Comunhão com os irmãos

A comunhão com os irmãos é marca da igreja verdadeira. Os cristãos primevos perseveravam na comunhão — partindo pão, orando e encorajando-se mutuamente.

Comunhão verdadeira

Perseveravam na doutrina dos apóstolos e na comunhão. A comunhão autêntica envolve amor sacrificial e acolhimento mútuo.

41 Ítara liñati aba habadiseirún, ha adügübaña gasu lau lererun; aba hayabin kei burí ǘrüwa-milu gürigia lun hafiñerun luagu Hesukrístu weyu ligía. 42 Aba hederegeragun houngua lun hafurendeiruni le harufudahabei apostolugu houn, afanreinha haméi hámati, óundaragua hagía lun héiginu fein luma lun hafurieidun.

Habagari furumiñetiña lánigu Kristu

43 Láuñanu tueirin anigi súngubei luagu burí seini luma burí milaguru le ladügübei Bungiu hádangiñe apostolugu. 44 Sun ha afiñerubaña, lídanñanu aban; aba buriti hafanreinhani le hámati hádangua. 45 Halugurahéi burí hafulasun luma le hámati, aba hafanreinhani lebegi según lemegeirun kada aban. 46 Sagü weyu hóundaragun ténpulurugu lun háhuduragun lun Bungiu. Lárigiñe, aba hóundaragun lúbiñe aban hádangiñe lun héiginu fein lidan aban lau ugundani luma ǘnabuguni. 47 Ábaha halawahani Bungiu, ábati hínsiñe hamá houn gürigia; ábatiha anaaheina lániña Bungiu ha asalbareinabaña hanwoun.

Atos 2:41-47

24 Lunti giñe wáfaagun wíderaguniña wíbirigu lun hínsiñehabu hamá, luma lun hadügüni le buídubei. 25 Wagía afiñetiña, moun lumuti wafalaruni hénpulu hani ha héchubaña lun midin hamá lidan wadamuridagun, lubaragiñe lira, ru wamá gurasu houn wíbirigu, guentotima lau ariha wamani luagu yarafaali lan luéyuri Wabureme Hesukrístu.

Hebreus 10:24,25

Óundaruni luma darangilaü

1 Ariha humá ida liña lan lubuidun

lun haganóun íbirigu lidan aban hámagua!

2 Ítara liña kei líhemen ibiñein buiti

le áwiyurubei hábulugugiñe fádirigu,

ararireina ligía luéigiñe hádiuma

darí luagun tigiina hadaüragun.

3 Ítara liña kei liserenun wübü Erümón,

le ábürühabei luagun burí luwübüri Sión.

Ladüga lidoun wübü Sión lóunahei Aburemei abiniruni

le lánina aban ibagari magumuchaditi.

Salmos 133:1-3

14 le burí meha úmabei nóundaragua lúbiñe Bungiu

lun wayanuhan keisi umadagu,

buguya le meha burí úmabei néibuga hadan saragu gürigia.

Salmos 55:14

Úarani adügübalin erei

9 Buítimatiña biama luéi aban, lugundun wéiritimati hafayeiruaha luagu hawadigimari. 10 Ani anhein éiguada aban hádangiñe, liñuragubei le aban. Gama lumoun fugiabu le éiguaduti ani lábuguarügüñein, ladüga úabei kaba lan iñuraguei! 11 Ani ánhaña giñe arounra biámagua lidan aban habacharaguba hawougua, ánheinti ábanrügü, ida lubagia labacharagun? 12 Ábanrügü lábugua ménrengubei láfarahoun, gama lumoun biámagua hénrengubei háfarahoun. Gúrudu le ǘrüwaguati, hénrenguti látumuragun.

Eclesiastes 4:9-12

Amor fraternal

Amai-vos com amor fraternal sincero. Encorajem-se mutuamente e carreguem os fardos uns dos outros.

22 Guentó, lau gaganbadi humá lun linarün Bungiu lau lubafu Sífiri Sandu, harumaaru hanigi lun gayaraabei lan hínsiñedun hiduheñu luéigiñe Hesukrístu hun le tímatimaati. Lunti lubeiti hínsiñegua humá hungua lau sun taruman hanigi, luma lau sun here,

1 Pedro 1:22

9 Resibigua humá hungua húbiñe, magülülühanga.

1 Pedro 4:9

10 Lunti hínsiñegua humá húmagua keisi iduheñu. Hímeigua humá hungua inebegua huguyame húniwagua.

Romanos 12:10

Lǘnabugun Kristu luma luéirigun

1 Ánheinti rúhali lubéi Kristu ubafu hun lun híchugun gurasu, anhein íderagua lubalün línsiñehabu lun híchugun dǘgüdaguaü houn amu, anhein gafanran hubéi súngubei lidan ábanmeme Sífiri, anhein anihein lubéi gudemehabu tidan hanigi, 2 gúndaaguagüda humana lau haganóun lidan úarani luma ínsiñehabuni húmawagua, óundarañu lau ábanmeme Sífiri luma ábanmeme saminaü.

Filipenses 2:1,2

16 Buíngüdaloun luganute Kristu hanigi le gumuti. Arufudaha humá húmawagua eweridiragua huguyame húmawagua lau lichú aau. Heremuha luagu luéirigun Bungiu lau eteingiruni lun tidan hanigi lau sálumu luma burí uremu.

Colossenses 3:16

32 Buidu humá, gudemehabu huguyame húmagua, ferudunagua humá húmagua ítara kei feruduna lanün Bungiu lidan Kristu.

Efésios 4:32

13 Ánheinti huguya, niduheñu, agúahati Bungiu hun lun líbürebadün lan; manüga humeirügü liñati líbürei lun lébuname gayara lan hasigiruni ugundani burí le lánina ubóu le. Lubaragiñe lira, seriwigua humá húniwagua lau ínsiñehabuni;

Gálatas 5:13

11 Ligía rúmeme humá lubéi gurasu luma erei húniwagua ítara kei hadügüni guentó.

1 Tessalonicenses 5:11

6 Ánhawa ariñaga luagu lídanñadiwa lan aban luma ani awanha abagarida lidan luburiga, weyeehaña ani úati inarüni wadan. 7 Gama lumoun anhein wabagariduña lubéi lidan larugounga, ítara kei lídanñein lan larugounga Bungiu, inarüni luagu lídanñadiwa lan aban wámagua, ani chibá lumuti lita Hesukrístu sun wafigoun.

1 João 1:6,7

11 Guentoti, niduheñu, gunda humá. Áluga humá lun habuidurun sunsuinagubei lidan higaburi, ragǘ huma dǘgüdaguaü, abagarida humá lidan úarani luma darangilaü. Ítara luba húmabei lan Bungiu lau lidarangilaü luma línsiñehabu.