1 Masagi Zɛɛlesɛse maaɓaa wotii laani kpoloɗɛi laaʋɛ nuɓusɛiti ma, ti ná-zooi zu, ga zɔɔma nuɓusɛiti kɛʋele ti zou ɠoozuʋɛ. 2 Masagi ná-zɛbɛsu vaiti, ta ná-tɔɠɔɠula faiti, naa ʋɛɛ ʋelei ʋa masagi Maledosé losuʋɛ wɔɔlɔni la, naati pɛ sɛʋɛʋɛ Mɛde ta Pɛɛlese masagiti ta-ɠɛɛwoti zɛʋɛi zu. 3 Gaamazu Zuifui Maledosé ɠa é ɠɛni ga masagi Zɛɛlesɛse ná-seipolui masa zooi zu ná pɛ. É ɠɛni ga nu wola bɔɔla Zuifuiti bɛ, é nɛɛ ti ʋɛ, é ɠɛni botii ɠɛɛzu ná-nuɓusɛiti ta-undaanɛɛi, ta ta-yiilɛigi ma vaa zu.