଡ଼ାଟ୍ ।
ସାୟେତ୍ ମନ୍ତଡ଼୍ ନିଜର୍ କୁଟ୍ମାମ୍ତିଙ୍କ୍ ସେବା ମାଡ଼ାଟ୍ ।
କ୍ରିଷ୍ଟ ବିଶ୍ୱାସୀ ତାମୁଣ୍ଡ୍ ଇନା ନିଜର୍ନିଜର୍ ଲୋପେ ପ୍ରେମ ମାଡ଼ାଟ୍ ନୁ ନିଜର୍ନିଜର୍ ଲୋପେ ସମ୍ମାନ୍ ଇଦାନଙ୍କ୍ ଇଚ୍ଛା ମାଡ଼ାଟ୍ ।
କ୍ରିଷ୍ଟନ୍ତଡ଼୍ କାଇଲି ମାନ୍ଦାନ୍ ନଡ଼୍ ମିଇ ଜିୱେତାଗ୍ ଡାଟାମ୍ ଆଦ୍ତିଡ଼୍, ମେଣ୍ଡେ ଅନାଦ୍ ପ୍ରେମ ମିକିଂଙ୍କ୍ ସାନ୍ତନା ଇଦୁତ୍ । ମିଡ଼୍ ପବିତ୍ର ଆତ୍ମାତଡ଼୍ ସାହାସ୍ତେ କଷ୍ଟ ମାଡ଼ୁତିଡ଼୍ ନୁ ନିଜେ ନିଜେ ଲୋପେ ମିୟାଦ୍ ପ୍ରେମ ନୁ ଦୟା ମିନ୍ଦେ । ଆଦିଙ୍କ୍ ନାନ୍ ମିକିଂଙ୍କ୍ ଅନୁରଦ୍ ମାଡ଼ୁତାନ୍, ୱେରଡ଼୍ ଚିନ୍ତାତଡ଼୍ ଆଲ୍ସି ମିକା, ୱେରଡ଼୍ ପ୍ରେମତେ କାଇଲି ମିକା ମନ୍ ନୁ ଆତ୍ମାତେ ଅଣ୍ଡୟ୍ ଆସ୍ ମିଡ଼୍ ନାକିଂଙ୍କ୍ ଆଦ୍ଲେକାମ୍ ସୁକାମ୍ତେ କାଟେମ୍ ଆୟ୍ମୁଟ୍ ।
କ୍ରିଷ୍ଟନ୍ ଗଟିନେ ନାର୍ଗେ ତେର୍ୱେ ଲେକେତ୍ ଗଟି ମିଇ ହୃଦୟତାଗେ ମାନି । ଜ୍ଞାନ୍ତଡ଼୍ ନିଜର୍ନିଜର୍ ଲୋପେ ଶିକ୍ଷା ନୁ ପରାମର୍ଶ ଇମୁଟ୍ । ପାଟେ, ସ୍ତୁତି ନୁ କୀର୍ତ୍ତନ୍ ମାଡ଼ାଟ୍ । ହୃଦୟତେ ଦୟା ତଡ଼୍ ଇଶ୍ୱର୍ତେ ସେଙ୍ଗେ ପାଟେ, ପାରାଟ୍ ।
ଇତ୍କେ ନିଜେନିଜର୍ ସେଙ୍ଗେ ସଦୟ ନୁ ଲେଏତା ରକମ୍ ଆୟ୍ମୁଟ୍ ନୁ କ୍ରିଷ୍ଟନ୍ ସେଙ୍ଗେ ଇଶ୍ୱର୍ ବେଦ୍ପୁଟୁଙ୍କ୍ ମିକିଂଙ୍କ୍ କ୍ଷେମା ମାଡ଼ିମିନ୍ଦେଣ୍ଡ୍, ମିଡ଼୍ ଆନ୍ତେ ଆଦେପୁଟୁଙ୍ଗ୍ ନିଜେନିଜର୍ତିଙ୍କ୍ କ୍ଷେମା ଇମୁଟ୍ ।
