A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
आऊँ तिना रे और तूँ मांदे, ताकि सेयो सिद्ध ऊई की एक ऊई जाओ और दुनिया जाणो कि तैं ई आऊँ पेजी राखेया और जेड़ा तैं मां साथे प्यार राखेया, तेड़ा ई तिना साथे प्यार राखेया।
आऊँ तुसा खे एक नयी आज्ञा देऊँआ कि एकी-दूजे साथे प्यार राखो, जेड़ा मैं तुसा साथे प्यार राखी राखेया। तेड़ा ई तुसे बी एकी-दूजे साथे प्यार राखो। जे तुसे आपू बीचे प्यार राखोगे तो इजी तेई सबी जाणी लणा कि तुसे मेरे चेले ए।"
और सेयो सब विश्वास करने वाल़े कट्ठे रओ थे और तिना री सब चीजा साजिया थिया। और सेयो आपणी-आपणी सम्पति और सामान बेची-बेची की जेड़ी जेसरी जरूरत ओ थी, बांडी देओ थे। और सेयो हर रोज एक मन ऊई की मन्दरो रे कट्ठे ओ थे और कअरे-कअरे रोटी तोड़ी की खुश और मन लगाई की रोटी खाया करो थे और परमेशरो री स्तुति करो थे और सब लोक तिना ते खुश थे और जो उद्धार पाओ थे तिना खे प्रभु हर रोज तिना बीचे मिलाई देओ था।
जो कुछ आसे देखी राखेया और सुणी राखेया, तिजी रा समाचार तुसा खे बी सुणाऊँए, ताकि तुसे बी आसा साथे शामिल ओ। आसा री ये शामलता पिते साथे और तेसरे पाऊ प्रभु यीशु मसीह साथे ए।
आसे प्यार इजी तेई जाणेया कि यीशु मसीहे आसा री खातर आपणे प्राण देई ते। तेबेई आसा खे बी आपणे पाईया री तँईं प्राण देणे चाईयो।
इजी बजअ ते एकी-दूजे खे औंसला देओ और एकी-दूजे री विश्वासो रे मजबूत ऊणे खे मताद करो, बल्कि तुसे एड़ा करो बीए।
मेरा मतलब ये कि आऊँ तुसा खे और तुसे माखे आपू बीचे एक दूजे खे विश्वासो रे मजबूत करिए। तुसे मजबूत ऊई जाणे कऊँकि तुसे जाणोए कि मैं किंयाँ विश्वास कित्तेया और आँऊ मजबूत ऊई जाणा कऊँकि आँऊ जाणूंआ ए कि तुसे किंयाँ विश्वास करोए।
और आराधना रे एकी-दूजे साथे कट्ठा ऊणा नि छाडो, जेड़ी की बऊत जणेया री रवाज ए, पर एकी-दूजे खे समजयांदे रओ और जिंयाँ-जिंयाँ प्रभुए रे वापस आऊणे रे दिनो खे नेड़े आऊँदे देखो, तिंयाँ-तिंयाँ ओर बी जादा एड़ा करेया करो।
जिंयाँ लोआ लोए खे चमकाई देओआ,
तिंयाँ ई माणूंए रा मूँ आपणे दोस्तो री संगतिया साथे चमकदार ऊई जाओआ।
तुसे एकी-दूजे रा पार चको और ईंयां मसीह रा बिधान पूरी करो।
इजी री खातर जेथो तक मौका मिलो आसे सबी साथे पलाई करिए, खास करी की विश्वासी पाईया साथे पलाई करिए।
कले रणे ते दो माणूं साथे रणे अच्छे ए, कऊँकि सेयो एकी दूजे री मताद करी सकोए सफल ऊणे रिया तँईं। कऊँकि जे तिना बीचा ते कोई एक जणा रूड़ो, तो दूजे से चकणा, पर हाय तेस पाँदे, जो कल्ला ऊई की रूड़ो ओर तेसखे कोई चकणे वाल़ा नि ओ। जेबे दो जणे कट्ठे सऊणे, तो सेयो गर्म रणे, पर कल्ला माणूं किंयाँ आपू खे गर्म राखी सकोआ? जे कोई कल्ले पाँदे अमला करो तो करो, पर दो जणे तेसरा सामणा करी सकोए। जो डोरी तीऊँ तागेया साथे बाटी री ओ से चट नि टूटदी।