A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
Nɔ̀un gè ɠili ti ʋa, ɗa ɓalaagi è ɠili bà, naa ɠa a kɛ ti ɓɔsu, ti ɠɛ ga ani ɠila kpe nii gaavɔnigai, eteai zoo é kwɛɛ naa maaʋele ma ga ɗa ɠa è tèʋegai, naa ʋoluma è niiti nɛɛʋɛ ʋɛ, eɠɛʋelei è nɛ̀ai la ʋɛ.
«Nà deve niinɛ veezu wo ya, naa ɠa é ga: Wo pɛ à ɓɔɠɔ nɛɛ ʋɛ. Eɠɛʋelei gè wo nɛa la ʋɛ, wo pɛ à ɓɔɠɔ nɛɛ ʋɛ ɠana. Ni wa nɛɛna ga ʋe, nui pɛ ka kwɛɛ ga wa ga nà-kaladopoiti.»
Kidaaleʋe nuiti pɛ ti ɠilini ʋa, ti-ɠɔligiti ti ɠɛ su ɠila kpe. Ti ɠɛni ta-yooiti ta ti-ɠɔligiti pɔdizu, ti ʋa ga ma walii, ti gaaɠwɛ ɛsɛ ba, é zoloo ma nu ɓɛdɛma vai ma. Ti pɛ ti ɠɛni ɠaalɛɛzu ba folo-o-folo GALA sei ʋɛlɛi wu, ti ɠɛni ɓului ɠaleɠalezu ta-ʋɛlɛiti bu, ti daamii wo koozunɛɛi zu, ta zii ʋagɔlai zu. Ti ɠɛni GALA maamusɛzu, naa ʋoluma ta-vai ɠɛni nuɓusɛi pɛ ziilaazu. Folo-o-folo Maliɠii ɠɛni ta ɓɔsu kidaaleʋe nuiti ma ɓɔgi ʋa ga niiti é ɠɛni ti ɠizosu.
Ungo, nii gi kaani, gi mɛni, naa ɠa gi daazeelizu wo ma, wa ɓalaagi, naa ɠa a kɛ wo ɠili gi ʋa kpɔfaamai zu, é gi yɔɠɔzu gá Ɠɛɛɠɛ ta ná-Doun Zunui Yesu Kilista.
Wɛlɛ ʋelei de nɛɛbɛi ɠwɛɛgai la: Yesu Kilista zɛnvui veeni da-vaa zu. Da ɓalaagi, de maanɛɛʋɛ de de-yɛnvui ve de-ɠɛɛleaiti ta-vaa zu.
Naa ɠa é ba, à ɓɔɠɔ iɲɔdɔ wo ɠilagilagiti pɛ, wo ɠilagilagi ɓɔ bɔɔlai ʋa wo li luɠɔma kidaaleʋei zu, eɠɛʋelei wo kɛɛzu la ɠiteɠite.
Ɓaa mu, nà pɔ gè ɠɛ wo zaama, ade iɲɔdɔɔi zɔlɔɔ ʋɔɔma ga kidaaleʋei maaʋele, nii ade ɓɔgai ma.
Ade mina ɠɛ ga tanigaani kɛʋele, de ʋa ɠɛlɛ da-maaɓɔgi ʋa, kɛlɛ ade ɓɔɠɔ iɲɔdɔ, eɠɛʋelei vɔlɔ wo ɠaazu Maliɠii ná-tukpɔɠaaleʋe voloi ʋa la, maa ɗa ɓuɠa.
Kɔlui ɠa ɗa kɔlui ɠaali,
nui ɠigi ɠaazu ɠa ɗa zeɠe ma, seiɲɔɠɔi ná-siɛpolui ʋɔ.
À ʋɛɛ ɓɔɠɔ ʋa wo ɠilagilagi pɛ, wo wa-ɠasɔ wuigiti seɠe, wa ɠolo ɠana Kilista ná-tɔgi ʋɛ.
Naa ɠa é ba, ni nɔ ma zobogi ɠa de ʋɛ, de ɗa faanɛɛi ɠɛ nɔ ɛsɛ pɛ bɛ, ma un ge daa ma ga naati, niiti ti ga de-ɠɛɛleaiti kidaaleʋei zu.
Nu felegɔi ɓɔgai su, naa vizɔgɛ nu ɠilagi ʋa,
ta ɠɛna fele, ta ɗa ta-wotii zulɔnɔgi zɔlɔɔ.
Ni gila ka loona, bɔɔlai ɠa ɗa buzeɠe,
kɛlɛ zɔi tɔ ɠila be, naa maawɔingo,
ni a loona, bɔɔla la ná, nii a buzeɠe.
Ʋele nɔ ɠana é la, ni nu wa ɠɛna laani ga nu felegɔ betei zu,
diegi ɠa zoo zeizu wo ma,
kɛlɛ zɔi tɔ ɠila é laani,
diegi ɠa zoo zeizu ɠale naa ma?
Ni nui ta a ɠɛna ná, é ɗa vɔni nu ɠilagi ma,
nu felegɔi ɠa zoo vɔnisu tɔun ma.
Galu ʋɔɛngi nii é ma ga saʋagɔ,
naa leʋe la ɓaaʋɛ.