A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
Nagra zamagripi manugenka, Kagra, Nagripi mani’nane, hanige’za zamagra magoke zamarimpa hu’za manigahaze. Ana hananke’za ama mopafi vahe’mo’za nege’za, Kagra hunantankena ama mopafina e’noe hu’za keza antahiza nehanagenka, Nagri’ma kavesi nante’nana kna hunka, zamavesi nezmantane huza keza antahiza hugahaze.
Nagra kasefa kasege tamagrira neramue, Nagrama navesi neramantoa kna huta rumokizmia zmesinezmanteta, anahu kna hutma ovesinte avesinte hiho. Tamagrama mago’mofo ovesinte avesinte nehnage’za, maka vahe’mo’za nege’za, tamagra Nagri namage nentaza disaipol naga mani’naze hu’za hugahaze.
Hanki Jisasinte zamentinti hu’naza vahe’mo’za tragote’za nemani’za, maka’za zamia omi’ami nehu’za, mago’a zazamine, mopa zaminena agafa hu’za zagore atrage’za, miza’sage’za zago eri’za upama hu’naza vahe refako hu’za zami’naze. Maka kna ra mono (tempol) kumapi atru hu’za mono kea nehu’za, zamagu’a anterami’za, zamarimpa fruregati nonte nonte bretia kori’za nene’za kave’zamia fako hutere hu’naze. Anumzamofo agi hentesga nehazageno, mago’a vahe’mo’za ana vahe’mokizmi muse huzmante’naze. Ana nehazageno Anumzamo zamagu’ma vazi’nea vahe’mo’za mago mago kna rama’a efre’naze.
Keta antahita hu’nonazanku, tagra tamagri enena neramasmunankita, tamagra tagri’ene emeri mago hutma manisageta, tamage huta Nefane, Nemofo Jisas Kraisi’enena tragoteta manigahune.
Menina tagrama vahe’ma avesinte’zanku’ma antahiama’ma hanunana, Jisasi Agra’a asimura tagriteku huno atre’ne. Ana hu’negu tagranena zamentinti tafuhe’ina tasimu atreta zamaza hugahune.
E’ina hu’negu mago magomotma, ozeri hanaveti azeri hanaveti nehutma, menima nehazaza hutma mago magomofona zamazeri hanavetita maniho.
E’i ana zana, tamagri tamentintima azeri hankaveti ke neramasami’nena, nagri’enena ana zanke huta nazeri hanaveti kea nenasamisageta tamentintifina oti hanavetita manigahune.
Jisasi’ma esia knamo’a kofta nehigu, mago’amo’zama magopima atruma hu’zama netrazaza huta, magopima atruma hu’zana otresune. Tamagra antahinaze, Kraisi’ma esiakna hago kofta nehigu, ozeri hanaveti azeri hanaveti hanune.
Aenireti’ma, aenima kane’agonama nehiankna huno, vahe’mo’a, vahe’mofo antahintahia azeri fatgo hugahie.
Knazama oza aza hutma erinutma, Kraisi kasegea eri knare hugahaze.
E’ina hu’negu tagrama vahe’ma zamaza huga kankamuma fore’ma hanigetma, maka vahera knare tavutva hunezamita, Ramofonte’ma zamentintima nehaza nagara zamazahutfaza hugahaze.
Tare vahe’mokema eri’zama eri’zamo magoke vahe’mo’ma eri’zama eri’zana agatere’ne. Na’ankure taremokea oza aza huke eri’zana erigaha’ankino, knare hugaha’e. Hagi mago’mo’ma traka’ma hanigeno’a, magomo’a azeri otigahie. Hianagi trakama hanigenoma azahu vahe’ma omani’nimofona kasunku hunto. Anahu kna huno, taremokema magopima masena’ana amuho huke masegaha’e. Hianagi magokemo’ma agraku’ma masesiana inankna huno amuhoa hugahie? Magoke vahera ahe’za azeri haviza hugahazanagi, tare vahe’mokea hara huke ohevari ahevri (oza aza) hugaha’e. Hagi 3'a nofima magokepima erinteno zagi’nenia nofira ame hunora eri akamprura osugahie.