A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
Imi da sot ayɛt ba, ngɔn da sot ayɛt hom, nɔng ba bin sot bazining yɛɛt-yɛɛt, nɔng ba da rēn fok ngɔn ka ba shim, kpaf ti fi i di shim.
<<In tsin ki nɔɔk yin agbat ifɛ̀ ifas: Shim yin bafidiin. Kyɔn ti imi ki shim yin, anɔng wu i da shim yin bafidiin bá. Nɛ anɔng wu ngma banet da rēn, fok iyin yet yin bafi ikuus hom, ki i shim yin bafidiin.>>
Ngma bafi ikuus e, ya kashon ni kusonong myak, ikyɛng fɛ́ ba bɛ̀ yet ifuu bá ngma. Ba rɛs nkyɔrɔk mbɔk bá, ba kabasa itsɔm e, kpaf ni kunanang fɛ́ kaangan bɛ̀. Ba ya kashon ni inyis atasa karɔ iya Adakunom ntong kaakyi izen. Ba kabasa nayak na nasa bá, na ba yas gung ni iyɛ izining ni itɛrɛk iyɛ, na ba tere Adakunom, banet ngma kusum ka ba tere. Adakunom di barasa kudot bá, ifɛ̀ banet fɛ́ ba sɛs isheshek kaakyi kunom.
Iyit tsin ki taas yin, ikyɛng fi in kin di yit, fi in kin fok yit, nɔng iyin da bin moon yin ice ni iyit, na atsak e, imoon ice yit se gung ne Ada Adakunom, nɛ ari wu aYeso Kristi.
Ne ane fi in di rēn yit ikyɛng fi ishim yet: aYeso Kristi mees kutset wu nek iyit. Nek anɔng, i se yɛɛt ni in mees yit kutset yit nek baruneng yit.
Nek anɔng, kana gbinding yin ni kana nok yin kpaf ti fi i se yin ne.
na anɔng, ngma yit in di ki sɛ yit agap, ayɛt inɔɔk atsak yit.
Won in ba birisi yit inyis yit gung awo, kyɔn tɛ fɛ́ bakak mi di mɛɛ ni kuri nggɔn e yɔng. Awɛt won ni in gbinding yit baruneng ni gya, i di mak imak e, fi in tsin di yit izen kubɛ́ Adakunom mi bɛ́ bakat.
Di sɛs yin bafidang ni ndaam bà, nek ayet anɔng e me fi i di ki shining yin itees Anet-Isheshek.
Nek anɔng, ki in sɛ yit izen, won in nye itek sak na banet ngma kusum, amak e bayɔng fɛ́ ba se ni irèn ikuus.