ଆ ଦାଦାଲଡ଼ି ନୁ ହେଲାସ୍କ୍ ନଡ଼ି, ମିଡ଼୍ ସ୍ୱାଦିନତା ସେଙ୍ଗେ ୱାତ୍ତିଡ଼୍; ଆଦିଙ୍କ୍ ମେନ୍ଦୁଲ୍ତେ ଆଶେ ପୁରା ମାଡ଼ାନ୍ ସେଙ୍ଗେ ମଜା ମାଡ଼୍ମାଟ୍, ମିଡ଼୍ ମି ଲୋପେ ପ୍ରେମତେ ଦାସ ଆୟ୍ମୁଟ୍ ।
ଆଦିଙ୍କ୍ ଇଞ୍ଜେ ବେଦ୍ଲେକାମ୍ ମାଡ଼ୁତିଡ଼୍, ଟିକ୍ ଆଦେଲେକାମ୍ ନିଜେ ନିଜେ ଲୋପେ ଉତ୍ସାଇତ୍ ମାଡ଼ାଟ୍, ମେଣ୍ଡେ ନାରୁଡ଼୍କିଂଙ୍କ୍ ସାହାଯ୍ୟ ମାଡ଼ାଟ୍ ।
ଅନ୍ ତଡ଼୍ ମାୟାଦ୍ ନିଜମ୍ ସତ୍ ସମ୍ପର୍କ ମିନ୍ଦେ ଇଞ୍ଜ କେସ୍, ଯଦି ଇକାଡ଼୍ତାଗ୍ ମାନ୍ତାଡ଼୍, ଗଟ୍ତେ ନୁ କାମ୍ତେ ମାନାଡ଼୍ ମିତ୍ୟାବାଦିଡ଼୍ ଆଦ୍ତାଡ଼୍ । ବାତେଙ୍କ୍ଇତ୍କେ ଇଶ୍ୱର୍ତେ ଲେକାମ୍ ମାନାଡ଼୍ ଯଦି ୱେସିନାଗ୍ ମାନ୍ତାଡ଼୍, ମାନାଡ଼୍ ନିଜେ ନିଜର୍ ଲୋପେ ସାହାଯ୍ୟ ଦର୍କିତ୍ ନୁ ତାନ୍ ମାର୍ ଜିସୁନ୍ ନେତୁର୍ ମାନଙ୍କ୍ ସାରେତ୍ ପାପତାଗାଙ୍କ୍ ପରିଷ୍କାର୍ ମାଡ଼ିତେ ।
ଦାଦାନଡ଼ି ନୁ ଏଲାସ୍କ୍, ନାୟାଦ୍ ଶେଷଗଟ୍ ଇଦ୍ ନିଜେତିଙ୍କ୍ ସଂଶୋଦନ୍ ମାଡ଼ାଟ୍, ନାୟାଦ୍ ପରାମର୍ଶ ଗ୍ରହନ୍ ମାଡ଼ାଟ୍, ସାରେତଡ଼୍ ୱେରଡ଼୍ ମନ୍ ଆୟ୍ମୁଟ୍ ନୁ ଶାନ୍ତିତେ ମାନୁଟ୍ । ପ୍ରେମ ନୁ ଶାନ୍ତିତେ ଇଶ୍ୱର୍ ମିଇ ତଡ଼୍ ମାନିଣ୍ଡ୍ ।
ମିଡ଼୍ ସାରେ ତଡ଼କିଙ୍କ୍ ପ୍ରେମ ମାଡ଼ାଟ୍, ଇଦ୍ ପୁଃନେ ଗଟ୍ ନାନ୍ ମିକିଂଙ୍କ୍ ଇସମିନ୍ଦେନ୍; ନାନ୍ ବେଦ୍ଲେକାମ୍ ମିକିଂଙ୍କ୍ ପ୍ରେମ ମାଡ଼୍ତାନ୍, ମିଡ଼୍ଆନ୍ନ୍ତେ ଆଦେଲେକାମ୍ ନିଜେ ନିଜେ ପ୍ରେମ ମାଡ଼ାନ୍ ଲେକାମ୍ ।