Comunhão com os irmãos
A comunhão com os irmãos é marca da igreja verdadeira. Os cristãos primevos perseveravam na comunhão — partindo pão, orando e encorajando-se mutuamente.
Comunhão verdadeira
Perseveravam na doutrina dos apóstolos e na comunhão. A comunhão autêntica envolve amor sacrificial e acolhimento mútuo.
A bya kha a lawkuhpaw ccungccaw hae tuh baptisma a in hae; tuin nin kya ccungccaw thong thum loukaw a lungchih hae. Minmin tuh locceihtu hae ccangpyanaw kha ngae hae zah vaeccawkunaw, sanlou mangkheihnaw te sawsangnaw kha po a rae hae.
Zyntu hae Hiinzia
Locceihtu hae nynh ngaeangnaw patae te muihsahnaw hae kha a rae hae keiccuze ccungccaw miakaw tuh rawri sawtuanaw a hoi hae. Zyntu hae balyn tuh pynkheihlan um hae zah pawpaw balyn kha a hoikheih hae. Mih hoipaw te mih uccaw hae kha zua hae zah ccungccaw miakaw kalan ahobou thyhte a nee hae. Minmin tuh beikinn kya nin takyh tungkuh hae zah mih inn kyakhe sanlou iathungkute lungtuate hysahnaw thinlung te mih looh kha leih a aekheih hae. Pachia kha thehoysah hae zah ccungccaw hae balyn malang maehoynaw a mue hae. Bawipaw nynh khumnaw a mue hae paw kha nin takyhte milu a lungsah chih.
Sungsaku nawlan te ahoypaw rya kha law khylan lu kheit te lu kheit pawtemou lungthosaku lan cipaw kha tua kalang oh sih. Ccungccaw abang nynh leih a cyimae hae hawte pynkheihlan pumkunaw kha umtaw leite, lu kheit te lu kheit thawzung pyakuh oh sih, Ninsaw tuh houhouh yn naekuh vae cipaw kha na muih oh hawte thawzung houhouh pyakuh oh sih.
Uno Lungngingnaw
Uno hae nynh lungngingte
pynkheihlan um tuh
pawcih baban mou hoy zah
lungrythua lan a um!
Tuh-e tuh Aaron lu vawlan te
a khawming kalan luibung zah,
a angkile nakua kyacia aluibungpaw
chitui aphutepaw hawte nynh thua.
Tuh-e tuh Hermon mua kya-e dangtui,
Zion mua vawlan
accahpaw hawte nynh thua.
Pawccecize tuin kyatuin
Bawipaw nynh zungzae hiinnaw,
a hythuanaw kha a pya.
Lungtuate bya hoypaw kha
ah hokuh oh zah,
zapi hae ryte Pachia inn lang
pynkheihlan ah cceih oh.
Ruiban Hoi tuh Ahoy
Lu kheit laeze lu ning ahoyhua, pawccecize reihkute ryalaw mee alunghua a mue hae. Lukhakheit nynh a khuliaku ze, ccangpaw lu kheit nynh a tho cih; thuasalama lu kheit makhaete tuh a khuliaku ze ngaethya kou a um, a bawmtu hoi vae khyh. Lu ning te pynkheihlan a i hae ze mih khualung; thuasalama lu kheit makhaete tuh pawtemou a khualung kho cih? Lu kheit nynh ccangpaw lu kheit kha a tae kho zemah, lu ning nynh tuh lu kheit kha a tae cih. Ccangthum te ruepaw liarue tuh zoikadeihte pae khyh.
Amor fraternal
Amai-vos com amor fraternal sincero. Encorajem-se mutuamente e carreguem os fardos uns dos outros.
Nanning nynh byaccing kaw kha na ngae oh liate nae hiinnaw kha na thyaasakuh vae oh zah, uno tungvaw ahmepaw sungsahnaw kya athyaapaw thinlung khate lu kheit te lu kheit thawmawte sungsakuh oh.
Ccohku leite lu kheit te lu kheit mikhia thuasakuh oh.
u te neitaw ccaccing hawte lu kheit te lu kheit sungsakuh oh; sawtuakunaw kya lu kheit te lu kheit sawtuakuh kalang oh.
Khri Zakawsangsakunaw Dosuinkunaw
Tukeiccuze Khri kya thawzung pyakunaw ccangkhakheit, sungsakunaw kya-e ngaengannaw ccangkhakheit te Muisaw kya-e vaeccawkunaw ccangkhakheit, thawccikunaw te ngaethyaumsakunaw ccangkhakheit a um ze, lunglokute alokuhpaw sungsakunaw hoi biate, nawccawkheihnaw te tuanaw ccangkheit hoi biate nanning nynh ka lungtuanaw kha yn ccingsah oh.
Khri bya tuh nae kya phe beih lan la um sah; lu kheit te lu kheit hawnaw tynre te ccangpyakute raeringnaw pyakuh oh; nae thinlung kyakhe lungtuanaw thinlung te sam hlaw hae, thehoynaw hlaw hae te muisaw hlaw hae kha Pachia kalan sah oh.
lu kheit te lu kheit thawccihkuh thya oh lah ngaethyaumsakuh oh, Khri kya Pachia nynh ae ngaethya vae oh hawte lu kheit te lu kheit ngaethyakuh oh.
Uteno hae, nanning tuh luenaw kalan ko na thua vae oh, thuasalama tuh-e nae luenaw tuh pynsaw rynaw ccyhhoypaw hanlan mang nan oh, sungsakunaw liate lu kheit te lu kheit ryalawpakuh oh.
Tukeiccuze na cyimae oh hawte thawzung pyakuh kalang oh lah, lu kheit te lu kheit tynsakuh oh.
Aening nynh amaw ryte vaeccawkunaw ah hoi oh cite ah ho oh zah mohnaw kya ah um oh ze, ah hyn oh paw thua zah byaccing kya ah hiin khyh oh. Thuasalama Pachia tuh awnaw kya a um hawte, aening nynh awnaw kya ah um oh ze, aening tuh lu kheit te lu kheit vaeccawkunaw ah hoi oh zah, a Ccapaw Jesu Khri chiise nynh seinaw balyn kyate oun thyaasah.
Nyathya Beihlangnaw
Uteno hae, nyathyakou kya kae beihsya oh. Accingpaw lang tang lan zuakuh oh; kae ngia oh paw kha la ngae oh, lu kheit te lu kheit lungngingte um oh lah, lungdaete la um oh; sungsakunaw te daenaw Pachia tuh nanning ryte a um cih.
Kawbya thawpaw kae pya oh: lu kheit te lu kheit sungsakuh oh. Kae nynh kae sungsah oh hawte nanning mah lu kheit te lu kheit sungsakuh oh.